Daniela 5:23 - DIEM PROTESTANTA

²³ Fa nihantsy ny Tompon’ny lanitra ianao, raha nampaka ny tsatokaty voababo tao an-tempoliny ho eo anatrehanao; ka ny tenanao sy ny olo-manan-kajanao ary ireo vadinao mbamin’ny vaditsindranonao no nisotro divay taminy. Nankalazainao ireo andriamanitra volafotsy sy volamena, halimo sy vy ary vato aman-kazo izay tsy mahita na mandre na mahalala akory, fa ilay Andriamanitra Izay mihazona ny ainao sy miahy ny lalanao rehetra kosa tsy mba nomenao voninahitra.

Baiboly Protestanta Malagasy 2011

²³ Niavonavona tamin’ny Tompon’ny lanitra ianao; noentina teto anatrehanao ny fanaky ny tranon’Andriamanitra ka nisotro divay taminy ianao sy ny mpanolotsainanao, ny vadinao mbamin’ny vady tsindranonao; ary ianao dia nankalaza ny andriamanitra volafotsy, volamena, varahina, vy, hazo ary vato, izay tsy mahita na mandre na mahalala. Fa Andriamanitra izay mitana ny fofonainao sady Tompon’ny alehanao rehetra kosa tsy mba nankalazainao.

Dikateny Iombonana Eto Madagasikara

²³ Fa nihantsy ny Tompon’ny lanitra ianao, raha nampaka ny tsatokaty voababo tao an-tempoliny ho eo anatrehanao; ka ny tenanao sy ny olo-manan-kajanao ary ireo vadinao mbamin’ny vaditsindranonao no nisotro divay taminy. Nankalazainao ireo andriamanitra volafotsy sy volamena, halimo sy vy ary vato aman-kazo izay tsy mahita na mandre na mahalala akory, fa ilay Andriamanitra Izay mihazona ny ainao sy miahy ny lalanao rehetra kosa tsy mba nomenao voninahitra.

Baiboly Protestanta Malagasy

²³ fa niavonavona tamin’ny Tompon’ny lanitra hianao; ary ny fanaky ny tranon’Andriamanitra dia nentina eto anatrehanao, ary hianao sy ny mpanolo-tsainao sy ny vadinao mbamin’ny vaditsindranonao nisotro divay taminy; ary hianao nankalaza ny andriamanitra volafotsy sy volamena sy varahina sy vy sy hazo ary vato, izay tsy mahita, na mandre, na mahalala; fa Andriamanitra Izay mitana ny ainao sady Tompon’ny alehanao rehetra dia tsy mba nankalazainao.

Malagasy Bible

²³ fa niavonavona tamin'ny Tompon'ny lanitra ianao; ary ny fanaky ny tranon'Andriamanitra dia nentina eto anatrehanao, ary ianao sy ny mpanolo-tsainao sy ny vadinao mbamin'ny vaditsindranonao nisotro divay taminy; ary ianao nankalaza ny andriamanitra volafotsy sy volamena sy varahina sy vy sy hazo ary vato, izay tsy mahita, na mandre, na mahalala; fa Andriamanitra Izay mitana ny ainao sady Tompon'ny alehanao rehetra dia tsy mba nankalazainao.

La Bible en Malgache

²³ Niavonavona tamin’ny Tompon’ny lanitra ianao; noentina teto anatrehanao ny fanaky ny tranon’Andriamanitra ka nisotro divay taminy ianao sy ny mpanolotsainanao, ny vadinao mbamin’ny vady tsindranonao; ary ianao dia nankalaza ny andriamanitra volafotsy, volamena, varahina, vy, hazo ary vato, izay tsy mahita na mandre na mahalala. Fa Andriamanitra izay mitana ny fofonainao sady Tompon’ny alehanao rehetra kosa tsy mba nankalazainao.

Daniela 5:23 Rohy Ifampitohizana

Genesisy 14:19

ary nitsodrano an’i Abrama hoe: –Hotahîn’Andriamanitra avo indrindra mpanao ny lanitra sy ny tany anie i Abrama!

Genesisy 2:7

Ary vovoka avy amin’ny tany no nalain’ny TOMPO Andriamanitra, ka nanamboarany olombelona anankiray. Nitsofany fofonaina mahavelona tao am-bavorony, dia tonga manana aina raolombelona.

