Eksodosy 18:16 - DIEM PROTESTANTA

¹⁶ Rehefa misy raharaha mampifanolana azy, dia tonga atỳ amiko izy ireo: mitsara ny raharaha mampifanolana azy aho, ary mampahafantatra azy ny fitsipik’Andriamanitra sy ny lalànany.

Baiboly Protestanta Malagasy 2011

¹⁶ Raha misy manana ady izy ireo dia mankaty amiko ka mitsara azy roa tonta aho ary mampahalala azy ny didin’Andriamanitra sy ny lalànany.

Dikateny Iombonana Eto Madagasikara

¹⁶ Rehefa misy raharaha mampifanolana azy, dia tonga atỳ amiko izy ireo: mitsara ny raharaha mampifanolana azy aho, ary mampahafantatra azy ny fitsipik’Andriamanitra sy ny lalànany.

Baiboly Katolika

¹⁶ Raha manana ady izy ireo, dia mankatỳ amiko, ka mitsara azy aho sy mampahalala ny didy aman-dalàn’Andriamanitra.»

Baiboly Protestanta Malagasy

¹⁶ Raha misy manana ady izy, dia mankatỳ amiko, ka mitsara azy roa tonta aho, dia mampahalala azy ny didin’Andriamanitra sy ny lalàny.

Malagasy Bible

¹⁶ Raha misy manana ady izy, dia mankaty amiko, ka mitsara azy roa tonta aho, dia mampahalala azy ny didin'Andriamanitra sy ny lalàny.

La Bible en Malgache

¹⁶ Raha misy manana ady izy ireo dia mankaty amiko ka mitsara azy roa tonta aho ary mampahalala azy ny didin’Andriamanitra sy ny lalànany.

Eksodosy 18:16 Rohy Ifampitohizana

2Samoela 15:3

dia hoy i Absalôma taminy: –Tsara sady marina ny raharahanao, saingy tsy misy olona voatendrin’ny mpanjaka mba hihaino anao.

2Tantara 19:10

Na inona na inona ady avy amin’ny mpiray firenena, any amin’ny tanàna fonenany any momba ny vonoan’olona na momba ny lalàna sy didy amam-pitsipika samy hafa, dia anaro izy; dia tsy ho meloka amin’ny TOMPO ireo, ary tsy hiharan’ny fahatezeran’Andriamanitra ianareo sy ny mpiray firenena aminareo. Izany no ataovy, dia tsy ho meloka ianareo.

Joba 31:13

Raha tàhiny nanan-drariny ny mpanompolahiko na ny mpanompovaviko izay nifamaly tamiko, dia tsy nolaviko fa notandroviko tokoa.

Eksodosy 18:17

Dia hoy indray ny rafozany: –Tsy tsara ny fomba anaovanao ny raharaha!

Eksodosy 2:13

Nony ampitso dia nivoaka indray izy ary nahita Hebreo roalahy niady, ka nanao tamin’ilay diso hoe: –Nahoana no mikapoka ny mpiray firenena aminao ianao?

Eksodosy 23:7

Aza mihaino ny lainga tsara lahatra. Aza manameloka ho faty ny tsy manan-tsiny sy ny olo-marina, satria Izaho Tompo dia tsy hihevitra ny olon-dratsy toy izany ho marina.

Eksodosy 24:14

rehefa avy nilaza tamin’ny loholona hoe: «Andraso eto izahay mandra-piverinay. Indreo i Aharôna sy i Hora hijanona miaraka aminareo; koa raha misy manana olana, dia manatòna azy roa lahy.»

Levitikosy 24:15

Ireto didy ireto kosa no ampitao amin’ny Israelita: «Na iza na iza niteny ratsy ilay Andriamaniny, dia itambesaran-keloka.

Nomery 15:35

Ary hoy ny TOMPO tamin’i Mosesy. –Tsy maintsy hatao maty izany lehilahy izany; hitora-bato azy eny ivelan’ny toby ny fiangonana iray manontolo.

Matio 28:20

sady ampianaro hitandrina ny zavatra rehetra nandidiako anareo. Ary indro Aho miaraka aminareo isan’andro vaky mandra-pahatongan’ny fiafaran’izao tontolo izao.

1Korintiana 6:1

Raha misy aminareo manana fifanolanana amin’ny havana kristianina, ahoana no dia ahasahiany mangataka fitsarana amin’ny olona tsy mpino fa tsy amin’ny vahoakan’Andriamanitra?

Deoteronomia 4:5

«Araka izay nandidian’ny TOMPO Andriamanitro ahy, indro ianareo efa nampianariko lalàna amam-pitsipika hotanterahinareo any amin’ny tany izay efa hidiranareo mba halainareo ho fananana.»

Deoteronomia 5:1

Dia novorîn’i Mosesy ny Israelita rehetra ka nilazany hoe: –Ry Israelita, henoy ny lalàna amam-pitsipika izay ampitaiko ho renareo anio; ianaro ireo àry imasoy ny fanatanterahana azy.

Deoteronomia 6:1

Izao no didy sy lalàna amam-pitsipika, nasain’ny TOMPO Andriamanitrareo hampianarina hotanterahinareo any amin’ny tany izay hiampitanareo mba halainareo ho fananana.

1Samoela 12:23

Fa ny amiko kosa, dia sanatriaviko ny hanota amin’ny TOMPO ka hijanona tsy hivavaka ho anareo. Ary hatoroko anareo hatrany ny lalana tsara sy mahitsy.