1Jaona 2:12 - DIEM PROTESTANTA

¹² Izao no soratako ho anareo rankizy: «Voavela ny fahotanareo noho ny anaran’i Kristy!»

Baiboly Protestanta Malagasy 2011

¹² Manoratra aminareo zanaka aho satria voavela ny helokareo noho ny anarany.

Dikateny Iombonana Eto Madagasikara

¹² Izao no soratako ho anareo rankizy: «Voavela ny fahotanareo noho ny anaran’i Kristy!»

Baiboly Katolika

¹² Manoratra ho anareo zanaka aho, satria voavela ny helokareo noho ny Anarany.

Baiboly Protestanta Malagasy

¹² MANORATRA aminareo zanaka aho, satria voavela ny helokareo noho ny anarany.

Malagasy Bible

¹² Manoratra aminareo zanaka aho, satria voavela ny helokareo noho ny anarany.

La Bible en Malgache

¹² Manoratra aminareo zanaka aho satria voavela ny helokareo noho ny anarany.

1Jaona 2:12 Rohy Ifampitohizana

Salamo 106:8

Nefa noho Izy Tompo dia novonjeny ny razanay mba hampahafantarany ny heriny lehibe.

Salamo 25:11

TOMPO ô, mba ho voninahitrao, dia avelao ny heloko na lehibe aza.

Jeremia 14:7

TOMPO ô, miampanga anay ny fahadisoanay; nefa miasà Ianao ho voninahitry ny anaranao. Niodina taminao matetika izahay; taminao no nanotanay.

Lioka 24:47

ary ny anarany no tsy maintsy hotorîna hatao antso avo amin’ny firenen-drehetra miantomboka eto Jerosalema, mba hanainga ny olona hiala amin’ny toetra ratsiny sy handray famelan-keloka.

Lioka 5:20

Hitan’i Jesoa ny finoan’ireo olona ka hoy Izy tamin’ilay marary: –Andriamatoa, voavela ny helokao!

Asan’ny Apostoly 10:43

Samy mijoro ho vavolombelona momba azy ny mpaminany rehetra ka manambara fa izay rehetra mino Azy dia hahazo famelan-keloka amin’ny anarany.

Asan’ny Apostoly 13:38

Ry havako, izao àry no aoka ho fantatrareo: amin’ny alalan’i Jesoa no itoriana famelan-keloka aminareo. Tsy nanafaka ny helokareo velively ny lalànan’i Mosesy ary tsy nahatonga anareo ho olo-marina eo anatrehan’Andriamanitra; fa ao amin’i Jesoa, izay rehetra mino dia afaka amin’ny heloka rehetra ary tonga olo-marina eo anatrehan’Andriamanitra.

Asan’ny Apostoly 4:12

Ao aminy no hany ahazoam-pamonjena; eny, tsy misy eto ambanin’ny lanitra anarana hafa nomen’Andriamanitra ny olona, izay hahazoantsika famonjena!

1Korintiana 6:11

Tahaka izany taloha ny sasany taminareo; saingy efa voasasa ho afaka tamin’ny fahotana ianareo, efa voatokana ho an’Andriamanitra ary efa nekeny ho marina tamin’ny anaran’i Jesoa Kristy Tompo sy tamin’ny Fanahin’ilay Andriamanitsika.

Efesiana 1:7

Ny ra nafoin-Janany no nahazoantsika ny fanavotana, dia ny famelana ny hadisoantsika. Izany no nanehoan’Andriamanitra ny harem-pahasoavany,

Efesiana 4:32

Fa aoka samy ho mora fo sy antra amin’ny namany avy ianareo; mifamelà heloka, tahaka ny namelan’Andriamanitra heloka anareo noho ianareo miray amin’i Kristy.

Kolosiana 1:14

Ilay ahazoantsika ny fanavotana, dia ny famelana ny helotsika.

1Jaona 1:4

Izany no soratanay aminareo, mba ho feno ny hafaliantsika.

1Jaona 1:7

Andriamanitra dia ao amin’ny mazava: ka raha miaina ao amin’ny fahazavana tahaka Azy isika, dia misy fiombonana amintsika samy isika; ary ny ran’i Jesoa Zanany no manadio antsika ho afaka amin’ny karazam-pahotana rehetra.

1Jaona 1:9

Fa raha miaiky ny fahotantsika isika, dia mitana ny toky nomeny Andriamanitra sady miantra, ka hamela ny fahotantsika sy hanadio antsika ho afaka amin’ny ratsy isan-karazany.

1Jaona 2:1

Izany, rey anaka, no soratako aminareo, mba tsy hanotanareo. Kanefa raha misy olona manota, dia manana mpisolovava eo anilan’ny Ray isika, dia i Jesoa Kristy, ilay Marina.

1Jaona 2:21

Tsy noho ianareo tsy mahafantatra ny hafatra marim-pototra no nanoratako taminareo, fa noho ianareo mahafantatra izany; ary fantatrareo koa fa tsy misy lainga avy amin’ilay hafatra marim-pototra.

1Jaona 2:7

Ry hava-malala, tsy didy vaovao no soratako aminareo, fa didy ela, izay nanananareo hatramin’ny voalohany; izany didy ela izany dia ilay teny efa renareo.