1Petera 4:14 - DIEM PROTESTANTA

¹⁴ Sambatra ianareo raha haratsîna amin’ny maha mpianatr’i Kristy anareo; fa ny Fanahy Masina be voninahitra, dia ny Fanahin’Andriamanitra, no mitoetra eo aminareo.

Baiboly Protestanta Malagasy 2011

¹⁴ Sambatra ianareo raha haratsina noho ny anaran’i Kristy, fa ny Fanahin’ny voninahitra, dia ny Fanahin’Andriamanitra no mipetraka aminareo!

Dikateny Iombonana Eto Madagasikara

¹⁴ Sambatra ianareo raha haratsîna amin’ny maha mpianatr’i Kristy anareo; fa ny Fanahy Masina be voninahitra, dia ny Fanahin’Andriamanitra, no mitoetra eo aminareo.

Baiboly Katolika

¹⁴ Sambatra ianareo raha tevatevaina noho ny Anaran’i Kristy, fa mitoetra ao aminareo ny Fanahin’ny voninahitra sy ny fahefana, dia ny Fanahin’Andriamanitra.

Baiboly Protestanta Malagasy

¹⁴ Sambatra hianareo, raha haratsina noho ny anaran’i Kristy; fa ny Fanahin’ny voninahitra, dia ny Fanahin’Andriamanitra, mipetraka ao aminareo.

Malagasy Bible

¹⁴ Sambatra ianareo, raha haratsina noho ny anaran'i Kristy, fa ny Fanahin'ny voninahitra, dia ny Fanahin'Andriamanitra, mipetraka ao aminareo.

La Bible en Malgache

¹⁴ Sambatra ianareo raha haratsina noho ny anaran’i Kristy, fa ny Fanahin’ny voninahitra, dia ny Fanahin’Andriamanitra no mipetraka aminareo!

1Petera 4:14 Rohy Ifampitohizana

1Mpanjaka 10:8

Sambatra ireo olonao sy ireo tandapanao, satria eo anatrehanao mandrakariva ka mandre ny fahendrenao.

2Mpanjaka 2:15

Raha nahita izay nataon’i Elisà avy teny lavidavitra teny ny andia-mpaminanin’i Jerikao, dia nanao hoe: «Efa mipetraka amin’i Elisà ny fanahin’i Elià.» Ary lasa nitsena an’i Elisà ireo ka niankohoka nitehi-tany teo anatrehany,

Salamo 146:5

Sambatra izay manana an’Andriamanitra ho Mpitahy, dia ilay Andriamanitr’i Jakôba; sambatra izay mametraka ny fitokiany ao amin’ny TOMPO Andriamaniny:

Salamo 49:9

satria lafo loatra ny avotra aina, tsy ho voaloa na oviana na oviana

Salamo 89:51

Tompo ô, diniho ny latsa manjo ahy mpanomponao izay itambesaran’ny fanalam-baràkan’ireo vahoaka,

Isaia 11:2

Ny Fanahin’ny TOMPO no mitoetra eo aminy, dia Fanahy manome fahendrena sy fahaiza-manavaka Fanahy mahay mamolavola sy manatanteraka, Fanahy ahalalana sy anajana ny TOMPO;

Isaia 25:8

Hofoanany tsy hisy mandrakizay ny fahafatesana. Hofafan’ny Tompo ANDRIANANAHARY ny ranomaso amin’ny tava rehetra, ary hoesoriny ny fahafaham-baràka nahazo ny vahoakany manerana ny tany. Izany no nampanantenain’ny TOMPO.

Isaia 51:7

Mihainoa Ahy ianareo izay mandala ny rariny, ianareo vahoaka mitana am-po ny lalànako; aza matahotra izay fanaratsian’ny olona na milefitra amin’ny fanalam-baràka ataony,

Matio 5:11

Sambatra ianareo raha tevatevain’ny olona sy enjehiny ary ampangaina lainga amin’ny ratsy isan-karazany noho ny maha mpianatro anareo.

Matio 5:16

Aoka hamiratra eo imason’ny olona toy izany koa ny fahazavanareo, mba hahitany ny asa soa ataonareo ka hanomezany voninahitra ny Rainareo Izay any an-danitra.

Lioka 6:22

Sambatra ianareo raha halan’ny olona sy roahiny ary tevatevainy sy alàny baràka noho ianareo miandany amin’ny Zanak’olona.

