Eksodosy 14:8 - DIEM PROTESTANTA

⁸ Ary ny TOMPO dia nanamafy fo ny Farao, mpanjakan’i Ejipta, mba hanenjika ny Israelita izay niala tany Ejipta tamin-kalalahana.

Baiboly Protestanta Malagasy 2011

⁸ Ary NY TOMPO nanamafy ny fon’i Farao, mpanjakan’i Ejipta, dia nanenjika ny Zanak’Israely izy, na dia tamin’ny fahafahana tanteraka aza no nivoahan’ireo.

Dikateny Iombonana Eto Madagasikara

⁸ Ary ny TOMPO dia nanamafy fo ny Farao, mpanjakan’i Ejipta, mba hanenjika ny Israelita izay niala tany Ejipta tamin-kalalahana.

Baiboly Katolika

⁸ Nohamafisin’i Iaveh ny fon’i Faraôna, mpanjakan’i Ejipta, ka nanenjika ny zanak’i Israely i Faraôna, ary tamin’ny tanana voasandratra no nivoahan’ny zanak’i Israely.

Baiboly Protestanta Malagasy

⁸ Ary Jehovah nanamafy ny fon’i Farao, mpanjakan’i Egypta, dia nanenjika ny Zanak’Isiraely izy, na dia tamin’ny tànana avo aza no nivoahany.

Malagasy Bible

⁸ Ary Jehovah nanamafy ny fon'i Farao, mpanjakan'i Egypta, dia nanenjika ny Zanak'Isiraely izy, na dia tamin'ny tanana avo aza no nivoahany.

La Bible en Malgache

⁸ Ary NY TOMPO nanamafy ny fon’i Farao, mpanjakan’i Ejipta, dia nanenjika ny Zanak’Israely izy, na dia tamin’ny fahafahana tanteraka aza no nivoahan’ireo.

Eksodosy 14:8 Rohy Ifampitohizana

Salamo 105:43

Dia navoakany ny vahoaka voafidiny, ka niravo sy nanao horakora-pifaliana;

Salamo 86:13

satria lehibe ny fitiavanao ahy; fa izaho no efa nafahanao tsy ho lasa any an-davaka, any amin’ny toeran’ny maty any.

Eksodosy 10:27

Ary ny TOMPO manamafy fo ny Farao ka tsy mety handefa ny Israelita izy.

Eksodosy 13:16

Ireo sorona ireo dia ho solon’ny marika eo amin’ny sandrinareo sy ny handrinareo, ka hampahatsiaro anareo fa ny TOMPO no namoaka anareo hiala tany Ejipta tamim-pahefana mahery.

Eksodosy 13:18

Izany no antony nitondrany azy amin’ny lalana mihodidina ny taniefitra, mankany amin’ny Ranomasin’ny Volotara. Voalamina tsara ny Israelita fony niala avy tany Ejipta.

Eksodosy 13:9

Io fankalazana io dia ho solon’ny marika eo amin’ny sandrinareo sy ny handrinareo, ka hampahatsiaro fa tokony hambaranareo ny lalànan’ny TOMPO satria IZY no namoaka anareo hiala tany Ejipta tamim-pahefana mahery.

Eksodosy 14:17

Fa Izaho hanamafy fo ny Ejiptianina ka hitsofoka hanenjika anareo izy. Dia hasehoko ny voninahitro amin’ny hanapotehako ny Farao sy ny andian-tafiny rehetra, ny kalesiny sy ny mpitaingina azy.

Eksodosy 14:4

Ary hanamafy fo ny Farao Aho, dia hanenjika anareo izy. Kanefa hasehoko ny voninahitro amin’ny hanapotehako ny Farao sy ny tafiny manontolo, ka ho fantatry ny Ejiptianina fa Izaho no TOMPO. Notanterahin’ny Israelita izany araka ny torolalana.

Eksodosy 14:7

Nindaosiny avokoa ny kalesin’i Ejipta, ka isan’izany ny kalesy voafantina eninjato miaraka amin’ny mpitaingina azy tsirairay avy.

Eksodosy 15:9

Dia hoy ireo fahavalony hoe: «Hoenjehintsika ireny ka hotratrarintsika, halaintsika ho babo ka hanaranantsika fo; hotsoahantsika ny sabatra, ka hamongotra azy ny tanantsika.»

Eksodosy 4:21

Hoy indray ny TOMPO tamin’i Mosesy: –Diniho fa efa nataoko eo am-pelatananao ireo zava-mahagaga isan-karazany. Koa rehefa tafaverina any Ejipta ianao, dia ataovy eo anatrehan’ny Farao ireny; Izaho kosa hanamafy ny fony ka tsy handefa ny Israelita izy.

Eksodosy 6:1

Fa namaly an’i Mosesy ny TOMPO hoe: –Ankehitriny vao ho hitanao izay hataoko amin’ny Farao, fa noho ny herin-tsandriko dia havelany handeha ny Israelita; eny, noho ny herin-tsandriko, dia horoahiny hiala amin’ny taniny izy ireo!

Eksodosy 9:12

Ary ny TOMPO nanamafy ny fon’ny Farao; koa arak’izay efa nambaran’ny TOMPO tamin’i Mosesy, dia tsy nihaino ny fangatahan’i Mosesy sy i Aharôna izy.

Fitomaniana 3:65

Hataonao donto ny fisainany; ary hiharan’ny ozonao ireo.

Levitikosy 26:13

Izaho no TOMPO Andriamanitrareo, Ilay namoaka anareo hiala tany Ejipta mba tsy hanandevozany anareo intsony; notapahiko ny zioga izay teo aminareo mba hitrakanareo fandeha.

Nomery 33:3

Niala teo Ramsesa ny Israelita tamin’ny volana voalohany, andro faha-19. Ny ampitson’ny andro Paska voalohany no niaingan’ny Israelita amin-kalalahana teo imason’ny Ejiptianina rehetra.

Asan’ny Apostoly 13:17

Ny Andriamanitr’ilay vahoaka Israely dia nifidy ny razantsika. Nataony tonga firenen-dehibe io vahoaka io fony izy nivahiny tany amin’ny tany Ejipta, ary tamin-kery lehibe no nitondrany azy hiala avy any Ejipta.

Deoteronomia 26:8

Fiarovana mahery sy fahefana tsy hay tohaina ombàn’ny fampatahorana goavana sy famantarana ary zava-mahagaga no namoahan’ny TOMPO anay hiala tany Ejipta;

Deoteronomia 32:27

raha tsy ny fahavalo hirehaka no natahorako; mety diso hevitra manko ny mpandrafy azy ka hiteny hoe: ‹Ny tananay no nahery, fa tsy ny TOMPO velively no nanao izany.›

Josoa 11:20

Ny TOMPO manko no nahatonga azy ireny ho mafy fo ka hihantsy ady tamin’ny Israelita mba handringanana azy tanteraka tsy misy indrafo, satria tsy maintsy naringana ireny araka izay efa nandidian’ny TOMPO an’i Mosesy.

Mpitsara 4:7

Fa hoentaniko i Siserà lehiben’ny tafik’i Jabîna ho tonga eo amoron’ny renirano Kisôna mba hanafika anao miaraka amin’ny kalesiny sy ny andian-tafiny; dia hatolotro eo an-tananao izy.