2Tantara 33:3 - DIEM PROTESTANTA

³ Naorin’i Manase indray manko ny toeram-panasinana izay efa noravan’i Hezekià rainy ka nananganany alitara ho an’ireo Bahala sady nanaovany tsatokazo fanajana an’ireo Aserà; dia niankohofany sy nanaovany fanompoam-pivavahana koa ireo planeta aman-kintana eny ana habakabaka.

Baiboly Protestanta Malagasy 2011

³ Namboariny indray ny toerana fanaovana sorona, izay efa noravan’i Hezekia rainy ka nanangana alitara ho an’ireo Baala izy sady nanao tsangankazon-tsampy ho an’ny Aseraha sy niankohoka teo anatrehan’izay rehetra eny amin’ny lanitra ka nanompo azy

Dikateny Iombonana Eto Madagasikara

³ Naorin’i Manase indray manko ny toeram-panasinana izay efa noravan’i Hezekià rainy ka nananganany alitara ho an’ireo Bahala sady nanaovany tsatokazo fanajana an’ireo Aserà; dia niankohofany sy nanaovany fanompoam-pivavahana koa ireo planeta aman-kintana eny ana habakabaka.

Baiboly Katolika

³ Naoriny indray ny fitoerana avo noravan’i Ezekiasa rainy; nanangana ôtely ho an’ireo Baala izy; nanao aserah izy, ary niankohoka teo anatrehan’ny tafiky ny lanitra, sy nanompo azy.

Baiboly Protestanta Malagasy

³ Fa namboariny indray ny fitoerana avo, izay efa noravan’i Hezekia rainy, ka nanangana alitara ho an’ireo Bala izy sady nanao Aseraha sy niankohoka teo anatrehan’izay rehetra eny amin’ny lanitra ka nanompo azy

Malagasy Bible

³ Fa namboariny indray ny fitoerana avo, izay efa noravan'i Hezekia rainy, ka nanangana alitara ho an'ireo Bala izy sady nanao Aseraha sy niankohota teo anatrehan'izay rehetra eny amin'ny lanitra ka nanompo azy

La Bible en Malgache

³ Namboariny indray ny toerana fanaovana sorona, izay efa noravan’i Hezekia rainy ka nanangana alitara ho an’ireo Baala* izy sady nanao tsangankazon-tsampy ho an’ny Aseraha* sy niankohoka teo anatrehan’izay rehetra eny amin’ny lanitra ka nanompo azy

2Tantara 33:3 Rohy Ifampitohizana

1Mpanjaka 14:23

Fa nanorina toeram-panasinana koa izy sady nanao tsangambaton-tsampy sy tsatokazo fanajana an’i Aserà teny an-tampon-kavoana sy teny ambany hazo midoroboka rehetra teny.

2Mpanjaka 18:4

Izy no nanafoana ny toeram-panasinana sy nanamontsana tsangambaton-tsampy sy nikapa ny tsatokazo fanajana an’i Aserà ary nanorotoro ny bibilava halimo izay nataon’i Mosesy; satria hatramin’io fotoana io no efa nandoroan’ny Israelita ditin-kazo manitra ho an’ilay bibilava nantsoina hoe Nehostana.

2Mpanjaka 21:3

Naorin’i Manase indray manko ny toeram-panasinana izay efa noravan’i Hezekià rainy; ka nanangana alitara ho an’i Bahala izy sady nanao tsatokazo fanajana an’i Aserà tahaka izay nataon’i Ahaba mpanjakan’i Israely; dia niankohofany sy nanaovany fanompoam-pivavahana koa ireo planeta aman-kintana eny ana habakabaka.

2Mpanjaka 23:11

Nesoriny ireo sarivongan-tsoavaly izay natokan’ny mpanjakan’i Joda ho an’ny fivavahana amin’ny masoandro; ireo soavaly ireo dia teo akaikin’ny fidirana mankao an-tranon’ny TOMPO tao amin’ny trano fanampiny anilan’ny efitr’i Natàna-Melèka mpiandraikitra. Nodoran’i Jôsià ny kalesin’ny masoandro.

2Mpanjaka 23:4

Dia nomen’ny mpanjaka baiko i Hilkià mpisorombe sy ireo mpisorona lefiny ary ny mpiambina varavarana mba hamoaka any ivelan’ny tempoly ireo kojakoja rehetra natao hivavahana tamin’i Bahala sy tamin’i Aserà ary tamin’ireo planeta aman-kintana. Nodorany tany ivelan’i Jerosalema tao amin’ny sahan’i Kidrôna ireny; ka nentiny nankany Betela ny lavenony.

2Tantara 28:24

Nangonin’i Ahaza ny fanaky ny tranon’Andriamanitra ka nomontsamontsaniny; ary nohidiany avy ny varavaran’ny tranon’ny TOMPO. Dia nanaovany alitara teny amin’ny fihaonan-dalana rehetra tao Jerosalema;

2Tantara 30:14

Dia nirotsaka nandrava ireo alitara fanompoan-tsampy tao Jerosalema ny olona; noravany koa ireo alitara fandoroana vovo-javamanitra ka nariany tany amin’ny lohasahan-driaka Kidrôna.

