Daniela 11:40 - DIEM PROTESTANTA

⁴⁰ «Ary amin’ny fotoana farany dia hanoto azy indray ny mpanjaka ao atsimo, nefa ny mpanjaka ao avaratra dia hipaoka azy toy tafio-drivotra miaraka amin-kalesy sy mpitaingi-tsoavaly ary sambo marobe; ary hiditra amin’ny tany isan-karazany izy ka hihoatra sisintany ombàn-tafika sy hipariaka toy ny ranovaky.

Baiboly Protestanta Malagasy 2011

⁴⁰ Amin’ny fotoanan’ny farany dia hifanohitra aminy ny mpanjakan’ny atsimo; ny mpanjakan’ny avaratra koa dia ho avy hamely azy toy ny tafio-drivotra ka hitondra kalesy fitondra miady sy mpitaingin-tsoavaly ary sambo maro; hiditra ao amin’ny tany izy ka hanerana sy hanafotra azy.

Dikateny Iombonana Eto Madagasikara

⁴⁰ «Ary amin’ny fotoana farany dia hanoto azy indray ny mpanjaka ao atsimo, nefa ny mpanjaka ao avaratra dia hipaoka azy toy tafio-drivotra miaraka amin-kalesy sy mpitaingi-tsoavaly ary sambo marobe; ary hiditra amin’ny tany isan-karazany izy ka hihoatra sisintany ombàn-tafika sy hipariaka toy ny ranovaky.

Baiboly Protestanta Malagasy

⁴⁰ Ary amin’ny faran’ny andro dia hanoto azy ny mpanjakan’ny atsimo; ary ny mpanjakan’ny avaratra koa ho avy hamely azy toy ny tafio-drivotra ka hitondra kalesy sy mpitaingin-tsoavaly ary sambo maro; ary hiditra amin’ny tany izy ka hanerana toy ny safotra.

Malagasy Bible

⁴⁰ Ary amin'ny faran'ny andro dia hanoto azy ny mpanjakan'ny atsimo; ary ny mpanjakan'ny avaratra koa ho avy hamely azy toy ny tafio-drivotra ka hitondra kalesy sy mpitaingin-tsoavaly ary sambo maro; ary hiditra amin'ny tany izy ka hanerana toy ny safotra.

La Bible en Malgache

⁴⁰ Amin’ny fotoanan’ny farany dia hifanohitra aminy ny mpanjakan’ny atsimo; ny mpanjakan’ny avaratra koa dia ho avy hamely azy toy ny tafio-drivotra ka hitondra kalesy fitondra miady sy mpitaingin-tsoavaly ary sambo maro; hiditra ao amin’ny tany izy ka hanerana sy hanafotra azy.

Daniela 11:40 Rohy Ifampitohizana

Isaia 21:1

Hafatra momba ny taniefitra amoron-dranomasina. Tahaka ny tadio mamakivaky an’i Negeba no fiavin’ny fahavalo avy any an-taniefitra, avy any amin’ny tany anankiray mahatahotra.

Isaia 5:28

Voaranitra ny zana-tsipîkany, ary voahenjana avokoa ny tsipîkany. Mafy toy ny vatoafo ny kitron-tsoavaliny, ary miriotra toy ny tadio ny kodiaran-kalesiny.

Isaia 66:15

Satria indro ny TOMPO fa tamy ao anaty afo, miriotra toy ny rambon-danitra ny kalesiny. Misafoaka erỳ Izy mampihatra ny fahatezerany sy ny fandrahonany amin’ny lelafo miredareda.

Jeremia 4:13

Indro tamy ny fahavalo: toy ny rahona no iakarany hanafika, toy ny rambon-danitra no firimorimon’ny kalesiny ary faingana noho ny voromahery ny soavaliny. Very isika, fa ringana tanteraka!

Ezekiela 38:4

Hasiako farango vy eo amin’ny valanoranonao mba hitarihako anao an-keriny. Hotereko hivoaka ny taninao ianao sy ny tafikao manontolo, dia ny soavaly sy ny mpitaingina azy samy mareva-pitafiana mbamin’ny miaramila marobe samy mirongo ampinga sy sabatra.

Ezekiela 38:9

Fa ianao sy ireo antoko miaramilanao ary ireo firenena maro momba anao no hanafika azy, ka ho tonga eo aminy tahaka ny fiavian’ny rambon-danitra ary handrakotra ny taniny toy ny andian-drahona matevina.

Daniela 11:10

«Fa hioman-kanafika kosa ireo zanaky ny mpanjaka ao avaratra ka hanangona miaramila marobe. Dia hiroso ny iray amin’ireo ka hihoatra sisintany ombàn-tafika sy hipariaka toy ny ranovaky; saingy nony hiverina izy, dia hananika tanànamimanda iray.

Daniela 11:11

Hisafoaka ny mpanjaka ao atsimo ka hivoaka hiady amin’ny mpanjaka ao avaratra, izay hamory miaramila marobe; nefa io tafika goavana io dia hatolotra ho eo an-tanam-pahavalo.

Daniela 11:13

Iny indray ny mpanjaka ao avaratra fa hanangona miaramila marobe mihoatra lavitra noho ny teo aloha; ary rehefa afaka taona vitsivitsy, dia ho avy tokoa izy hitondra tafika goavana sy fitaovam-piadiana maro.

Daniela 11:22

Ary ny tafika tonga hamely ny taniny dia tsy hahatohitra azy fa hopotehiny; hovonoiny ho faty mbamin’ny filohan’ilay vahoakan’ny fanekempihavanana aza.

Daniela 11:25

«Ary hasesiky ny heriny sy ny hambompony izy ka hombàn-tafika lehibe no hiroso hamely ny mpanjaka ao atsimo; ary io mpanjaka ao atsimo io dia hioman-kiady miaraka amina tafika goavana sy matanjaka tokoa, kanjo tsy hahatohitra satria hanaovana teti-dratsy hahavoa azy.

Daniela 11:35

Ary hisy amin’ireo hendry ireo no ho faty mba hanadiovana sy hanatsarana ary hamotsiana ny vahoakan’Andriamanitra mandra-piavin’ny fotoana farany, satria ho tonga izany amin’ny fotoana voatondro.

Daniela 11:39

Hamely ny tanànamimanda izy ombàn’io andriamanitra vahiny io; ary izay manaiky io andriamanitra io dia hampitomboiny voninahitra ka hampanapahany ny maro, sady hizaràny tany ho valisoany.

Daniela 11:7

Nefa hisy solofo iray avy amin’ny fianakaviany hitsangana handimby ilay mpanjaka ao atsimo; ho avy izy hamely ny tafik’ilay mpanjaka ao avaratra ary hitsofoka amin’ny tanànany mimanda; ary hiady amin’io tafika io izy ka handresy azy.

Daniela 12:4

«Ry Daniela, ahorony hiafina ireo teny ireo ka asio tombo-kase tsy ho azo sokafana ity boky ity ambara-pahatongan’ny fotoana farany; ho maro amin’izay no hamaky azy ka hitombo fahalalana.

Daniela 12:9

Fa namaly izy hoe: ‹Ry Daniela, mandehana fa efa voahorona hiafina ireo teny ireo sady voaisy tombokase tsy ho azo sokafana mandra-piavin’ny fotoana farany.

Daniela 8:17

Dia nanatona ilay toerana nijoroako i Gabriela; ka rehefa tonga izy, dia natahotra aho ka nikarapoka tamin’ny tany. Fa hoy izy tamiko: ‹Aoka ho fantatrao, ry ilay taranak’olombelona, fa iny fahitana iny dia momba ny fiafaran’ny fotoana.›

Habakoka 3:14

Ny zana-tsipîkany ihany no anagorobahanao ny lohan’ireo mpitari-tafika fahavalo. Mibosesika toy ny tadio mahery izy, ka faly hampihahaka anay toy ny ampombo sady handevona mangingina izay resiny.

Zakaria 9:14

Ary ny Tompo hiseho eo ambonin’ny vahoakany; ka hipoitra toy ny tselatra ny zana-tsipîkany Hitsoka anjomara ny Tompo ANDRIANANAHARY ka ho tonga miaraka amin’ny tafio-drivotra atsimo.

Apokalipsy 16:12

Dia nandraraka ny tao an-doviany tamin’i Eofrata, ony lehibe, ny anjely fahenina; ka ritra ny ranony, hanomanan-dalana ho an’ny mpanjaka avy any atsinanana.

Apokalipsy 9:16

Ary ny isan’ny miaramila an-tsoavaly dia roanjato tapitrisa, fa nahare ny isany aho.