2Tantara 33:2 - DIEM PROTESTANTA

² Nanao izay ratsy eo imason’ny TOMPO izy ka naka tahaka ny fanompoan-tsampy maharikoriko fanaon’ireo firenena izay noroahin’ny TOMPO teo anoloan’ny Israelita.

Baiboly Protestanta Malagasy 2011

² Nanao izay ratsy teo imason’NY TOMPO izy, tahaka ny fahavetavetan’ny firenena izay noroahin’NY TOMPO tsy ho eo anoloan’ny Zanak’Israely.

Dikateny Iombonana Eto Madagasikara

² Nanao izay ratsy eo imason’ny TOMPO izy ka naka tahaka ny fanompoan-tsampy maharikoriko fanaon’ireo firenena izay noroahin’ny TOMPO teo anoloan’ny Israelita.

Baiboly Katolika

² Nanao izay ratsy eo imason’i Iaveh izy, nanaraka ny fahavetavetan’ny firenena noroahin’i Iaveh teo anoloan’ny zanak’i Israely.

Baiboly Protestanta Malagasy

² Ary nanao izay ratsy eo imason’i Jehovah izy tahaka ny fahavetavetan’ny firenena izay noroahin’i Jehovah tsy ho eo anoloan’ny Zanak’Isiraely.

Malagasy Bible

² Ary nanao izay ratsy eo mason'i Jehovah izy tahaka ny fahavetavetan'ny firenena izay noroahin'i Jehovah tsy ho eo anoloan'ny Zanak'isiraely.

2Tantara 33:2 Rohy Ifampitohizana

2Mpanjaka 17:11

dia nandoro sorona hanetona teny amin’ny toeram-panasinana rehetra koa izy tahaka ny nataon’ireo hafa firenena izay noroahin’ny TOMPO tsy ho eo anoloany. Nahavita zava-dratsy tokoa ny Israelita, hany ka nampahatezitra ny TOMPO:

2Mpanjaka 17:15

Nolaviny ny lalànan’Andriamanitra sy ny fanekempihavanana izay nataony tamin’ny razany ary ny fampitandremana nananarany azy. Nanenjika zava-poana izy ka dia tonga zava-poana koa; ary nanaraka ny hafa firenena manodidina azy sady efa nandraran’ny TOMPO azy tsy hotahafina.

2Mpanjaka 21:2

Nanao izay ratsy eo imason’ny TOMPO izy fa naka tahaka ny fanompoan-tsampy maharikoriko fanaon’ireo firenena izay noroahin’ny TOMPO teo anoloan’ny Israelita.

2Mpanjaka 21:9

Kanefa tsy nihaino izany ny Jodeanina, fa vao mainka aza notaomin’i Manase hanao ratsy mihoatra noho ny hafa firenena izay naringan’ny TOMPO tsy ho eo anoloan’ny Israelita.

2Tantara 28:3

Nandoro vovo-javamanitra tao amin’ny lohasahan’i Bena-Hinôma koa izy, ary nanolotra ny zanany ho sorona dorana tamin’ny afo, araka ny fomba maharikoriko fanaon’ny hafa firenena izay noroahin’ny TOMPO teo anoloan’ny Israelita.

2Tantara 33:22

Nanao izay ratsy teo imason’ny TOMPO izy tahaka an’i Manase rainy. Fa ny sarivongan-tsampy rehetra nataon’i Manase rainy dia nanoloran’i Amôna sorona sy nanaovany fanompoam-pivavahana;

2Tantara 36:14

Ny lohandoha-mpisorona sy ny loholom-bahoaka rehetra koa dia naniratsira an’Andriamanitra araka ny fanompoan-tsampy maharikoriko fanaon’ny hafa firenena, ka nandoto ny tempoly izay efa natokan’ny TOMPO ho Azy tao Jerosalema.

Ezra 9:14

Ahoana àry no mbola handikanay ny didinao indray ka hanambadianay amin’ireo olona mpanao zava-maharikoriko ireo? Tsy ho tezitra aminay ve Ianao ka handringana anay rehetra tsy misy ankanavaka?

Jeremia 15:4

hany ka hataoko mampivarahontsana izy any amin’ny fanjakana rehetra eran-tany. Noho ny amin’i Manase, zanakalahin’i Hezekià sady mpanjakan’i Joda, no nahatonga izany, dia vokatry ny ratsy nataony tao Jerosalema.

Ezekiela 11:12

Amin’izay dia hoekenareo fa Izaho no TOMPO Izay tsy nankatoavinareo lalàna sy tsy narahinareo fitsipika, satria nanaraka ny fomban’ireo firenena nanodidina ianareo.»

Deoteronomia 12:29

Rahatrizay ny TOMPO Andriamanitrareo dia handringana eo anoloanareo ireny firenena natao horesenareo any amin’ny tany izay hidiranareo ireny; handresy azy ianareo ary honina eo amin’ny taniny.

Deoteronomia 12:31

Aza anaovanareo fomba toy izany ilay TOMPO Andriamanitrareo, satria zavatra mahatsiravina sy halan’ny TOMPO no nataon-dry zareo tamin’ny andriamaniny fa hatramin’ny zanany lahy sy vavy aza dia nodorany forehitra tao anaty afo hanajana ny andriamaniny!

Deoteronomia 18:14

Ireo firenena izay efa horoahinareo ireo no mihaino ny mpanandro sy ny mpimasy; fa ianareo kosa tsy avelan’ny TOMPO Andriamanitrareo hanao izany.

Deoteronomia 18:9

Rahatrizay ianareo tafiditra eo amin’ny tany izay omen’ny TOMPO Andriamanitrareo, dia aza mianatra maka tahaka ny fomba mahatsiravina fanaon’ireo firenena monina ao ireo.