Eksodosy 14:7 - DIEM PROTESTANTA

⁷ Nindaosiny avokoa ny kalesin’i Ejipta, ka isan’izany ny kalesy voafantina eninjato miaraka amin’ny mpitaingina azy tsirairay avy.

Baiboly Protestanta Malagasy 2011

⁷ Nitondra kalesy fitondra miady voafantina eninjato sy ny kalesy fitondra miadin’ny Ejiptiana rehetra izy ka samy nisy manamboninahitra avy ireo.

Dikateny Iombonana Eto Madagasikara

⁷ Nindaosiny avokoa ny kalesin’i Ejipta, ka isan’izany ny kalesy voafantina eninjato miaraka amin’ny mpitaingina azy tsirairay avy.

Baiboly Katolika

⁷ Ny nentiny dia kalesy voafantina enin-jato, sy ny kalesy tao Ejipta rehetra, samy nisy mpifehy avy.

Baiboly Protestanta Malagasy

⁷ Ary nitondra kalesy enin-jato voafantina sy ny kalesin’ny Egyptiana rehetra izy, izay samy nisy mpiady avy izy rehetra.

Malagasy Bible

⁷ Ary nitondra kalesy enin-jato voafantina sy ny kalesin'ny Egyptiana rehetra izy, izay samy nisy mpiady avy izy rehetra.

La Bible en Malgache

⁷ Nitondra kalesy fitondra miady voafantina eninjato sy ny kalesy fitondra miadin’ny Ejiptiana rehetra izy ka samy nisy manamboninahitra avy ireo.

Eksodosy 14:7 Rohy Ifampitohizana

Genesisy 50:9

Nisy andian-kalesy sy mpitaingin-tsoavaly koa niara-niakatra taminy, ka nafonja tokoa ny andian’olona mpanotrona.

Salamo 20:7

Fantatro izao ankehitriny fa ny TOMPO manome fandresena ny mpanjaka nohosorany; avy any an-danitra toeramasiny no amaliany ny vavaka ataony, ka ny herin’ny tanany ankavanana no anolorany fandresena ho azy.

Salamo 68:17

Kanefa nahoana, ry vohi-maro tendro, no ialonanao ilay vohitra voafidy, voafidin’Andriamanitra mba honenany? Eny, hitoetra ao mandrakizay ny TOMPO!

Eksodosy 14:23

Nanenjika azy ny Ejiptianina; ny soavalin’ny farao rehetra mbamin’ny kalesiny sy ny mpitaingina azy dia samy nitsofoka nanaraka azy ireo tao afovoan’ny ranomasina avokoa.

Eksodosy 14:6

Dia nasain’ny Farao noziogaina tamin’ny kalesy ny soavaliny, ary nentiny nanaraka azy koa ny tafiny.

Eksodosy 14:8

Ary ny TOMPO dia nanamafy fo ny Farao, mpanjakan’i Ejipta, mba hanenjika ny Israelita izay niala tany Ejipta tamin-kalalahana.

Eksodosy 15:4

Fa navariny ao an-dranomasina ny kalesy sy ny andian-tafiky ny Farao, ireo manam-boninahiny voafantina nasitriny ao an-dranomasin’ny Volotara.

Isaia 37:24

Tamin’ny alalan’ny mpanomponao no nanevatevanao Ahy Tompo. Hoy ianao hoe: ‹Izaho Saneheriba dia ny kalesiko marobe no niakarako teny an-tampon-tendrombohitra hatreo afovoan-tanin’i Libano mba hikapa ny sedera mijoalajoala sy ny kipreso voafantina eo aminy. Hiakarako ao ny tendrombohitra faran’izay avo sy ny tahirin’alany matevina indrindra.

Mpitsara 4:15

Tamin’izay no nataon’ny TOMPO nifanaritaka teo anoloany kosa i Siserà sy ny kalesiny mbamin’ny miaramilany rehetra. Niala tamin’ny kalesiny mihitsy aza i Siserà ka nandositra an-tongotra.

Mpitsara 4:3

Nanana kalesy vy sivinjato i Jabîna ary nampahory fatratra ny Israelita nandritra ny roapolo taona; koa niantso vonjy tamin’ny TOMPO ireo.