1Timoty 4:13 - DIEM PROTESTANTA

¹³ Mandra-pahatongako, dia mahavara tsara mamaky ny Soratra Masina sy mampirisika ary mampianatra.

Baiboly Protestanta Malagasy 2011

¹³ Mandra-pahatongako dia tandremo ny famakian-teny sy ny fananarana ary ny fampianarana.

Dikateny Iombonana Eto Madagasikara

¹³ Mandra-pahatongako, dia mahavara tsara mamaky ny Soratra Masina sy mampirisika ary mampianatra.

Baiboly Katolika

¹³ Mandra-piaviko, milozoha amin’ny famakiam-boky sy fananarana ary fampianarana.

Baiboly Protestanta Malagasy

¹³ Mandra-pihaviko tandremo ny famakian-teny, ny fananarana, ny fampianarana.

Malagasy Bible

¹³ Mandra-pihaviko tandremo ny famakian-teny, ny fananarana, ny fampianarana.

La Bible en Malgache

¹³ Mandra-pahatongako dia tandremo ny famakian-teny sy ny fananarana ary ny fampianarana.

1Timoty 4:13 Rohy Ifampitohizana

Jaona 5:39

Mandinika ny Soratra Masina ianareo, satria ao no heverinareo hahavelona aina mandrakizay; ireo Soratra Masina ireo indrindra no mijoro ho vavolombelona manambara Ahy,

Asan’ny Apostoly 17:11

Tsara toe-po amam-panahy kokoa ireto Jiosy ireto noho ny tany Tesalônika sady nazoto tokoa nandray ny tenin’Andriamanitra. Nodinihin-dry zareo isan’andro ny Soratra Masina hanamarinany izay lazain’i Paoly.

Asan’ny Apostoly 6:4

Izahay kosa dia hilofo amin’ny vavaka sy ny fitorian-teny.

Romana 12:8

Ny mpananatra, aoka hananatra. Ny mpizara, aoka hizara amim-pahatsoram-po. Ny mpahafoy harena, aoka hahafoy amin-jotom-po. Ny mpanao asa fiantrana, aoka hanao ny asany an-kafaliana.

1Korintiana 14:26

Ahoana àry no izy, ry havako? Raha miangona ianareo, dia misy manana hira, misy manana fampianarana, misy manana fanambarana, misy milaza hafatra amin’ny fiteny tsy fantatra ary misy manazava izany: aoka ny zavatra rehetra hatao mba hampandroso ny mpiangona amin’ny finoana.

1Korintiana 14:3

fa izay milaza hafatra avy amin’Andriamanitra kosa dia miteny miantefa amin’ny olona mba hampandroso azy ireo amin’ny finoana ary koa hankahery sy hampionona azy ireo.

1Korintiana 14:6

Koa manontany anareo aho, ry havako: raha mankatỳ aminareo aho ka fiteny tsy fantatra no itenenako aminareo, moa hahasoa anareo ve aho? Tsy hahasoa anareo aho raha tsy fanambarana, na teny feno fahalalana, na hafatra avy amin’Andriamanitra, na fampianarana no itenenako aminareo.

Deoteronomia 17:19

Ary ho eo aminy hatrany izany sady hovakîny mandritra ny andro rehetra iainany mba hianarany hanaja ny TOMPO Andriamaniny ka himasoany hanatanteraka ny teny sy didy rehetra raketin’izao lalàna izao.

1Timoty 4:16

Tandremo ny tenanao sy ny fampianaranao, ka mahareta amin’ireo adidy ireo; fa raha manao izany ianao, dia hamonjy ny tenanao sy izay mihaino anao.

1Timoty 4:6

Raha izany torohevitra izany no arosonao ny havana iray finoana, dia ho mpanompo tsaran’i Kristy Jesoa ianao, ka hiharihary fa mivelona amin’ireo teny momba ny finoana sy ny fampianarana tsara izay efa narahinao ianao.

2Timoty 3:15

Hatramin’ny fahazazànao no efa nahalalanao ny Soratra Masina izay manome fahendrena anao hahazoanao famonjena, noho ny finoanao an’i Kristy Jesoa.

2Timoty 4:2

torio ny tenin’Andriamanitra, ka mazotoa amin’izany na handray azy ny olona na tsy handray, mandrese lahatra, mananara mafy, mampirisiha ombàn’ny fahari-po sy ny fahaiza-mampianatra hatrany.

Titosy 2:15

Izany lazaina sy ananarana ary andresena lahatra ombàn’ny fahefana rehetra anananao. Aoka tsy hisy olona hanao tsinontsinona anao.

Josoa 1:8

Aoka ianao hahavatra mamaky ity bokin’ny lalàna ity ary handinika azy andro aman’alina mba himasoanao ny hanao araka izay rehetra voasoratra anatiny. Amin’izay dia ho tontosanao tsara ny fikasanao rehetra ary hahomby ianao.