Eksodosy 20:25 - DIEM PROTESTANTA

²⁵ Fa raha hanao alitara vato ho Ahy ianareo, dia aza atao amin’ny vato voapaika; satria raha mipaika azy amin’ny fandraka ianareo, dia handoto azy.

Baiboly Protestanta Malagasy 2011

²⁵ Ary raha alitara vato no hataonao ho Ahy dia aza atao amin’ny vato voapaika; satria raha manainga ny fandrakao eo aminy ianao dia handoto azy.

Dikateny Iombonana Eto Madagasikara

²⁵ Fa raha hanao alitara vato ho Ahy ianareo, dia aza atao amin’ny vato voapaika; satria raha mipaika azy amin’ny fandraka ianareo, dia handoto azy.

Baiboly Katolika

²⁵ Raha manorina ôtely vato ho Ahy ianao, aza vato voapaika no arafitra, fa raha manainga ny fandrakao amin’ny vato ianao dia hahatonga azy ho tsy azo atao amin’ny fanompoana an’Andriamanitra.

Baiboly Protestanta Malagasy

²⁵ Ary raha alitara vato no hataonao ho Ahy, dia aza ny vato voapaika no hanaovanao azy; fa raha manainga ny fandrakao ho aminy hianao, dia handoto azy.

Malagasy Bible

²⁵ Ary raha alitara vato no hataonao ho Ahy, dia aza ny vato voapaika no hanaovanao azy; fa raha manainga ny fandrakao ho aminy ianao, dia handoto azy.

La Bible en Malgache

²⁵ Ary raha alitara vato no hataonao ho Ahy dia aza atao amin’ny vato voapaika; satria raha manainga ny fandrakao eo aminy ianao dia handoto azy.

Eksodosy 20:25 Rohy Ifampitohizana

1Mpanjaka 6:7

Tamin’ny fanaovana ny tempoly, dia vato voapaika avy tany amin’ny fihadiam-bato no nampiasaina, hany ka tsy nandrenesana feon-tantanana na fandraka na fiasana vy hafa tao amin’ny tempoly.

Eksodosy 20:24

Alitara tany no hataonareo ho Ahy, ary eo amboniny no hanoloranareo ho Ahy ny ondry aman’osinareo sy ny ombinareo ho sorona dorana manontolo sy ho sorom-pihavanana. Ary Izaho dia ho tonga hitahy anareo amin’ny toerana rehetra izay anehoako ny fanatrehako.

Eksodosy 24:4

Nosoratan’i Mosesy avokoa ny tenin’ny TOMPO taminy; ary nony ampitso dia nifoha maraina izy ka nanamboatra alitara iray teo am-pototry ny tendrombohitra sy nanangana tsangambato 12, ka iray avy isam-poko tao amin’ny Israely.

Ezekiela 40:42

Ny latabatra efatra natokana hamonoana ireo sorona dorana manontolo dia natao tamin’ny vato voapaika. Mirefy 75 santimetatra ny sakany sy ny lavany ary dimampolo santimetatra ny haavony. Teo no nametrahana izay fitaovana rehetra nilaina hanomanana ireo biby natolotra ho sorona.

Josoa 8:31

Araka ny didy nampitain’i Mosesy mpanompon’ny TOMPO tamin’ny Israelita, eny, araka izany didy voasoratra tao amin’ilay bokin’ny lalànan’i Mosesy izany, no nanaovany azy: dia alitara natao tamin’ny vato tsy namboarina, tsy voapaikam-by. Teo ambonin’ireo no nanolorana sorona dorana manontolo sy sorom-pihavanana ho an’ny TOMPO.