1Petera 5:8 - DIEM PROTESTANTA

⁸ Mahonòna tena, ary miambena; fa ny devoly fahavalonareo mandehandeha manodidina anareo tahaka ny liona mierona mitady izay harapany.

Baiboly Protestanta Malagasy 2011

⁸ Mahonòna tena, miambena. Fa ny devoly fahavalonareo dia mandehandeha tahaka ny liona mierona mitady izay harapany;

Dikateny Iombonana Eto Madagasikara

⁸ Mahonòna tena, ary miambena; fa ny devoly fahavalonareo mandehandeha manodidina anareo tahaka ny liona mierona mitady izay harapany.

Baiboly Katolika

⁸ Mahalalà onony, ary miambena; fa ny devoly fahavalonareo mihaodihaody manodidina anareo mova tsy ny liona mierona mitady izay harapany.

Baiboly Protestanta Malagasy

⁸ Mahonòna tena, miambena: fa ny devoly fahavalonareo mandehandeha tahaka ny liona mierona mitady izay harapany;

Malagasy Bible

⁸ Mahonòna tena, miambena: fa ny devoly fahavalonareo mandehandeha tahaka ny liona mierona mitady izay harapany;

La Bible en Malgache

⁸ Mahonòna tena, miambena. Fa ny devoly fahavalonareo dia mandehandeha tahaka ny liona mierona mitady izay harapany;

1Petera 5:8 Rohy Ifampitohizana

Estera 7:6

Ka novalian’i Estera hoe: –Io Hamàna ratsy fanahy io no fahavalonay sy mpankahala anay! Dia raiki-tahotra teo anatrehan’ny amperôra sy ny mpanjakavavy i Hamàna.

Joba 2:2

Dia hoy ny Tompo tamin’i Satàna: –Avy taiza moa ianao? Dia namaly ny Tompo izy hoe: –Avy nitetitety ny tany sy nihaodihaody tany aho.

Salamo 104:21

Manerona ny liona tanora manenjika ny hazany: mitaky sakafo aminao Andriamanitra izy.

Salamo 109:6

Hoy izy ny amiko: «Anendreo olon-dratsy hamely azy; aoka hisy mpiampanga hitsangana eo ankavanany!

Ohabolana 19:12

Ny fahatezeran’ny mpanjaka dia mampatahotra toy ny fieron’ny liona; fa ny fitsimbinany kosa dia mahasoa toy ny ando amin’ny ahitra.

Ohabolana 20:2

Ny fandrahonan’ny mpanjaka dia mampatahotra toy ny fieron’ny liona; ka izay mampahatezitra azy tandindomin-doza.

Ohabolana 28:15

Tahaka ny liona mierona sy orsa noana ny olon-dratsy izay manapaka amin’ny vahoaka mahantra.

Isaia 50:8

Eo akaikiko ny TOMPO, Ilay mpanamarina ahy. Iza no hiady amiko? Andeha isika hiara-miseho eo anoloan’ny mpitsara! Iza no ho mpanohitra ahy? Aoka izy hanatona hifanatrika amiko!

Jeremia 2:15

Tahaka ny fieron’ny biby masiaka no fandrahonan’ireo azy; ka nahatonga ny taniny ho lao sy nandorana ny tanànany ho tsy azo onenana.

Jeremia 51:38

Miara-mierona toy ny liona tanora ny mponina ao Babilôna ankehitriny ary mikonainaina toy ny zana-diona.

Ezekiela 19:7

Namotika ny lapan’ireo izy ary nandrava ny tanànany. Raiki-tahotra ny mponina teo amin’ny tany, raha vao nandre ny fieronerony.

Ezekiela 22:25

Tahaka ny liona mierona mamiravira haza ireo mpitondra azy ka mandripaka olona sy maka ny vola amam-pananan’ny hafa ka mahatonga vehivavy maro ho mpitondratena.

Daniela 6:24

Tamin’izay dia faly tokoa ny mpanjaka, ka nasainy nakarina avy ao an-davaka i Daniela; rehefa tafakatra izy, dia tsy nahitana ratra akory satria natoky an’ilay Andriamaniny.

Hosea 11:10

Ny TOMPO Izay hierona tahaka ny liona no harahin’ireo voasesitany hody. Ary rehefa mierona ny TOMPO, dia ireo zanany no hihazakazaka hanatona avy any ampitan-dranomasina any.

