Eksodosy 20:18 - DIEM PROTESTANTA

¹⁸ Samy nandre ny kotro-baratra sy ny feon’ny anjomara ny Israelita rehetra ary samy nahita ny tsela-baratra sy ny tendrombohitra nidona-tsetroka, hany ka nangovitra noho ny tahotra ary nihataka teny lavitra teny.

Baiboly Protestanta Malagasy 2011

¹⁸ Ary nandre ny kotroka sy ny feon’ny anjomara ary nahita ny tselatra sy ny tendrombohitra nivoa-tsetroka ny olona rehetra, koa nony nahita izany izy ireo dia toran-kovitra sady nijanona terỳ lavitra terỳ.

Dikateny Iombonana Eto Madagasikara

¹⁸ Samy nandre ny kotro-baratra sy ny feon’ny anjomara ny Israelita rehetra ary samy nahita ny tsela-baratra sy ny tendrombohitra nidona-tsetroka, hany ka nangovitra noho ny tahotra ary nihataka teny lavitra teny.

Baiboly Katolika

¹⁸ Ren’ny olona rehetra ny kotroka sy ny feon’ny trômpetra, hitany ny lelafo sy ny tendrombohitra nivoa-tsetroka, ka nangovitra sy nijanona teny lavitra teny izy ireo nony nahita izany.

Baiboly Protestanta Malagasy

¹⁸ Ary ny olona rehetra nandre ny kotrokorana sy ny feon’ny anjomara ary nahita ny helatra sy ny tendrombohitra nivoa-tsetroka, ary nony nahita izany ny olona, dia tora-kovitra izy ka nijanona teny lavitra eny.

Malagasy Bible

¹⁸ Ary ny olona rehetra nandre ny kotrokorana sy ny feon'ny anjomara ary nahita ny helatra sy ny tendrombohitra nivoa-tsetroka, ary nony nahita izany ny olona, dia toran-kovitra izy ka nijanona teny lavitra eny.

La Bible en Malgache

¹⁸ Ary nandre ny kotroka sy ny feon’ny anjomara ary nahita ny tselatra sy ny tendrombohitra nivoa-tsetroka ny olona rehetra, koa nony nahita izany izy ireo dia toran-kovitra sady nijanona terỳ lavitra terỳ.

Eksodosy 20:18 Rohy Ifampitohizana

Genesisy 15:17

Nony efa nilentika ny masoandro, dia nisy haizim-be mikitroka; ary indro nisy fatana midona-tsetroka sy fanilo mirehitra namaky teo anivon’ireo biby voasasaka.

Genesisy 3:10

Dia namaly izy hoe: –Nandre ny feonao tao an-jaridaina aho, dia natahotra fa mitanjaka, koa dia niery.

Salamo 81:7

«Nesoriko teo an-tsorokareo ny entana; ny tananareo afa-namela ny sobika mavesatra.

Jeremia 23:23

Hoy ny teny hentitry ny TOMPO hoe: «Moa Andriamanitra tsy mahita afa-tsy ny akaiky ihany va Aho? Tsia, fa mahita ny lavitra koa Aho.

Deoteronomia 18:16

Izany indrindra no nangatahinareo tamin’ny TOMPO Andriamanitrareo fony ianareo tafavondrona tany Hôreba ka nitenenanareo hoe: «Aoka tsy ny feon’ny TOMPO Andriamanitray intsony no ho henonay, ary aoka tsy ho hitanay intsony izany afo lehibe izany, fandrao maty izahay».

Deoteronomia 4:36

Avy tany an-danitra no nampandrenesany anareo ny feony hananarany anareo, ary teto ambonin’ny tany no nanehoany anareo ny afony lehibe; ka tao anatin’izany afo izany no nandrenesanareo Azy niteny.

Deoteronomia 5:23

Rehefa renareo ilay feo avy tao anatin’ny haizina, fony nirehitra afo manontolo ny tendrombohitra, dia nanatona ahy ireo filohan’ny fokonareo sy ireo loholonareo

Deoteronomia 5:25

Kanefa nahoana izahay no hitolo-batana holevonin’io afo lehibe io ka ho faty? Fa raha mbola mandre ny feon’ny TOMPO Andriamanitsika izahay, dia ho faty mihitsy.

Deoteronomia 5:27

Ianao no aoka hanatona ny TOMPO Andriamanitsika sy hihaino ny zavatra rehetra holazainy; avy eo vao hampitainao aminay ny zavatra rehetra nolazain’ny TOMPO Andriamanitsika taminao, ka hohenoinay sy hotanterahinay izany.»

Deoteronomia 5:5

Izaho kosa teo anelanelan’ny TOMPO sy ianareo tamin’izany andro izany mba hanambara aminareo ny tenin’ny TOMPO, satria natahotra teo am-pahitana ilay afo manko ianareo ka tsy niakatra tao an-tendrombohitra. Fa hoy ny TOMPO hoe: