1Korintiana 1:9 - DIEM PROTESTANTA

⁹ Mitana ny toky nomeny Andriamanitra Izay niantso anareo hiombona amin’ny Zanany, dia i Jesoa Kristy Tompontsika.

Baiboly Protestanta Malagasy 2011

⁹ Mahatoky Andriamanitra izay nahatonga anareo ho voaantso, hanananareo firaisana amin’ny Zanany, dia Jesosy Kristy Tompontsika.

Dikateny Iombonana Eto Madagasikara

⁹ Mitana ny toky nomeny Andriamanitra Izay niantso anareo hiombona amin’ny Zanany, dia i Jesoa Kristy Tompontsika.

Baiboly Katolika

⁹ Eny, mahatoky Andriamanitra Izay niantso anareo hiray amin’ny Zanany, dia i Jesoa Kristy Tompontsika.

Baiboly Protestanta Malagasy

⁹ Mahatoky Andriamanitra, Izay nahatonga ny fiantsoana anareo hanananareo firaisana amin’ny Zanany, dia Jesosy Kristy Tompontsika.

Malagasy Bible

⁹ Mahatoky Andriamanitra, Izay nahatonga ny fiantsoana anareo hanananareo firaisana amin'ny Zanany, dia Jesosy Kristy Tompontsika.

La Bible en Malgache

⁹ Mahatoky Andriamanitra izay nahatonga anareo ho voaantso, hanananareo firaisana amin’ny Zanany, dia Jesosy Kristy Tompontsika.

1Korintiana 1:9 Rohy Ifampitohizana

Salamo 100:5

Eny, tsara ny TOMPO: maharitra mandrakizay ny fitiavany ary mahatoky hatrany hatrany Izy.

Isaia 11:5

Ny rariny no ho fisikinany ary ny toetra hentitra no ho fehikibony.

Isaia 25:1

TOMPO ô, Ianao no Andriamanitro. Hanandratra Anao sy hankalaza ny anaranao aho, satria notanterahinao ny zava-mahagaga izay efa nokasainao hatry ny elabe sady mafy orina sy azo itokiana.

Isaia 49:7

Ny TOMPO Mpanavotra sady Masin’i Israely, dia miteny aminao, ry voaeson’ny olona sy ankahalain’ny firenen-kafa, ary andevozin’ireo mpanjakazaka; ka izao no lazainy aminao: «Raha vao mahita anao ny mpanjaka dia hitsangana hiala amin’ny sezafiandrianany; ary hiankohoka ny manampahefana, raha vao mahatazana anao. Izany no hanajany Ahy TOMPO mahatoky, dia Ilay Masin’i Israely efa nifidy anao.»

Nomery 23:19

Andriamanitra tsy mba olona ka handainga, na taranak’olombelona ka hanenina. Izay nolazainy dia hoefainy; izay nampanantenainy dia hotanterahiny.

Matio 24:35

Ho levona ny tany amana habakabaka, fa ny teniko tsy mba ho levona.

Jaona 17:21

Mivavaka Aho mba ho iray izy rehetra: Ray ô, enga anie ho ao anatintsika izy rehetra tahaka Anao ato anatiko ary Izaho ao anatinao, mba hinoan’izao tontolo izao fa Ianao no naniraka Ahy.

Romana 11:17

Ny vahoaka Israely dia toy ny hazo ôliva voakolokolo, izay nanesorana rantsana sasantsasany. Fa ianao hafa firenena kosa dia toy ny rantsan’ny hazo ôliva dia, izay natao grefy amin’ny hazo ôliva voakolokolo, ho solon’ireo rantsana nesorina ireo; ary manjary iombonanao ilay fototra feno tsiron-tany ao amin’ny hazo ôliva voakolokolo.

Romana 8:28

Fantatsika fa Andriamanitra dia miasa hahatonga ny zavatra rehetra hahasoa ny olona tia Azy, dia ny olona nantsoiny araka ny fikasany rahateo.

