Apokalipsy 4:6 - DIEM PROTESTANTA

⁶ Teo anoloan’ilay sezafiandrianana afovoany dia nisy toa ranomasina fitaratra tahaka ny vatosoa kristaly. Namefy akaiky an’ilay sezafiandrianana afovoany isaky ny lafiny avy dia nisy zava-miaina efatra feno maso avokoa ny anoloany sy ny ivohony.

Baiboly Protestanta Malagasy 2011

⁶ Teo anoloan’ny sezafiandrianana dia nisy toa ranomasina fitaratra tahaka ny vato kristaly. Teo afovoan’ny sezafiandrianana sy manodidina azy dia nisy zavamananaina efatra feno maso avokoa teo anoloany sy teo ivohony.

Dikateny Iombonana Eto Madagasikara

⁶ Teo anoloan’ilay sezafiandrianana afovoany dia nisy toa ranomasina fitaratra tahaka ny vatosoa kristaly. Namefy akaiky an’ilay sezafiandrianana afovoany isaky ny lafiny avy dia nisy zava-miaina efatra feno maso avokoa ny anoloany sy ny ivohony.

Baiboly Katolika

⁶ Nisy toa ranomasina fitaratra miendri-kristaly teo anoloan’ilay seza fiandrianana, ary Zava-manana aina efatra feno maso avokoa ny anoloany sy an-damosiny no teo afovoany sy nanodidina azy.

Baiboly Protestanta Malagasy

⁶ Ary teo anoloan’ny seza fiandrianana dia nisy toa ranomasina fitaratra tahaka ny vato krystaly; ary teo afovoan’ny seza fiandrianana sy manodidina azy nisy zava-manan-aina efatra feno maso avokoa ny anoloany sy ny ivohony.

Malagasy Bible

⁶ Ary teo anoloan'ny seza fiandrianana dia nisy toa ranomasina fitaratra tahaka ny vato krystaly; ary teo afovoan'ny seza fiandrianana sy manodidina azy nisy zava-manan'aina efatra feno maso avokoa ny anoloany sy ny ivohony.

La Bible en Malgache

⁶ Teo anoloan’ny sezafiandrianana dia nisy toa ranomasina fitaratra tahaka ny vato kristaly. Teo afovoan’ny sezafiandrianana sy manodidina azy dia nisy zavamananaina efatra feno maso avokoa teo anoloany sy teo ivohony.

Apokalipsy 4:6 Rohy Ifampitohizana

1Mpanjaka 7:23

Dia nanao ilay fitobian-drano goavana boribory i Hirama; halimo voaempo no nanefeny azy, ka nirefy dimy metatra ny savaivony, roa metatra sy sasany ny haavony ary 15 metatra ny morony manodidina azy.

Joba 28:17

Tsy mitaha aminy na ny volamena na ny fitaratra. Ary ny vazy tena volamena tsy mahatakalo azy.

Eksodosy 38:8

Avy eo, dia namboarina koa ny kovetabe halimo sy ny faladiany halimo; ny fitaratra halimo izay an’ireo vehivavy niasa teo am-baravaran’ny Tranolay fihaonana no nampiasaina tamin’izany.

Ezekiela 10:12

Ny tenan’ny kerobima manontolo, indrindra ny lamosiny sy ny tanany ary ny elany, dia rakotra maso manjelanjelatra tahaka ireo kodiarana efatra.

Ezekiela 10:14

Samy nanana endrika efatra ny kerobima tsirairay: ny voalohany dia endrika kerobima, ny faharoa dia endrika olona, ny fahatelo dia endrika liona, ary ny fahefatra dia endrika voromahery.

Apokalipsy 14:3

Ireo olona 144 000 ireo dia niventy toa hira vaovao teo anoloan’ny sezafiandrianana sy teo anatrehan’ireo zava-miaina efatra ary teo anatrehan’ireo loholona; ka tsy nisy nahay nianatra izany hira izany, afa-tsy ireo olona 144 000 izay efa navotana niala tamin’ny tany.

Apokalipsy 15:2

Ary hitako nisy toa ranomasina fitaratra miharo afo; ka izay olona naharesy an’ilay biby sy ny sariny ary ny isa mifandraika amin’ny anarany dia nijoro teo amoron’io ranomasina fitaratra io sady nitana ny lokanga nomen’Andriamanitra azy.

