Eksodosy 15:14 - DIEM PROTESTANTA

¹⁴ Mandre izany ny firenena maro ka mihorohoro; mihoron-koditra ny Filistinina,

Baiboly Protestanta Malagasy 2011

¹⁴ Mandre ireo firenena ka raiki-tahotra; hovitra no mahazo ny mponina any Filistia;

Dikateny Iombonana Eto Madagasikara

¹⁴ Mandre izany ny firenena maro ka mihorohoro; mihoron-koditra ny Filistinina,

Baiboly Katolika

¹⁴ Vao nandre izany ny firenena dia nangovitra; Raiki-tahotra ny Filistinina;

Baiboly Protestanta Malagasy

¹⁴ Mandre ny firenena ka raiki-tahotra; Hovitra no mahazo ny mponina any Filistia;

Malagasy Bible

¹⁴ Mandre ny firenena ka raiki-tahotra; Hovitra no mahazo ny mponina any Filistia;

La Bible en Malgache

¹⁴ Mandre ireo firenena ka raiki-tahotra; hovitra no mahazo ny mponina any Filistia;

Eksodosy 15:14 Rohy Ifampitohizana

1Tantara 14:17

Dia niely eran’ny tany rehetra ny lazan’i Davida, ary nataon’ny TOMPO matahotra an’i Davida ny firenena rehetra.

Salamo 48:6

kanjo nahatazana, dia nidonàka, nangorohoro ka riatra nandositra.

Salamo 48:7

Nihovotrovotra foana teo izy ireo, nanaintaina toa vehivavy hiteraka;

Isaia 14:29

Aza mifaly ambony ihany ianareo, ry Filistinina rehetra, na dia tapaka aza ny tsorakazo izay nikapohana anareo, satria hisy menarana hipoitra avy amin’ny fatin’ny bibilava ary hisy dragona manidina hipoitra avy amin’ny atodin’ny menarana.

Isaia 14:31

Midradradradrà, ry tanàna mimanda, ka manaova antsoantsom-pitarainana. Ketraka ny Filistinina rehetra, fa misy setroka miakatra avy any avaratra; tsy misy mitsoaka an-daharana ny fahavalo.

Isaia 23:5

Raha mandre izany i Ejipta, dia hihoron-koditra tahaka ny hampihoron-koditra azy koa noho izay efa hanjo an’i Tiro.

Ezekiela 32:9

Hataoko mitebiteby ny fon’ny firenena maro, hatrany amin’ny tany izay tsy fantatrao akory aza, rehefa hampandrenesiko azy ny faharavanao.

Habakoka 3:6

Mihorohoro ny tany, rehefa mijadona Izy. Vao jereny ny firenena, dia mangovitra. Torotoro ireo tendrombohitra mandrakizay, mietry ireo havoana fahagola, dia ireo havoana fandalovany taloha.

Habakoka 3:7

Hitako ny fahorian’ireo vahoakan’i Kosàna sy ny horohoron’ireo mponin’i Midiàna.

Nomery 14:14

Notantarainy tamin’ny mponin’ity tany anoloanay ity izany. Koa dia fantatr’izy ireo fa Ianao TOMPO no momba ny vahoakanao ary IANAO mifanatri-tava aminy; ny rahonao dia mijanona eo amboniny hialofany; mialoha azy amin’ny andry rahona Ianao nony andro ary amin’ny andry afo kosa nony alina.

Nomery 22:5

Dia naniraka olona i Balàka hankany amin’i Balahama zanakalahin’i Behôra any Petôra amoron’ny ony Eofrata, any amin’ny tanin’ny Hamavita; ka izao no teny nampitondrainy ho an’i Balahama: «Misy vahoaka niala tany Ejipta tonga eto amiko, ary mandrakotra ny taniko sady mitoby eto anatrehako.

Deoteronomia 2:25

Manomboka anio, dia hataoko mahazo ny firenena rehetra ambany lanitra ny horohoro sy tahotra anareo; ka vantany vao reny ny lazanareo, dia hangovitra sy hipararetra noho ny aminareo izy.»

Josoa 10:2

Dia raiki-tahotra mafy ny mponina tao Jerosalema satria i Gibehôna dia tanàna lehibe noho i Hay sady tahaka ny anankiray amin’ireo tanàna misy andriana, ary lehilahy mahery fo avokoa no tao aminy.

Josoa 2:11

Koa raha nandre izany izahay, dia ketraka ny fonay ary tsy nisy olona sahy nitsangana hanohitra anareo intsony. Fa ny TOMPO Andriamanitrareo no Andriamanitra any an-danitra ambony sy etỳ an-tany ambany.

Josoa 9:24

Dia namaly an’i Josoa ny Gibehônita ka nanao hoe: –Notantaraina tsara taminay, tompoko, izay efa nandidian’ny TOMPO Andriamanitrao an’i Mosesy mpanompony, dia ny hanomezana anareo ity tany manontolo ity ary handringananareo ny mponina rehetra ao aminy arakaraka ny androsoanareo. Natahotra mafy ny ho faty izahay noho ny aminareo, ka izany no nanaovanay izany zavatra izany.

Josoa 9:9

Dia novalian’ireo hoe: –Avy any an-tany lavitra be izahay, tompoko, no tonga noho ny lazan’ny TOMPO Andriamanitrareo; efa renay manko izay rehetra nataony tany Ejipta

1Samoela 4:7

dia natahotra ireo, satria nifampilaza hoe: «Andriamanitra no tonga ao an-tobiny. Tsy mbola tao Izy talohan’izao; koa ankehitriny, hahita loza isika.

1Samoela 4:8

Eny, hahita loza isika! Iza no hamonjy antsika tsy ho azon’io Andriamanitra mahery io, Izay namely ny Ejiptianina tamin’ny loza maro samihafa tany an-taniefitra?