Eksodosy 18:21 - DIEM PROTESTANTA

²¹ Fa ny amin’ny sisa, dia mifidiana lehilahy be herimpo ao amin’ny vahoaka, dia lehilahy fatra-panaja an’Andriamanitra, tia fahamarinana sady tsy mandray tsolotra; ka tendreo ireo ho mpifehy arivo sy mpifehy zato na ho mpifehy dimampolo sy mpifehy folo.

Baiboly Protestanta Malagasy 2011

²¹ Nefa mizahà izay lehilahy mahay sy matahotra an’Andriamanitra eo amin’ny olona rehetra, dia izay lehilahy marina sady tsy tia kolikoly, ary manendre mpifehy arivo, mpifehy zato, mpifehy dimampolo ary mpifehy folo hifehy azy.

Dikateny Iombonana Eto Madagasikara

²¹ Fa ny amin’ny sisa, dia mifidiana lehilahy be herimpo ao amin’ny vahoaka, dia lehilahy fatra-panaja an’Andriamanitra, tia fahamarinana sady tsy mandray tsolotra; ka tendreo ireo ho mpifehy arivo sy mpifehy zato na ho mpifehy dimampolo sy mpifehy folo.

Baiboly Katolika

²¹ Ary ankehitriny dia ifidiano lehilahy mahay sy matahotra an’Andriamanitra, ao amin’ny vahoaka rehetra, lehilahy marina sy tsy tia kolikoly, ka ireny no atsangano ho tomponarivo sy tompon-jato, ary mpifehy dimampolo ama-mpifehy folo, hitondra azy ireo.

Baiboly Protestanta Malagasy

²¹ Ary mizahà eo amin’ny olona rehetra izay lehilahy mahay sy matahotra an’Andriamanitra, dia lehilahy marina izay tsy tia kolikoly; ka manendre mpifehy arivo sy mpifehy zato sy mpifehy dimam-polo ary mpifehy folo hifehy azy.

Malagasy Bible

²¹ Ary mizaha eo amin'ny olona rehetra izay lehilahy mahay sy matahotra an'Andriamanitra, dia lehilahy marina izay tsy tia kolikoly; ka manendre mpifehy arivo sy mpifehy zato sy mpifehy dimam-polo ary mpifehy folo hifehy azy.

La Bible en Malgache

²¹ Nefa mizahà izay lehilahy mahay sy matahotra an’Andriamanitra eo amin’ny olona rehetra, dia izay lehilahy marina sady tsy tia kolikoly, ary manendre mpifehy arivo, mpifehy zato, mpifehy dimampolo ary mpifehy folo hifehy azy.

Eksodosy 18:21 Rohy Ifampitohizana

Genesisy 22:12

Dia hoy indray ilay anjely: –Aza maninji-tanana amin’io zazalahy io ianao ary aza manao aminy na inona na inona akory, satria fantatro ankehitriny fa manaja Ahy ianao; ka, na dia ny zanaka lahitokanao aza, dia tsy narovanao tamiko.

Genesisy 42:18

Ary tamin’ny andro fahatelo dia hoy i Jôsefa taminy: –Izao no ataovy, dia ho velona ianareo, satria izaho koa mba manaja an’Andriamanitra.

Genesisy 47:6

ary ny tany Ejipta manontolo dia eo anatrehanao; koa izay faritra tsara indrindra no amponeno azy. Mahazo mipetraka ao amin’ny faritr’i Gôsena izy; ary raha fantatrao fa misy olo-mahay amin’izy ireo, dia tendreo ho lehiben’ny fiandrasana ny andiam-biby fiompiko.

2Samoela 18:1

Nampilaharin’i Davida ny miaramila izay niaraka taminy ka nanendreny mpifehy arivo sy mpifehy zato hibaiko azy.