Apokalipsy 15:7

Dia nomen’ny anankiray tamin’ny zava-miaina efatra an’ireo anjely fito ny lovia volamena fito, feno ny haviniran’ilay Andriamanitra velona mandrakizay mandrakizay.

Apokalipsy 19:4

Tamin’izay ny *loholona 24 sy ny zava-miaina efatra dia niankohoka nitsaoka an’Andriamanitra, Izay mipetraka eo ambonin’ilay sezafiandrianana, ka nanao hoe: «Amen! Haleloià!»

Apokalipsy 21:11

sady heniky ny voninahitr’Andriamanitra. Ny famirapiratan’ilay tanàna masina dia tahaka ny an’ny vato sarobidy tokoa, dia ny vatosoa jaspa miendrika kristaly manganohano.

Apokalipsy 21:18

Vatosoa jaspa no nanaovana izany manda izany; ary ny tanàna dia tena volamena madio toy ny fitaratra madio.

Apokalipsy 21:21

Ny vavahady 12 dia perla 12, fa perla vongana iray ihany no nanaovana ny isam-bavahady; ary ny lalamben’ny tanàna dia tena volamena madio toy ny fitaratra manganohano.

Apokalipsy 22:1

Dia nasehon’ny anjely tamiko ity onin-dranovelona manganohano toy ny vato kristaly, nivoaka avy teo amin’ilay sezafiandrianana ipetrahan’Andriamanitra sady ipetrahan’ny Zanakondry.

Apokalipsy 4:4

Nanotrona io sezafiandrianana io dia nisy sezafiandrianana hafa 24; ary teo ambonin’ireo sezafiandrianana ireo dia nisy loholona 24 nipetraka, niakanjo akanjo fotsy sady nisatroka satroboninahitra volamena.

Apokalipsy 5:11

Dia nahita aho sady nandre ny anjely maro, miisa arivoarivo sy alinalina. Nanodidina ilay sezafiandrianana sy ny zava-miaina ary ny loholona ireo,

Apokalipsy 5:14

Dia novalian’ny zava-miaina efatra hoe: «Amen!» Ary ny loholona kosa niankohoka sy nitsaoka.

Apokalipsy 5:6

Dia hitako nisy Zanakondry nijoro teo anelanelan’ilay sezafiandrianana mbamin’ny zava-miaina efatra ankilany sy ireo loholona an-daniny. Tahaka ny efa voavono ho faty io Zanakondry io, ary nanana tandroka fito sy maso fito, dia ny Fanahy Masina ombàm-panomezana fito avy amin’Andriamanitra, Izay efa nirahina hankany amin’ny tany tontolo.

Apokalipsy 5:8

Rehefa nandray ny horonamboky Izy, dia niankohoka teo anoloan’ny Zanakondry ny zava-miaina efatra sy ny loholona 24. Samy nanana lokanga anankiray avy ny loholona ary koa lovia volamena feno vovo-javamanitra, dia ireo lovia tandindon’ny vavaka ataon’ny vahoakan’Andriamanitra.

Apokalipsy 6:1

Ary izao no hitako. Rehefa novahan’ny Zanakondry ny voalohany tamin’ireo tombokase fito, dia reko niteny mafy toy ny kotro-baratra ny anankiray tamin’ny zava-miaina efatra, nanao hoe: Avia!

Apokalipsy 6:6

Sady reko toa nisy feo avy tao afovoan’ny zava-miaina efatra nanao hoe: «Ataovy denàry iray ny varimbazaha iray kilao ary denàry iray ny ôrza telo kilao; saingy aza mbola asondro-bidy ny menaka sy ny divay.»

Apokalipsy 7:11

Dia nanodidina ny sezafiandrianana sy ireo loholona ary ny zava-miaina efatra ny anjely rehetra ka niankohoka teo anoloan’ny sezafiandrianana sady nitsaoka an’Andriamanitra

Apokalipsy 7:17

Fa ny Zanakondry Izay mipetraka eo afovoan’ny sezafiandrianana no ho Mpiandry azy ka hitondra azy ho amin’ny loharano velona; ary hofafàn’Andriamanitra ny ranomaso rehetra amin’ny masony.