2Mpanjaka 14:10

Ary hoy ihany i Jôasy: «Satria efa resinao ny Edômita, ka dia nirehareha ny fonao; aoka hahafa-po anao izany voninahitra izany ka mitoera ao an-tranonao ihany! Fa nahoana ianao no mitady loza izay hahavoa ny tenanao sy ny tafik’i Joda manontolo?»

Joba 12:10

Izy no mitana ny ain’ny voaary rehetra, mbamin’ny fofonain’ny olombelona tsirairay avy.

Joba 31:4

Moa tsy hitan’Andriamanitra ve ny toetrako? Moa tsy manisa ny diako rehetra ve Izy?

Salamo 104:29

Raha lavinao ny hijery azy, dia mitebiteby izy; raha alainao ny ainy, dia maty izy ka miverina ho vovoka indray.

Salamo 115:16

Ny lanitra dia an’ny TOMPO; ny tany kosa nomeny ny olombelona!

Salamo 139:3

Voadinikao aho na mamindra na miato; ary tsy misy miafina aminao ny làlan-kalehako.

Salamo 146:4

vantany vao miala ny fofonain’ireo, dia miverina amin’ny vovoka niaviany izy; ka amin’izay indrindra no rava ny fikasany.

Ohabolana 20:24

Ny TOMPO no mampahery ny olona eo amin’ny lalan-kalehany; fa ahoana moa no hahalalan’olombelona ny hombany?

Isaia 13:11

Hoy ny Tompo hoe: «Hirotsaka an-tsehatra Aho hamaly ny faharatsian’izao tontolo izao sy ny heloka vitan’ny olon-dratsy. Hatsahatro ny fireharehàn’ny mpiavonavona ary haetriko ny rehaky ny mpanao didy jadona.

Isaia 14:13

Fa hoy ianao anakampo hoe: «Hiakatra any an-danitra any aho ka hametraka ny sezafiandrianako ho avo noho ny kintan’Andriamanitra; dia eo amin’ilay tendrombohitra fivoriana, izay any am-parany avaratra, no hipetrahako.

Isaia 2:12

Eny, hisy andro omanin’ny TOMPOn’izao rehetra izao hitsarana ny mpirehareha sy ny mpanandra-tena ary koa ny mpiandranandrana rehetra mba ho fampietrena azy ireo:

Isaia 33:10

«Ankehitriny, hoy ny TOMPO, no hirotsaka an-tsehatra Aho; ankehitriny no hitraka Aho ary haneho ny fahalehibiazako.

Isaia 37:19

ary nodorany tamin’ny afo sy nosimbany aza ny andriamanitr’ireny firenena ireny satria tsy tena Andriamanitra ireo fa zavatra nataon-tanan’olona, eny, vato aman-kazo ihany.

Isaia 37:23

Fa iza moa no voatevatevanao sy nompanao? Ary iza no nanaovanao lela miakatra sy niandranandranan’ny masonao? Tsy iza fa Izaho Ilay Masin’i Israely!

Isaia 42:5

Izao no tenin’ny TOMPO Andriamanitra Izay nahary ny lanitra sy nanenjana azy hidadasika, Izay namelatra ny tany mbamin’ny zava-maniry vokariny, Izay manome fofonaina ho an’ny olona eo aminy sy fanahy ho an’ny mponina miriaria ao; eny, izao no tenin’ny TOMPO Andriamanitra amin’ilay mpanompo voafidiny:

Jeremia 10:23

TOMPO ô, fantatrao fa ny olombelona tsy mahafehy ny lalany, ary ny mpivahiny tsy mahalamin-dia.

Jeremia 48:26

Nihevitra ho lehibe noho ny TOMPO i Môaba ka ataovy mamon’ny divainy sy mihosina amin’ny loany, ary ho tonga fihomehezana.

Jeremia 50:28

Injany ireo mpandositra afa-nitsoaka avy any Babilônia mitondra ny vaovao ao Tsiôna: namaly faty an’i Babilôna ny TOMPO Andriamanitsika, namaly faty azy noho ny tempoliny masina Izy.

Jeremia 50:29

Antsoy ny mpandefa zana-tsipîka, dia ireo rehetra mpanenjana tsipîka, ka vorio hamely an’i Babilôna. Aoka ireo hitoby manodidina azy ka tsy hamela ny mponiny ho afa-miala. Aoka hovaliana araka ny ratsy nataony izy ka izay rehetra nataony tamin’ny hafa no mba ampiharo aminy kosa! Satria izy niavonavona tamin’ny TOMPO, dia tamin’ilay Masin’i Israely.

