Apokalipsy 2:3 - DIEM PROTESTANTA

³ ary manana faharetana ianao, ka mizaka ny mafy noho ny amiko sady tsy ketraka.

Baiboly Protestanta Malagasy 2011

³ Manana faharetana ianao ka niaritra noho ny anarako sady tsy reraka.

Dikateny Iombonana Eto Madagasikara

³ ary manana faharetana ianao, ka mizaka ny mafy noho ny amiko sady tsy ketraka.

Baiboly Katolika

³ ary manana fandeferana ianao, ka niaritra noho ny Anarako, ary tsy ketraka.

Baiboly Protestanta Malagasy

³ ary manana faharetana hianao ka niaritra noho ny anarako sady tsy reraka.

Malagasy Bible

³ ary manana faharetana ianao ka niaritra noho ny anarako sady tsy reraka.

La Bible en Malgache

³ Manana faharetana ianao ka niaritra noho ny anarako sady tsy reraka.

Apokalipsy 2:3 Rohy Ifampitohizana

Salamo 37:7

Aoka hitombina tsara eo anatrehan’ny TOMPO ka hiandry Azy amim-paharetana ianao! Aza tezitra amin’izay mahomby, dia amin’ny olona manao fetsifetsy.

Salamo 69:7

Ry Tompo ANDRIAMANITR’izao rehetra izao ô, aoka tsy ho menatra noho ny amiko ireo olona miantehitra aminao; aoka tsy hangaihay noho ny amiko ireo mitady Anao, ry Andriamanitr’i Israely!

Mika 7:9

Satria efa nanota tamin’ny TOMPO izahay, dia hozakainay ny fahatezerany, mandra-piarony ny adinay ka hanomezany rariny anay. Hamoaka anay ho eo amin’ny mazava Izy ka ho finaritra izahay hahita ny soa nataony taminay.

Marka 15:21

Sendra nandalo avy any an-tsaha ity olona atao hoe Simôna, lehilahy sireneanina, rain-dry i Aleksandra sy i Rofosy, ka noteren’ireo miaramila hitondra ny hazofijalian’i Jesoa.

Lioka 14:27

Izay tsy mizaka ny hazofijaliany ary tsy miaraka amiko, dia tsy afaka ho mpianatro.

Lioka 18:1

Nanaovan’i Jesoa fanoharana avy eo ny mpianany hanehoana fa tsy maintsy mivavaka lalandava, ka tsy tokony ho kivy na oviana na oviana.

Lioka 21:19

Aoka ho amim-paharetana no hahazoanareo famonjena ny ainareo.

Lioka 5:5

Fa novalian’i Simôna hoe: –Mpampianatra ô, niasa mafy izahay halina tontolo, saingy tsy nahazo na inona na inona; kanefa noho ny baikonao, dia halatsako ihany ny harato.

Lioka 8:15

Ny latsaka tamin’ny tany tsara kosa dia izay mahaheno ny teny amin’ny fo tsara sy lavorary, ka mitana azy, ary mamokatra amin’ny faharetana.

Jaona 15:21

Fa izany rehetra izany dia hataony aminareo noho ny amiko, satria tsy fantany Ilay naniraka Ahy.

Romana 12:12

Mifalia amin’ny fanantenana; miareta amin’ny fahoriana, mahareta amin’ny fivavahana,

Romana 16:12

Veloma any amin-dry i Trifèna sy i Trifôsa izay misahirana ho an’ny Tompo. Veloma any amin’i Persida malala izay nisahirana fatratra ho an’ny Tompo.

Romana 2:7

homeny fiaina-maharitra mandrakizay ireo mitozo manao ny tsara ka mikatsaka ny voninahitra sy ny laza ary ny tsy fahafatesana;

Romana 8:25

Fa raha manantena ny tsy hitantsika isika, dia miandry amim-paharetana.

1Korintiana 13:7

Ny fitiavana no ahazakana ny zavatra rehetra ka ananana finoana sy fanantenana ary fandeferana amin’ny zavatra rehetra.

1Korintiana 16:16

mba hanaiky tsara ny olona tahaka ireny mbamin’izay rehetra miara-miasa sy miara-misasatra aminy.

2Korintiana 10:15

Tsy mirehareha mihoa-pampana izahay, ka hirehareha amin’ny asa nataon’ny sasany; fa izao no antenainay: rehefa mitombo ny finoanareo, dia hitatra hatrany hatrany eo aminareo koa ny asanay, araka ny fenitra napetrak’Andriamanitra ho anay.

2Korintiana 11:23

Mpanompon’i Kristy ve izy ireo? Hiteny toy ny very saina aho: eny, mpanompon’i Kristy koa aho, ary mihoatra noho izy ireo; fa nisasatra mafy kokoa aho, natao am-ponja matetika kokoa, nokapohina bebe kokoa, tambavahoana imbetsaka kokoa.

2Korintiana 4:1

Izahay no manana izany fanompoana izany, dia noho ny indrafon’Andriamanitra taminay; koa tsy mety ketraka izahay.

2Korintiana 4:16

Izany no tsy mahaketraka anay, fa na dia mihalevona aza ny maha olona eto ivelany, dia mihavao isan’andro kosa ny maha olona ao anaty:

2Korintiana 5:9

Fa ny hankasitrahin’ny Tompo no irîntsika voalohany indrindra, na mbola mitoetra ao amin’ity vatana ity isika na miala ao;

2Korintiana 6:5

nokapohina izahay, nahiboka am-ponja, nianjadian-korontana, nampanaovina asa mafy, niari-tory ary nifady hanina.

