Eksodosy 22:28 - DIEM PROTESTANTA

²⁸ «Aza avelanareo ho tratra aoriana ny fanateranareo amiko ny santa-bokatrareo sy ny santatry ny divainareo. «Tsy maintsy hatokanareo ho Ahy ny lahimatoanareo.

Baiboly Protestanta Malagasy 2011

²⁸ Aza miandry ela vao manatitra ny santatry ny vokatrao sy ny fisotronao. Omeo Ahy ny matoa amin’ny zanakao lahy.

Dikateny Iombonana Eto Madagasikara

²⁸ «Aza avelanareo ho tratra aoriana ny fanateranareo amiko ny santa-bokatrareo sy ny santatry ny divainareo. «Tsy maintsy hatokanareo ho Ahy ny lahimatoanareo.

Baiboly Katolika

²⁸ «Aza miteny ratsy an’Andriamanitra, na manozona ny filohany amin’ny firenena».

Baiboly Protestanta Malagasy

²⁸ Aza atao ela vao manatitra ny santatry ny vokatrao sy ny fisotronao; ny matoa amin’ny zanakao-lahy dia omeo Ahy.

Malagasy Bible

²⁸ Aza atao ela vao manatitra ny santatry ny vokatrao sy ny fisotronao; ny matoa amin'ny zanakao-lahy dia omeo Ahy.

La Bible en Malgache

²⁸ Aza miandry ela vao manatitra ny santatry ny vokatrao sy ny fisotronao. Omeo Ahy ny matoa amin’ny zanakao lahy.

Eksodosy 22:28 Rohy Ifampitohizana

2Samoela 16:5

Rehefa tonga teo akaikin’i Bahorima i Davida mpanjaka, dia nisy lehilahy iray natao hoe Simehỳ zanakalahin’i Gerà sy anisan’ny havan’i Saoly; nivoaka ny tanàna izy sady nanozona an’i Davida.

2Samoela 16:9

Hoy kosa i Abisay zanakalahin’i Tseroià tamin’i Davida mpanjaka: –Ahoana io alika maty io no manozona anao, ry andriamanjaka? Avelao hotapahiko ny lohan’io.

2Samoela 19:21

Fa izaho mpanomponao dia mahafantatra fa nanota tokoa; kanefa ankehitriny dia tonga aho, nialoha ny taranak’i Jôsefa rehetra mba hidina hitsena anao, ry andriamanjaka.

1Mpanjaka 21:10

Mifanatrika aminy eo kosa dia asio roa lahy mba hiampanga lainga azy ho nanozona an’Andriamanitra sy ny mpanjaka. Ary ento any ivelan’ny tanàna izy ka torahy vato ho faty».

Salamo 138:1

Nataon’i Davida. Tompo ô, midera Anao amin’ny foko manontolo aho sady mankalaza Anao eo anatrehan’ireo anjely;

Salamo 32:6

Ny mpivavaka marina rehetra dia tokony hitalaho aminao toy izany amin’ny fotoana ilàny vonjy aminao; ka na toa ranobe hitelina aza ny loza, dia tsy hahatratra azy akory izany.

Eksodosy 13:12

dia atolory ho an’ny TOMPO ny voalohan-teraka rehetra; fa an’ny TOMPO ny lahy rehetra voalohan-teraky ny biby fiompinareo.

Eksodosy 13:2

–Atokany ho ahy ny lahimatoa rehetra ao amin’ny Israelita, na olona na biby fiompy, fa Ahy ireny.

Eksodosy 21:17

«Izay manozona ny rainy na ny reniny dia tsy maintsy vonoina ho faty.

Eksodosy 23:16

Hankalazainareo manaraka izany ny fetin’ny fijinjana amin’ny fotoana ijinjanareo ny voaloham-bokatr’izay nafafinareo tany an-tsaha. Ary amin’ny faran’ny taona kosa no hankalazainareo ny fetim-bokatra, rehefa vitanareo avokoa ny famoriana ny vokatry ny fambolenareo any an-tsaha.

Eksodosy 23:19

Haterinareo ao an-tranoko ny santatry ny vokatry ny taninareo satria Izaho no Tompo Andriamanitrareo. Nefa aza mahandro zanak’osy amin’ny rononon-dreniny.

Mpitoriteny 10:20

Aza manozona ny mpanjaka, na dia anakampo ihany aza; tahaka izany koa aza manozona ny olo-manankaja na dia ao an’efitrano fandrianao aza. Fa mety hoentin’ny vorona ny feonao ary hambaran’ny manana elatra ny teninao.

Levitikosy 24:15

Ireto didy ireto kosa no ampitao amin’ny Israelita: «Na iza na iza niteny ratsy ilay Andriamaniny, dia itambesaran-keloka.

Levitikosy 24:16

Koa izay manevateva ny anaran’ny TOMPO, dia hatao maty tokoa: hamono azy amin-torabato ny Israelita rehetra tafangona. Na vahiny izy na tompontany, rehefa manevateva ny anaran’Andriamanitra, dia hatao maty tokoa.

Asan’ny Apostoly 23:3

Tamin’izay dia hoy i Paoly tamin’ny mpisorombe: –Andriamanitra kosa hamely anao, ry ilay rindrina milalotra fotsy ivelany ity! Mipetraka mba hitsara ahy araka ny lalàna ianao, kanefa dia fandikan-dalàna ny fanomezanao baiko hamely tehamaina ahy.

Asan’ny Apostoly 23:5

Fa novalian’i Paoly hoe: –Tsy fantatro, ry rahalahy, fa izy no mpisorombe. Eny, izao tokoa no voalazan’ny Soratra Masina: «Aza miteny ratsy ny lehibem-pirenenao.»

1Petera 2:17

Hajao ny olona rehetra, tiavo ireo havana iray finoana; matahora an’Andriamanitra, manajà ny filoham-pirenena.

2Petera 2:10

indrindra fa ireo nizotra nanaram-po tamin’ny filàndratsin’ny maha olona mpanota sy nanamavo ny maha Tompo an’i Kristy. Ireo mpampianatra sandoka ireo dia olona sahy zavatra sy mitompo teny fantatra sady tsy matahotra hanevateva ireo atao hoe voninahitra;

Joda 1:8

Toy izany koa ireo mpampianatra sandoka ireo: mirediredy ka mandoto ny nofony sady mandà ny maha Tompo an’i Kristy ary manevateva ireo atao hoe voninahitra.

1Samoela 24:10

Ary hoy i Davida tamin’i Saoly: –Nahoana ianao, ry mpanjaka, no dia mihaino izay vavan’olona milaza fa mitady hanisy ratsy anao aho?

1Samoela 24:6

Nefa taorian’izany dia nidobodoboka mafy ny fon’i Davida noho ny nanapahany ny morotongotr’akanjon’i Saoly.

1Samoela 26:9

Fa hoy kosa i Davida tamin’i Abisay: –Tsia, aza mamono azy. Moa ataonao ho afa-maina izay mitady ny ain’ilay voahosotry ny TOMPO ka tsy hofaizina?