Hosea 13:8

Toy ny famelin’ny orsa very zanaka no amelezako anareo, ka rotehiko ny tratranareo. Toy ny fandrapaky ny liom-bavy no andrapahako anareo; ny bibidia no hamiravira ny fatinareo.

Amosa 1:2

Hoy i Hamôsa hoe: Avy ao Tsiôna ny TOMPO no manerona ary avy ao Jerosalema Izy no manandra-peo. Dia malahelo ny saha fiandrasana biby fiompy ary maina ny tampon’i Karmela.

Amosa 3:4

Hanerona ao anaty ala ve ny liona, raha tsy mahita remby? Hanerongerona ao an-davany ve ny liona tanora, raha tsy misy zavatra azony?

Amosa 3:8

Ny liona no nierona, ka iza no tsy hatahotra? Ny Tompo ANDRIANANAHARY no niteny, ka iza no tsy hampita ny hafatra ampitondrainy?

Zakaria 11:3

Henoy ny fidradradradran’ny mpiandry firenena fa nihintsana ny voninahiny. Henoy ny fieroneron’ny liona, fa rava ireo kirihitrala nireharehany teny amoron’ny ony Jôrdàna.

Zakaria 3:1

Ary nasehon’ny TOMPO tamiko i Josoa mpisorombe izay nitsangana teo anatrehan’ny anjelin’ny TOMPO. Ary nijoro teo ankavanan’i Josoa i Satàna mba hiampanga azy.

Matio 13:39

ny fahavalo namafy ny tsimparifary dia ny devoly; ny taom-pijinjana dia ny fiafaran’izao tontolo izao; ary ny mpijinja dia ny anjely.

Matio 24:42

Koa miambena àry, fa tsy fantatrareo izay andro hiavian’ny Tomponareo.

Matio 25:41

Ary dia izao kosa no holazain’ny Mpanjaka amin’izay eo ankaviany: «Mialà amiko ianareo voaozona, mandehana any amin’ny afo maharitra mandrakizay izay voavoatra ho an’ny devoly sy ny anjeliny.

Matio 4:1

Ary dia notarihin’ny Fanahin’Andriamanitra hankany an-taniefitra i Jesoa, mba halain’ny devoly fanahy.

Matio 4:11

Izay vao nandao Azy ny devoly, ary indreo nisy anjely tonga teo amin’i Jesoa ka nanompo Azy.

Marka 4:15

Ao ny amafazana ny teny eo amoron-dalana: vao mahaheno izy, dia tonga i Satàna manaisotra ny teny voafafy tao aminy.

Lioka 21:34

–Mitandrema tena ianareo, fandrao tonga mavesatra ny fonareo noho ny filibàna sy ny hamamoana ary ny fiahiana izao fiainana izao; ka ho avy tampoka tsy ampoizinareo izany andro izany,

Lioka 21:36

Koa miambena sady mivavaha lalandava mba ho afa-miala amin’izany loza rehetra efa ho avy izany sy ho marim-pijoro eo anatrehan’ny Zanak’olona.

Lioka 22:31

Hoy i Jesoa tamin’i Petera: –Ry Simôna, ry Simôna, indro efa notakîn’i Satàna hokotranina toy ny vary sivanina ianareo.

Jaona 8:44

Ny devoly no ray niavianareo, ka ny filàndratsin’ny rainareo no satrinareo hatao. Ny devoly dia mpamono olona hatrany am-boalohany; ary tsy nitoetra tamin’ny marina izy, satria ny marina tsy ao aminy. Raha mandainga izy, dia miteny araka ny toetrany satria mpandainga izy sady rain’ny mpandainga.

2Korintiana 2:11

fandrao ho voafitak’i Satàna isika, satria fantatsika tsara ny hafetseny.

Efesiana 4:27

Aza omen-toerana ny devoly.

Efesiana 6:11

Itafio avokoa ny fiadiana omen’Andriamanitra, mba hahazoanareo hamahatra tsara eo anatrehan’ireo tetika afitsoky ny devoly.

1Timoty 2:15

Kanefa hovonjena ihany ny vehivavy amin’ny fananan-janaka, raha maharitra amin’ny finoana sy ny fitiavana ary ny fahamasinana ombàn’ny fahononan-tena.