Romana 8:30

Izay voatendrin’Andriamanitra rahateo dia nantsoiny koa; izay nantsoiny dia nekeny ho marina koa; ary izay nekeny ho marina dia nomeny voninahitra koa.

Romana 9:24

Isika manko dia nantsoin’Andriamanitra, tsy avy tamin’ny Jiosy ihany fa avy tamin’ny hafa firenena koa,

1Korintiana 1:30

Fa nataon’Andriamanitra tafaray amin’i Kristy ianareo, ka dia i Kristy no fahendrena avy aminy ho antsika: i Kristy no andraisantsika ny fahamarinan’Andriamanitra ary anafahan’Andriamanitra antsika amin’ny fahotana.

1Korintiana 10:13

Tsy nisy fakampanahy nianjady taminareo afa-tsy izay mpahazo ny olombelona. Fa mitana ny toky nomeny Andriamanitra ka tsy hamela anareo halaim-panahy mihoatra noho izay zakan’ny herinareo. Rehefa ianjadian’ny fakampanahy kosa ianareo, dia homeny hery hahazakanareo sy homeny lalana hahafahanareo.

1Korintiana 10:16

Ny fisotro isaorantsika an’Andriamanitra, moa tsy mampiombona antsika amin’ny ran’i Kristy ve izany? Ary ny mofo izay ifanapahantsika, moa tsy mampiombona antsika amin’ny tenan’i Kristy ve izany?

2Korintiana 1:18

Raha mahatoky koa Andriamanitra, dia tsy mandray roa ny teninay taminareo ka sady ho «eny» no ho «tsia».

Galatiana 1:15

Kanefa natokan’Andriamanitra dieny hatrany am-bohòka aho ary nantsoiny hanompo Azy noho ny fahasoavany.

Galatiana 2:20

ary tsy izaho intsony no velona fa i Kristy no velona ato anatiko. Koa izao ahavelomako ankehitriny amin’ny fiaina-mandalo izao, dia ivelomako amin’ny finoana niainan’ilay Zanak’Andriamanitra, Ilay efa tia ahy sy nanolo-tena hamonjy ahy:

Efesiana 3:6

Izao àry izany tsiambaratelo izany: amin’ny alalan’ny Vaovao Mahafaly, ny hafa firenena dia natao hitambatra amin’ny Jiosy ka hiara-mandova ny zava-tsoa natokan’Andriamanitra ho an’ny vahoakany, sy ho tena iray ihany ary hiombona anjara amin’ny fampanantenàn’Andriamanitra ao amin’i Kristy Jesoa.

Deoteronomia 32:4

Ny TOMPO no Vatolampy: lavorary ny asany; ny sori-dàlany rehetra rariny avokoa. Andriamanitra mahatoky Izy, tsy misy ratsy eo aminy: marina sy mahitsy Izy.

Deoteronomia 7:9

Aoka ho fantatrareo fa ny TOMPO Andriamanitrareo no hany Andriamanitra tena Izy. Mitandro ny fanekempihavanany sy ny fitiavany hatramin’ny taranaka faharivo Izy amin’izay tia Azy sy mitandrina ny didiny;

Kolosiana 1:24

Ankehitriny aho dia mifaly amin’ny fijaliana iaretako noho ny aminareo, satria miferinaina ara-batana aho ka mameno izay tsy ampy tamin’ny fahorian’i Kristy ho an’ny tenany, izany hoe ho an’ny Fiangonana.

1Tesaloniana 2:12

nampirisika anareo izahay sy nampahery anareo ary nananatra anareo mba hanao fitondrantena mendrika an’Andriamanitra, dia ilay Andriamanitra Izay miantso anareo hiditra ao amin’ny Fanjakàny sy ny voninahiny.

2Tesaloniana 2:14

Izany no niantsoan’Andriamanitra anareo, tamin’ny alalan’ny Vaovao Mahafaly notorînay, mba hahazoanareo miombom-boninahitra amin’i Jesoa Kristy Tompontsika.