Galatiana 6:2

Mifampitondrà izay mahavesatra, fa izany no hahatanterahanareo ny lalànan’i Kristy.

Galatiana 6:9

Ary aza mba ketraka amin’ny fanaovan-tsoa isika, satria hijinja amin’ny fotoanandro isika raha tsy kivy.

Filipiana 2:16

ka hanolotra azy ireo ny teny manome fiainana. Raha izany no ataonareo, dia hanan-kireharehana momba anareo aho amin’ny andro hiavian’i Kristy, satria hiharihary fa tsy foana tsy akory ny ezaka nataoko sy ny zavatra nisasarako.

Filipiana 4:3

Ary ianao koa, ry ilay mpiara-miasa akaiky tamiko, mangataka anao aho mba hanampy azy roa vavy, fa niara-nikatroka nanao izay hielezan’ny Vaovao Mahafaly izahay mbamin’i Klemanta koa sy ny hafa rehetra mpiara-miasa amiko izay samy voasoratra anarana ao amin’ilay horonamboky mirakitra ny lisitr’ireo hanana ny fiaina-maharitra mandrakizay.

Kolosiana 1:11

ary hampahatanjahina tanteraka amin’ny heriny be voninahitra mba hanananareo fandeferana sy faharetana amin’ny zavatra rehetra. Fo heni-kafaliana

1Tesaloniana 1:3

Tsaroanay tsy tapaka eo anatrehan’ilay Andriamanitsika sady Raintsika ny asa ateraky ny finoanareo, ny fikelezana aina asesiky ny fitiavanareo, ary ny faharetana vokatry ny fanantenanareo an’i Jesoa Kristy Tompontsika.

1Tesaloniana 2:9

Tsaroanareo, ry havana, ny nikelezanay aina sy nisasaranay mafy; niasa andro aman’alina izahay mba tsy hanahirana na dia olona iray taminareo aza, fony izahay nitory taminareo ny Vaovao Mahafaly avy amin’Andriamanitra.

1Tesaloniana 5:12

Mangataka aminareo izahay, ry havana, mba hanaja izay mikely aina eo anivonareo, dia izay voatendrin’ny Tompo hitarika sy hananatra anareo.

2Tesaloniana 3:13

Fa ianareo kosa, ry havana, aza ketraka amin’ny fanaovan-tsoa.

2Tesaloniana 3:5

Ny Tompo anie hitarika ny fonareo hahatsapa ny fitiavan’Andriamanitra anareo sy hanam-paharetana miandry ny fiavian’i Kristy!

2Tesaloniana 3:8

Tsy nihinana ny sakafon’olona maimaimpoana izahay, fa nikely aina sy nisasatra niasa andro aman’alina mba tsy hanahirana na dia iray aminareo aza.

1Timoty 4:10

Eny, izany no ikelezanay aina sy iezahanay, satria ny fanantenanay dia efa napetrakay amin’Andriamanitra velona, Izay Mpamonjy ny olona rehetra, indrindra fa ireo mino.

1Timoty 5:17

Aoka ny loholona tsara fitondra ny Fiangonana handray valin-kasasarana avo roa heny, indrindra fa ireo mikely aina amin’ny fitorian-teny sy ny fampianarana.

Hebreo 10:36

Ilainareo tokoa ny faharetana mba hanaovanareo ny sitrapon’Andriamanitra ka hahazoanareo izay ampanantenainy.

Hebreo 12:1

Voahodidina vavolombelona marobe tokoa àry isika; noho izany, dia aoka hanaisotra ny zavatra rehetra manembantsembana ny hazakazaka ataontsika sy hanaisotra ny ota mora mangeja antsika, ary hiezaka amim-paharetana eo amin’izao fifaninanana hazakazaka naroso hataontsika izao.

Hebreo 13:13

Aoka àry isika hivoaka ny toby hankeo amin’i Jesoa, ka hiara-mizaka aminy ny fandatsana nozakainy.

Hebreo 6:10

Fa tsy manao ny tsy rariny Andriamanitra: tsy hohadinoiny akory ny asanareo sy ny fitiavanareo Azy nasehonareo tamin’ny nanompoanareo sady mbola anompoanareo ny kristianina havanareo.

Hebreo 6:12

Tsy tianay ho ketraka ianareo fa mba hanahaka ireo mino sy maharitra ka manana anjara amin’ny soa nampanantenain’Andriamanitra.

Hebreo 6:15

Nanam-paharetana i Abrahama ka, araka izany, dia nahazo izay nampanantenain’Andriamanitra azy.

2Petera 1:6

ny fahalalanareo ombay fahononam-po; ny fahononam-ponareo ombay faharetana; ny faharetanareo ombay firaiketam-po amin’Andriamanitra;

Apokalipsy 1:9

I Jôhany havanareo aho. Tafaray amin’i Jesoa aho ka mpiombona anjara amin’ny fahoriany sy ny fanjakany ary ny faharetany miaraka aminareo. Napetraka tao amin’ny nosy antsoina hoe Pàtmo aho satria nitory ny tenin’Andriamanitra sy nitana ny hafatra nijoroan’i Jesoa ho vavolombelona.

Apokalipsy 3:10

Ary noho ianao nitandrina ny teniko ny amin’ny faharetana, izaho kosa hiaro anao ho afaka amin’ilay andro fizahan-toetra, izay efa hihatra amin’izao tontolo izao mba hitsapana ny mponina eto ambonin’ny tany.