1Timoty 2:9

Toraka izany koa ny vehivavy: tiako mba hihaingo maotina tsara sy mahalala onony izy ireo ka hitondra fitafiana mendrika, tsy hanao taovolo mihaitraitra, tsy hirenty volamena na vatosoa na fitafiana sarobidy,

1Timoty 3:11

Tokony ho maotina toy izany koa ny vehivavy, ka tsy ho mpanendrikendrika fa hahafehy tena ary mahatoky amin’ny zavatra rehetra.

1Timoty 3:2

Koa ny mpitondra Fiangonana dia tokony ho olona tsy manan-tsiny, tsy mampirafy, mahafehy tena, matotra, maotina, mahay mandray olona, havanana amin’ny fampianarana;

2Timoty 4:17

Kanefa dia nijoro teo anilako ny Tompo ka nanome hery ahy mba hahatontosako soa aman-tsara ny fitorian-teny sady handrenesan’ireo rehetra hafa firenena izany; ary dia afaka teo am-bavan’ny liona aho.

Titosy 1:8

tokony hahay mandray vahiny, hankamamy ny toetra tsara, hahafehy tena, ho tia rariny, ho masina, hahonon-tena;

Titosy 2:12

Izany fahasoavana izany dia mitaiza antsika handà ny toetra tsy miraharaha an’Andriamanitra sy handà ny filàn’izao tontolo izao, fa ho velona mahafehy tena sy mandala ny rariny ary tia vavaka mandritra izao fiainana ankehitriny izao.

Titosy 2:2

Anaro ny lehilahy zokiolona mba hahalala onony amin’ny fisotro, ho maotina, hahafehy tena, tsy hisy tomika amin’ny finoana, amin’ny fitiavana, amin’ny faharetana.

Titosy 2:4

ka hanoro ny vehivavy tanora ho tia vady aman-janaka,

Titosy 2:6

Anaro toy izany koa ny lehilahy tanora mba hahafehy tena.

Jakoba 4:7

Koa maneke an’Andriamanitra ianareo; ary manohera ny devoly, dia handositra lavitra anareo izy.

1Petera 1:13

Noho izany, dia aoka ho vonombonona lalandava ny fanahinareo; mahonòna tena, ka antenao tsara ny fahasoavana izay hatolotra anareo amin’ny andro hisehoan’i Jesoa Kristy.

1Petera 4:7

Antomotra ny faran’ny zavatra rehetra; koa hendre, mahonòna tena mba ho afa-mivavaka.

Apokalipsy 12:10

Dia reko nisy feo mahery tany an-danitra nanao hoe: «Tonga izao ny famonjena sy ny hery ary ny fanjakàn’ilay Andriamanitsika, tonga izao ny fahefàn’ilay Mesiany; satria nazera ilay mpiampanga an’ireo havantsika, dia ilay mpiampanga azy ireo andro aman’alina teo anatrehan’Andriamanitsika.

Apokalipsy 12:12

Noho izany, mifalia, ry lanitra sy ianareo monina ao aminy. Mampalahelo ianareo, ry tany aman-dranomasina, fa nidina any aminareo ny devoly sady misafoaka mafy, satria fantany fa kely sisa ny androny!»

Apokalipsy 12:9

Ary nazera ilay dràgona, dia ilay bibilava fahizay, ilay atao hoe devoly na hoe Satàna, izay mamitaka izao tontolo rehetra izao; nazera tamin’ny tany izy ary nazera niaraka taminy koa ireo anjeliny.

Apokalipsy 20:10

Ny devoly izay namitaka azy ireo dia natsipy tany amin’ny farihy afo aman-tsolifara, izay efa nanipazana ilay biby sy ilay mpaminany sandoka; ary hampijalîna andro aman’alina mandrakizay mandrakizay izy telo ireo.

Apokalipsy 20:2

Nosamborin’io anjely io ny dràgona, dia ilay bibilava fahizay (izany hoe ny devoly na i Satàna), ka nafatony arivo taona

Mpitsara 14:5

Dia niainga hankany Timnà i Samsôna. Nony tonga tao amin’ny tanim-boaloboka akaikin’i Timnà izy, dia nisy liona tanora nierona nanatona azy.