2Tantara 31:1

Nony vita izany rehetra izany, dia niainga nankany amin’ireo tanàna jodeanina ny Israelita tsy an-kanavaka izay teo ka nanamontsamontsana ny tsangambaton-tsampy sy nikapa ny tsatokazo fanajana an’i Aserà ary nandrava ny toeram-panasinana sy alitara fanompoan-tsampy eran’i Joda sy i Benjamîna ary koa tamin’ny foko efraimita sy manasita ambara-paharavany azy rehetra. Taorian’izay dia samy nody ho any amin’ny taniny sy ny tanànany avy izy rehetra.

2Tantara 32:12

Kanefa io Hezekià io koa no nandrava ireo toeram-pisoronana aman’alitarany, ka nandidy ny mponin’i Joda sy i Jerosalema mba tsy hanao fanompoam-pivavahana afa-tsy eo anoloan’ny alitara tokana ary tsy handoro sorona hanetona afa-tsy eo ihany?

2Tantara 33:15

Dia nesoriny avy ny andriamani-kafa sy ny sampy tao an-tranon’ny TOMPO; ary nariany teny ivelan’ny tanàna ny alitara rehetra izay naoriny teo an-tendrombohitra misy ny tranon’ny TOMPO sy tao Jerosalema.

2Tantara 33:19

Ny vavaka nataon’i Manase sy ny nileferan’Andriamanitra taminy ary ny antsipirian’ny fahotana amam-pahadisoana rehetra vitany mbamin’ny faritra nanorenany toeram-panasinana sy nasiany tsatokazo fanajana an’i Aserà ary nananganany sarivongan-tsampy fony izy tsy mbola niaiky heloka, dia voasoratra ao amin’ny Asan’i Hôzay.

2Tantara 34:25

Efa nandao Ahy manko ny mponin’i Jerosalema sady nampanetona sorona ho an’ny andriamani-kafa, ary nampahatezitra Ahy tamin’ny sampy rehetra nataon’ny tanany. Izany no hitosahan’ny fahatezerako amin’ity tanàna ity ka tsy mbola hitoniany.

Eksodosy 34:13

Fa ravao ny alitarany, poteho ny tsangambatony, ary kapao ireo tsato-kazo fanajany an’i Aserà.

Mpitoriteny 2:19

Iza no mahalala na ho hendry na ho adala izy? Nefa dia ho eo am-pelatanany avokoa izay rehetra nisasarako sy nataoko tamim-pahendrena tetỳ ambonin’ny tany. Zava-poana koa izany.

Mpitoriteny 9:18

Mandaitra kokoa noho ny fitaovam-piadiana ny fahendrena, saingy ny olona iray mitavozavoza no mahasimba ny soa be avy aminy.

Jeremia 17:2

ka ho marika hiampangana azy ireo alitarany sy ireo tsatokazo fanajany an’i Aserà, eny akaiky hazo maitso sy eny ambony havoana

Jeremia 19:13

Ny trano eto Jerosalema sy ny tranon’ny mpanjakan’i Joda dia ho tonga maloto tahaka ny toerana ao Tôfeta; eny, izany no hanjo ireo trano rehetra izay nandoroana vovo-javamanitra mifangaro teo an-tampony ho an’ireo andian-kintana eny an-danitra sady nandrarahana fanatitra divay ho an’ny andriamani-kafa.»

Jeremia 7:30

Nanao izay ratsy eo imasoko ny vahoakan’i Joda, hoy ny teny hentitry ny TOMPO. Nametraka sampy maharikoriko tao amin’ny trano izay natokana ho Ahy izy, ka nandoto azy.

Jeremia 8:2

ka avela hiparitaka eo anatrehan’ny masoandro sy ny volana ary ny andian-kintana eny amin’ny lanitra izay notiavin’ireny olona ireny ka nivavahany sy niraiketany, ary nanontaniany hilan-kevitra sy niankohofany. Tsy hangonina na halevina intsony ireo taolana ireo fa ho tonga zezika eny ambonin’ny tany.

Zefania 1:5

Hopotehiko izay miakatra an-tafon-trano mba hivavaka amin’ireo zavatra eny amin’ny lanitra, dia izay mivavaka sy mianiana amiko TOMPO nefa manao izany koa amin’i Milkôma.

Asan’ny Apostoly 7:42

Niambohoan’Andriamanitra kosa ny vahoakany ka navelany hivavaka amin’ny masoandro sy kintana amam-bolana, araka izay voalazan’ny Soratra Masina ao amin’ny bokin’ny mpaminany hoe: «Ry vahoaka Israely, nitondra sorona amam-panatitra ho Ahy ve ianareo, nandritra ny efapolo taona tany an-taniefitra?

Deoteronomia 16:21

Aza anangananareo tsato-kazo fanajana an’i Aserà eo anilan’ny alitara izay hamboarinareo ho an’ny TOMPO Andriamanitrareo;

Deoteronomia 17:3

Lasa izany olona izany manompo andriamani-kafa ary miankohoka aminy na amin’ny masoandro na amin’ny volana na amin’ny kintana, nefa zavatra efa norarana tsy hataonareo ireny.

Deoteronomia 4:19

Mitandrema fandrao hiandrandra hijery ny habakabaka ianareo ka hahita ny masoandro sy ny volana ary ny kintana mbamin’ny planeta rehetra eny ana habakabaka, dia ho voataona hiankohoka eo anatrehan’ireny sy hanompo azy; fa navelan’ny TOMPO Andriamanitrareo ho anjaran’ny firenen-kafa rehetra eto amin’izao tontolo izao ireny fanompoan-tsampy ireny.