Jaona 15:21

Fa izany rehetra izany dia hataony aminareo noho ny amiko, satria tsy fantany Ilay naniraka Ahy.

Jaona 8:48

Dia niteny tamin’i Jesoa ny Jiosy nanao hoe: –Tsy marina ve ny filàzanay fa Samaritanina Ianao sady ondranondranana?

Jaona 9:28

Dia notevatevain’ireo Farisianina ralehilahy sady nataony hoe: –Ianao no mpianany fa izahay mpianatr’i Mosesy.

Jaona 9:34

Namaly kosa ry zareo ka nanao taminy hoe: –Tena teraka tanatin’ny ota ianao, ka ianao indray ve no mampianatra anay? Dia noroahin’ny Farisianina hiala amin’ny sinagôga ilay jamba taloha.

Asan’ny Apostoly 13:45

Tonga feno fialonana ny Jiosy nony nahita ny vahoaka maro, ka sady nanohitra ny teny voalazan’i Paoly no nanevateva azy.

Asan’ny Apostoly 18:6

Kanefa nanohitra sy nanevateva azy ry zareo; ka dia nanopakopa-damba i Paoly sady nanao taminy hoe: –Anareo ny andraikitra raha toa ka manalavitra an’Andriamanitra ianareo, fa afaka adidy aminareo aho. Manomboka anio dia any amin’ny hafa firenena no halehako.

Asan’ny Apostoly 28:22

Fa sitrakay ny handre izay fiheveranao, satria fantatray fa toherin’ny olona hatraiza hatraiza izany antokom-pivavahana misy anao izany.

Asan’ny Apostoly 5:41

Koa tamin-kafaliana no nialan’ny apôstôly teo amin’ny Fitsarana ambony, satria nataon’Andriamanitra mendrika halaim-baràka ho voninahitr’i Jesoa.

2Korintiana 12:10

Ka dia ifaliako ny fahalemena, ny fanevatevana, ny fahaterena, ny fanenjehana ary ny tebiteby, izay manjo ahy noho ny amin’i Kristy; fa rehefa malemy iny indrindra aho no mahery.

2Korintiana 4:10

Entinay mandrakariva ao amin’ny tenanay koa fa velona i Jesoa;

2Korintiana 4:16

Izany no tsy mahaketraka anay, fa na dia mihalevona aza ny maha olona eto ivelany, dia mihavao isan’andro kosa ny maha olona ao anaty:

Galatiana 1:24

Ary dia nanome voninahitra an’Andriamanitra ry zareo noho ny amiko.

Hebreo 11:26

Nataony fa ny miaritra fanaratsiana noho ny amin’ny Mesia dia harena be lavitra noho ny zava-tsoan’i Ejipta, fa nibanjina ny valisoa mbola ho avy izy.

Jakoba 1:12

Sambatra ny olona izay maharitra ny fitsapana; fa rehefa voasedran’izany izy, dia ny fiainana efa nampanantenain’Andriamanitra ireo tia Azy no horaisiny ho satroboninahi-pandresena.

Jakoba 5:11

Indro ataontsika hoe sambatra izay manam-paharetana. Efa renareo ny faharetan’i Jôba, ary fantatrareo izay nataon’ny Tompo ho azy tamin’ny farany, satria be fiantra sy be indrafo ny Tompo.

1Petera 2:12

Manàna fitondrantena tsara eo anivon’ny mpanompo sampy; fa na dia endrikendrehiny ho mpanao ratsy aza ianareo, dia ho hitany tokoa ny asa tsara ataonareo, ka hanomezany voninahitra an’Andriamanitra amin’ny andro hiavian’i Kristy.

1Petera 3:14

Raha tàhiny manao ny marina aza ianareo no ampahorîna, dia sambatra. Aza matahotra izay fandrahonan’ny olona, ary aza mangorohoro amin’izany;

1Petera 3:16

saingy ataovy amin-kalemem-panahy sy amim-panajana izany. Manàna fieritreretana mahitsy; ka rehefa misy zavatra anendrikendrehana anareo, dia ho menatra izay mpanaratsy ny fitondrantena tsara anentanan’i Kristy anareo.

1Petera 4:16

fa raha amin’ny maha kristianina azy no ijaliany, dia aoka izy tsy ho menatra fa hanome voninahitra an’Andriamanitra noho izany anarana entiny izany.

2Petera 2:2

Maro no hanaraka ny fitondrantena ratsiny, ka ireny no hanevatevana ny lalana voasoritr’ilay hafatra marim-pototra.