2Tesaloniana 3:3

Fa mitana ny toky nomeny ny Tompo, ka hampahery anareo sady hiaro anareo tsy ho azon’ilay Ratsy.

2Timoty 1:9

Andriamanitra no namonjy antsika sy niantso antsika ho vahoakany, tsy noho ny asa vitantsika fa noho ny fandaharan’ny tenany ihany ary noho ny fahasoavany. Efa nomeny antsika tao amin’i Kristy Jesoa izany fahasoavana izany, fony tsy mbola nisy ary akory izao rehetra izao;

2Timoty 2:13

raha mivadika aminy isika, Izy dia mahatoky hatrany satria tsy afa-mandà ny tenany.»

Titosy 1:2

dia fivavahana miorina amin’ny fanantenana ny fiaina-maharitra mandrakizay. Ilay Andriamanitra tsy mba mandainga dia nampanantena antsika izany fiainana izany, fony tsy mbola nisy ary akory izao rehetra izao;

Hebreo 10:23

Aoka hohazonintsika mafy tsy azo hozongozonina ny fiekena ny zavatra antenaintsika, satria mahatoky Andriamanitra nanao ny fampanantenana.

Hebreo 11:11

Finoana no nahazoan’i Abrahama hery hanana anaka, na dia efa antidahibe aza izy ary na dia vehivavy momba aza i Sarà vadiny; satria azon’i Abrahama antoka fa mahatoky Andriamanitra nanao ny fampanantenana.

Hebreo 2:17

Koa amin’ny zavatra rehetra dia tsy maintsy tahaka ireo zandriny Izy, ka ho tonga Mpisorombe mamindra fo sy mahatoky eo amin’ny fifandraisana amin’Andriamanitra, mba hanonitra ny heloky ny vahoaka.

Hebreo 3:1

Koa amin’izany, ry havana, efa voatokana ho an’Andriamanitra ianareo sady efa voaantsony hiombon’anjara amin’ny fiainana any an-danitra, ka diniho i Jesoa ilay irak’Andriamanitra sady Mpisorombe antoky ny finoana izay ekentsika.

Hebreo 3:14

Eny, efa tonga mpiombon-tsoa amin’i Kristy isika, raha tanantsika mafy hatramin’ny farany ny toky izay nananantsika hatrany am-boalohany.

Hebreo 6:18

ireo zavatra anankiroa ireo dia tsy azo ovàna sady tsy hain’Andriamanitra andaingana. Noho izany, isika izay mitady fiarovana ao amin’Andriamanitra dia mahazo fampirisihana mafy hitana tsara ny fanantenana natolotra antsika.

1Petera 5:10

Rehefa avy niaritra fijaliana vetivety kosa ianareo, dia ilay Andriamanitra loharanon’ny fahasoavana rehetra, Izay niantso anareo ho amin’ny voninahiny mandrakizay ao amin’ny Kristy Jesoa, no handavorary sy hankahery anareo ary hanamafy sy hampiorina anareo.

1Jaona 1:3

Izay efa hitanay sy renay no ambaranay aminareo, mba hahazoanareo fiombonana aminay koa; fa izahay dia miombona amin’ny Ray sy amin’i Jesoa Kristy Zanany.

1Jaona 1:7

Andriamanitra dia ao amin’ny mazava: ka raha miaina ao amin’ny fahazavana tahaka Azy isika, dia misy fiombonana amintsika samy isika; ary ny ran’i Jesoa Zanany no manadio antsika ho afaka amin’ny karazam-pahotana rehetra.

1Jaona 4:13

Ny ahafantarantsika fa mitoetra ao anatin’Andriamanitra isika ary Izy ao anatintsika, dia ny Fanahiny efa nomeny antsika.

Apokalipsy 19:11

Dia nahita ny lanitra voasokatra aho, ka indro nisy soavaly fotsy niseho. Ilay mitaingina azy dia atao hoe Imahatoky sy Imahitsy. Ara-drariny no itsarany sy iadiany.