2Samoela 23:3

Ny Andriamanitr’i Israely sady mpiaro azy no efa niteny ka nanao tamiko hoe: «Ny mpanjaka izay mifehy ny olona amim-pahamarinana sy mitondra azy amim-panajana an’Andriamanitra

1Mpanjaka 18:12

Nefa vao miala eto aminao aho, dia hoentin’ny Fanahin’ny TOMPO any amin’izay tsy fantatro ianao; ary raha handeha hilaza amin’i Ahaba aho nefa ianao tsy ho hitany, dia hataony maty aho. Hatry ny fahazazàko anefa aho no fatra-panaja ny TOMPO.

1Mpanjaka 18:3

ka niantso an’i Hôbadià filohan’ny lapa i Ahaba. Ary i Hôbadià dia fatra-panaja ny TOMPO;

Ezra 7:25

«Ary ianao, ry Hezrà, araka ny fahendren’ny lalànan’Andriamanitrao izay eny an-tananao, dia manendre mpanapaka sy mpitsara mba hitsara ny olona rehetra mahalala ny lalànan’Andriamanitrao amin’ny mponina any andafy andrefan’ny ony Eofrata; fa izay tsy mbola mahalala izany lalàna izany kosa dia aoka hampianarinareo.

Nehemia 5:9

Ary hoy koa aho hoe: –Tsy tsara izao ataonareo izao! Moa tsy tokony niaina tamim-pahatahorana an’Andriamanitra ve ianareo mba tsy hiharan’ny fanaratsian’ireo hafa firenena fahavalontsika?

Nehemia 7:2

Notendreko hitantana an’i Jerosalema i Hanany rahalahiko sy i Hananià, lehiben’ny tranomimanda, izay lehilahy mahatoky sady matahotra an’Andriamanitra mihoatra noho ny maro.

Joba 1:1

Nisy lehilahy iray nonina tany amin’ny tany Hotsa, ka nantsoina hoe Jôba. Tsy misy hokianina sady mahitsy ary nanaja an’Andriamanitra izany lehilahy izany ka nifady ny ratsy.

Joba 29:16

Eny efa tonga ray ho an’ny mahantra aho; ary nandray an-tanana ny olan’ireo vahiny.

Joba 31:13

Raha tàhiny nanan-drariny ny mpanompolahiko na ny mpanompovaviko izay nifamaly tamiko, dia tsy nolaviko fa notandroviko tokoa.

Salamo 15:1

Salamo nataon’i Davida. –TOMPO ô, iza moa no horaisina an-tempolinao sy hahazo toerana eo an-tendrombohitrao masina?

Salamo 15:5

sady tsy mba manisy zana-bola rehefa mampisambotra no tsy mba mandray tsolotra hamelezana ny tsy manan-tsiny. Izay manao izany sy izany dia tsy hihontsona na oviana na oviana.

Eksodosy 17:9

Dia hoy i Mosesy tamin’i Josoa: –Mifidiana lehilahy afaka hiaro antsika, dia mivoaha hiady amin’ny Hamalekita. Izaho kosa rahampitso dia hijoro eo an-tampon’ny havoana miaraka amin’ny tehin’Andriamanitra eny an-tanako.

Eksodosy 18:25

nifidy lehilahy be herimpo teo amin’ny Israelita izy, ka nanendry azy ho tompon’andraikitra amin’ny vahoaka, ho mpifehy arivo sy mpifehy zato na ho mpifehy dimampolo sy mpifehy folo.

Ohabolana 28:2

Rehefa mikorontana ny tany, dia maro mpitondra mifanolosolo. Fa manjaka kosa ny filaminana noho ny olona iray manan-tsaina sy mahay.

Mpitoriteny 12:13

Ary izao no fehin-teny momba izay rehetra voalaza: hajao Andriamanitra ary tandremo ny didiny, satria izany no andraikitry ny olona tsirairay.

Isaia 16:5

dia ny fitiavana nasehonao no hanorenana mafy ilay sezafiandrianana ho an’ny taranak’i Davida; hisy mpitsara hipetraka eo sady hombàm-pahamarinana ka hitandro ny rariny sy ho fatra-pandala ny hitsiny.»