Ezekiela 28:17

Ny hatsaran-tarehinao no nampiavonavona ny fonao, ary ny fahombiazanao mamirapiratra no nahasimba ny fahendrenao. Dia azerako amin’ny tany ianao ary atolotro hampitalanjona ireo mpanjaka.

Ezekiela 28:2

«Ry ilay taranak’olombelona, ambarao amin’ny mpanjakan’i Tiro fa izao no lazain’ny Tompo ANDRIANANAHARY: ‹Fo miavonavona no nilazanao ny tenanao ho andriamanitra sady mipetraka amina sezafiandrianana mendrika an’ireo andriamanitra, dia sezafiandrianana eo anivon-dranomasina. Nihevi-tena ho mitovy amin’ireo andriamanitra ianao nefa olombelona ihany fa tsy andriamanitra akory.

Ezekiela 28:5

Nanangona tombom-barotra ianao noho ny fahaizanao ara-barotra; ary izany harena izany no niavonavonan’ny fonao.›

Ezekiela 31:10

«Koa izao no lazain’ny Tompo ANDRIANANAHARY: Nisandratra avo ilay sedera ka nitehi-drahona ny tendrony, dia nihaniavonavona ny fony.

Daniela 11:12

Ary resin’ilay mpanjaka ao atsimo ireo vahoaka marobe ireo ka hampiavonavona ny fony; nefa, na dia haharingana miaramila 10 000 maro aza izy, dia tsy handresy.

Daniela 8:11

Ary nitatra nihantsy hatramin’ilay Filohan’izany tafika izany aza izy, ka nanafoana ny sorona fanao isan’andro aminy sady nanimbazimba ny fiorenan’ny Toeramasiny.

Habakoka 2:4

Jereo ange: ny olona feno avonavona dia tsy milamina ara-panahy; fa ny marina amin’ny finoana no ho velona.

Asan’ny Apostoly 17:25

Tsy hoe orin-javatra Andriamanitra ka tompoin’olombelona, satria Izy ihany no manome ny aina sy ny fofon’aina mbamin’ny zavatra rehetra ho an’ny olombelona tsy an-kanavaka.

1Korintiana 8:4

Koa azo hanina ve ny hena natao sorona tamin’ny sampy? Fantatsika fa tsinontsinona ny sampy eo amin’izao tontolo izao, ary tsy misy Andriamanitra afa-tsy ilay Andriamanitra tokana.

1Timoty 3:6

tsy tokony ho kristianina zazavao izy, fandrao hieboebo foana ka ho voaheloka tahaka ny nanjo ny devoly;

Hebreo 4:13

Tsy misy zavaboaary miafina amin’Andriamanitra; fa ny zavatra rehetra dia mihanjahanja sy miharihary eo imasony, ary Izy no hampamoaka antsika ny amin’izay ataontsika.

Apokalipsy 9:20

Kanefa ny olombelona, sisa tsy matin’ireo loza ireo, dia tsy niova toetra hiala tamin’ireo andriamanitra voatran’ny tanany, ka tsy nitsaha-nivavaka tamin’ny demony sy tamin’ny sampy volamena sy volafotsy sy halimo ary vato aman-kazo, sampy izay tsy afaka mijery na mandre na mamindra;

Mpitsara 16:23

Indray andro dia nivory ireo mpanjaka filistinina mba hankalaza ny fandreseny sy hanao sorona lehibe ho an’i Dagôna andriamaniny. Fa hoy izy hoe: –Efa natolotry ny andriamanitsika ho eo an-tanantsika i Samsôna fahavalontsika.

1Samoela 17:26

Dia hoy i Davida tamin’ny miaramila iray teo akaikiny: –Hatao ahoana tsara hoe izay maharesy io Filistinina io ka mahafaka an’i Israely amin’izao fahafaham-baràkany izao? Fa iza moa io Filistinina mpanompo sampy io no sahy mihantsy ny tafik’ilay Andriamanitra velona?

1Samoela 17:36

Raha izany no nahafatesan’ny mpanomponao ny liona sy ny bera, dia ho tahaka izany koa no hanjo io Filistinina mpanompo sampy io, satria nihantsy ny tafik’ilay Andriamanitra velona izy.