2Tantara 4:2 - DIEM PROTESTANTA

² Dia nanao ilay fitobian-drano goavana boribory i Horama; halimo voaempo no nanefeny azy, ka nirefy dimy metatra ny savaivony, roa metatra sy sasany ny haavony, ary 15 metatra ny morony manodidina azy.

Baiboly Protestanta Malagasy 2011

² Nanao ny koveta be boribory voarendrika izy: Folo hakiho no halehiben’ny vavany, dimy hakiho ny haavony, ary telopolo hakiho ny manodidina azy.

Dikateny Iombonana Eto Madagasikara

² Dia nanao ilay fitobian-drano goavana boribory i Horama; halimo voaempo no nanefeny azy, ka nirefy dimy metatra ny savaivony, roa metatra sy sasany ny haavony, ary 15 metatra ny morony manodidina azy.

Baiboly Katolika

² Nanao ranomasina anìdina izy: folo hakiho ny haben’ny vavany ary boribory izy manontolo; dimy hakiho ny haavony, ary kofehy telopolo hakiho no maharefy azy manodidina.

Baiboly Protestanta Malagasy

² Ary nanao ny tavin-drano an-idina boribory lehibe izy: folo hakiho no halehiben’ny vavany, dimy hakiho ny hahavony, ary telo-polo hakiho ny manodidina azy.

Malagasy Bible

² Ary nanao ny tavin-drano an-idina boribory lehibe izy: folo hakiho no halehiben'ny vavany, dimy hakiho ny hahavony, ary telo-polo hakiho ny manodidina azy.

La Bible en Malgache

² Nanao ny koveta be boribory voarendrika izy: Folo hakiho* no halehiben’ny vavany, dimy hakiho ny haavony, ary telopolo hakiho ny manodidina azy.

2Tantara 4:2 Rohy Ifampitohizana

2Mpanjaka 25:13

Nopotehin’ny Babilônianina ireo andry halimo tao an-tranon’ny TOMPO mbamin’ireo kalesy ary ilay fitobian-drano halimo goavana teo an-kianja; dia nentiny nankany Babilôna avokoa ny halimo tamin’izany.

1Tantara 18:8

Nahazoan’i Davida halimo be dia be koa tao Tibihata sy Kona, izay samy tanànan’i Hadadehezera; ka izany halimo izany no nanaovan’i Salômôna ilay fitobian-drano boribory goavana mbamin’ireo andry sy ireo fanaka halimo (tao an-tempoly).

2Tantara 4:3

Tambanin’ny molotr’ilay fitobian-drano goavana, tamin’ny manodidina azy manontolo, dia nisy sarin’ombalahy folo isaky ny antsasa-metatra; roa andalana ireo nifanongoa ireo ary niara-narendrika tamin’ilay fitobian-drano.

Eksodosy 38:3

Halimo koa no nanaovana ny fanaka rehetra momba ny alitara: dia ny tavy fasiana lavenon-jabora, ny sotrobe fangaronana afo, ny tsatokaty famafazana, ny fitrebi-kena ary ny fitondrana afo.

Eksodosy 38:8

Avy eo, dia namboarina koa ny kovetabe halimo sy ny faladiany halimo; ny fitaratra halimo izay an’ireo vehivavy niasa teo am-baravaran’ny Tranolay fihaonana no nampiasaina tamin’izany.

Zakaria 13:1

«Amin’izany andro izany, dia hisy loharano mifantsitsitra hanasa ny loto amam-pahotan’ny taranak’i Davida sy ny mponin’i Jerosalema.»

Titosy 3:5

dia novonjeny isika, tsy noho ny asa marina vitantsika, fa noho ny famindrampony tamintsika. Ny namonjeny antsika dia tamin’ny alalan’ny rano fampandroana izay nanomezan’ny Fanahy Masina antsika fahateraham-baovao sy fiainam-baovao.

Apokalipsy 7:14

Ka novaliako hoe: –Ianao, tompoko, no mahalala! Dia hoy izy tamiko: –Ireo no avy tamin’ny fahoriana lehibe ka nanasa sy namotsy ny akanjony tamin’ny ra nafoin’ilay Zanakondry.