Isaia 33:15

–Izay mandeha araka ny rariny ka miteny tsy misy olakolaka, izay mandà ny tombontsoa azo an-keriny sy manakifika ny tanany tsy handray tsolotra, izay manampin-tsofina tsy hihaino ny teny mampirisika hamono olona, izay manakimpy ny masony mba tsy hijery ny ratsy.

Isaia 59:4

Tsy ara-drariny no itorianareo olona, tsy araka ny toetra mahatoky no iadianareo am-pitsarana; porofo tsy azo antoka no ianteheranareo, zavatra tsy marim-pototra no teniteneninareo; torontoronina ny ratsy ianareo ka miteraka loza.

Jeremia 5:1

Mandehana mivezivezy eny an-dalamben’i Jerosalema ianareo; dia jereo tsara sy hadihadio, tadiavo eny amin’ny toera-malalaka raha mahita olona anankiray manao ny mahitsy sy ny rariny ianareo; fa raha mahita anankiray monja ianareo dia havelako ny helok’i Jerosalema.

Ezekiela 18:8

Tsy mampindram-bola mba hahazoana zana-bola sy tombony izy, tsy miray tsikombakomba amin’ny tsy marina fa manao fitsarana tsy miangatra.

Ezekiela 22:12

Ao aminao misy manaiky hotambazam-bola mba hamono olona, misy mampindram-bola hakana zanany tafahoatra sy mangoron-karena tamin’ny fandrobana ny namany, ka manadino Ahy mihitsy. Teny hentitra avy amiko Tompo ANDRIANANAHARY izany.

Zakaria 8:16

Izao no tsy maintsy hataonareo: samia milaza ny marina amin’ny namany avy ianareo; aoka ho didim-pitsarana ara-drariny no havoaka eo amin’ny toeram-pitsaranareo mba hahatonga fiadanana eo aminareo.

Nomery 1:16

Ireo no filoham-pianakaviana voafidin’ny fiangonana sady filohan’ny miaramilan’i Israely ihany koa.

Nomery 1:4

Aoka hisy lehilahy anankiray isam-poko, dia lehilahy izay tokony ho filoham-pianakaviana, mba hanampy anareo.

Nomery 10:4

Fa raha ny anankiray ihany no tsofina, dia ireo tompon’andraikitra mpifehy arivo amin’ny israelita ihany no hiangona eo aminao.

Lioka 18:2

Hoy Izy hoe: –Nisy mpitsara tsy nanan-tahotra an’Andriamanitra na hena-maso olona tao an-tanàna anankiray izay.

Lioka 18:4

Elabe ilay mpitsara tsy niraika; nefa nony farany, dia nanao anakampo hoe: «Marina tokoa fa raha izaho dia tsy manan-tahotra an’Andriamanitra na hena-maso olona.

Asan’ny Apostoly 20:33

Tsy mba nisy volafotsy na volamena na fitafian’iza na iza notsiriritiko.

Asan’ny Apostoly 6:3

Noho izany, ry havana, aoka hisy olona fito lahy hotsongaina avy eo afovoanareo, dia olona tsara laza sady feno Fanahy Masina ama-pahendrena, mba hampiandraiketanay izany raharaha izany.

Deoteronomia 22:18

Ary hosamborin’ny loholona izany lehilahy izany ka hofaiziny.

1Timoty 3:3

tsy tokony ho mpidoroka na hahery vaika, fa handefitra, tsy ho fiadîna, tsy ho matimatim-bola;

Josoa 22:14

Niaraka taminy koa ny loholona folo, iray isaky ny foko; izy rehetra ireo dia samy loham-pianakaviana tamin’ny isan’arivo israelita.

1Samoela 8:12

ny sasany hataony manamboninahitra mpibaiko rezimanta na vondron-tafika. Ny hafa hataony mpiasa ny taniny sy mpijinja ny vokany, na koa mpanefy fiadiana sy fitaovana momba ny kalesy.

1Samoela 8:3

Nefa izy roa lahy tsy mba nanahaka izay nataon-drainy, fa nanjary tia vola ka nandray tsolotra sy namilivily ny marina.