2Tantara 26:10 - DIEM PROTESTANTA

¹⁰ Nanao tilikambo fiambenana ihany koa izy tao an-taniefitra sady nihady lavaka maro ho famorian-drano, satria nanana omby aman’ondry betsaka izy teny amin’ny faritr’i Sefelà sy teny amin’ny lemaka; ary nanana mpiasa tany teny an-kavoana sy mpamboly voaloboka teny an-tanimboaloboka koa ny mpanjaka, satria tia asa tany tokoa izy.

Baiboly Protestanta Malagasy 2011

¹⁰ Nanorina tilikambo tany an-tany efitra koa izy sady nihady lavaka maro ho famorian-drano, fa nanana omby aman’ondry betsaka tany Sefela sy teny an-tanety izy sady nanana mpiasa sy mpamboatra tanim-boaloboka teny an-tendrombohitra ary tany Karmela, fa tia asa tany izy.

Dikateny Iombonana Eto Madagasikara

¹⁰ Nanao tilikambo fiambenana ihany koa izy tao an-taniefitra sady nihady lavaka maro ho famorian-drano, satria nanana omby aman’ondry betsaka izy teny amin’ny faritr’i Sefelà sy teny amin’ny lemaka; ary nanana mpiasa tany teny an-kavoana sy mpamboly voaloboka teny an-tanimboaloboka koa ny mpanjaka, satria tia asa tany tokoa izy.

Baiboly Katolika

¹⁰ Nanao tilikambo tany an’efitra koa izy; ary nihady lavaka famorian-drano betsaka, fa nanana biby fiompiny maro tany, sy tany amin’ny Sefelà mbamin’iny tany lemaka avo, ary nanana mpiasa amam-pamboly voaloboka koa tany an-tendrombohitra sy tany Karmela, fa tia asa tany izy.

Baiboly Protestanta Malagasy

¹⁰ Ary nanao tilikambo tany an-efitra koa izy sady nihady lavaka maro ho famorian-drano; fa izy nanana omby aman-ondry betsaka teny an-tany lemaka sy teny an-tanety ary mpiasa koa sy mpamboatra tanimboaloboka teny an-tendrombohitra sy teny Karmela koa; fa tia asa tany izy.

Malagasy Bible

¹⁰ Ary nanao tilikambo tany an-efitra koa izy sady nihady lavaka maro ho famorian-drano; fa izy nanana omby aman'ondry betsaka teny an-tany lemaka sy teny an-tanety ary mpiasa koa sy mpamboatra tanim-boaloboka teny an-tendrombohitra sy teny Karmela koa; fa tia asa tany izy.

La Bible en Malgache

¹⁰ Nanorina tilikambo tany an-tany efitra koa izy sady nihady lavaka maro ho famorian-drano, fa nanana omby aman’ondry betsaka tany Sefela sy teny an-tanety izy sady nanana mpiasa sy mpamboatra tanim-boaloboka teny an-tendrombohitra ary tany Karmela, fa tia asa tany izy.

2Tantara 26:10 Rohy Ifampitohizana

2Mpanjaka 19:23

Tamin’ny alalan’ny irakao no nanevatevanao Ahy Tompo. Hoy ianao hoe: ‹Izaho Saneheriba dia ny kalesiko marobe no niakarako teny an-tampon-tendrombohitra hatreo afovoan-tanin’i Libano, mba hikapa ny sedera mijoalajoala sy ny kipreso voafantina ao aminy. Hiakarako ao ny tendrombohitra faran’izay avo sy ny tahirin’alany matevina indrindra.

2Mpanjaka 3:4

Ary niompy ondry maro i Mesà mpanjakan’i Môaba ka nandoa hetra zanak’ondry 100 000 sy ondrilahy 100 000 mbamin’ny volony ho an’ny mpanjakan’i Israely.

2Tantara 17:12

Nandroso hery hatrany i Jôsafata ka nanao manda fiarovana sy tanàna fitahirizam-bokatra manerana an’i Joda.

2Tantara 17:13

Nanana tahirim-bokatra betsaka tao amin’ny tanànan’i Joda izy, ary koa miaramila maherifo tao Jerosalema.

2Tantara 26:11

Nanana tafika i Hozià, dia tafika afa-mifanandrina amin’ny fahavalo sy vonona hiatrika ady; notsinjaraina ho vondro-miaramila izany, araka ny vokatry ny fanisana notontosain’i Jehiela mpitantsoratra sy i Mahaseià mpitantan-draharaha, sady napetraka ho eo ambany fifehezan’i Hananià izay anankiray tamin’ireo komandy voatendrin’ny mpanjaka.

2Tantara 32:29

Nanao tanàna maro ho an’ny tenany koa i Hezekià sady nanana ondry aman’osy ary omby betsaka, satria nomen’Andriamanitra fananana be dia be izy.

Mpitoriteny 5:8

Tsara kokoa ho an’ny firenena ny manana mpanjaka izay mampandroso ny asa fambolena.

Isaia 29:17

Moa tsy afaka fotoana kely monja dia hovana ho saha mahavokatra ny alan’i Libano, ary hovana ho ala ny saha mahavokatra?

Deoteronomia 3:10

Nalaintsika ny tanàna rehetra amin’ny lembalemba, nalaintsika i Gilehada sy i Basàna manontolo hatrany Salkà sy Edrehỳ izay tanàna nanjakan’i Hôga tany Basàna.

Josoa 15:55

Dia ao koa i Mahôna, i Karmela, i Zifa, i Jôtà,

1Samoela 15:12

Ny ampitso vao maraina, dia lasa nitady an’i Saoly i Samoela. Nisy nampandre an’i Samoela fa tonga tao Karmela i Saoly, dia nanangana tsangambato ho an’ny tenany ary lasa indray nidina hatrany Gilgala.