1Tantara 3:2 - DIEM PROTESTANTA

² ny fahatelo dia i Absalôma, zanalahin’i Mahekà izay zanakavavin’i Talmay mpanjakan’i Gesora; ny fahefatra dia i Adônià, zanakalahin’i Hagita;

Baiboly Protestanta Malagasy 2011

² i Absaloma, zanak’i Maka, zanakavavin’i Talmay mpanjakan’i Gesora, no fahatelo; i Adonia, zanak’i Hagita, no fahefatra;

Dikateny Iombonana Eto Madagasikara

² ny fahatelo dia i Absalôma, zanalahin’i Mahekà izay zanakavavin’i Talmay mpanjakan’i Gesora; ny fahefatra dia i Adônià, zanakalahin’i Hagita;

Baiboly Katolika

² i Absalôma zanak’i Maakà, zanaka vavin’i Tolmaia mpanjakan’i Gesora, fahatelo; i Adoniasa zanak’i Hagita, fahefatra;

Baiboly Protestanta Malagasy

² Absaloma, zanak’i Maka, zanakavavin’i Talmay, mpanjakan’i Gesora, no fahatelo; Adonia, zanak’i Hagita, no fahefatra;

Malagasy Bible

² Absaloma, zanak'i Maka, zanakavavin'i Talmay, mpanjakan'i Gesora, no fahatelo; Adonia, zanak'i Hagita, no fahefatra;

La Bible en Malgache

² i Absaloma, zanak’i Maka, zanakavavin’i Talmay mpanjakan’i Gesora, no fahatelo; i Adonia, zanak’i Hagita, no fahefatra;

1Tantara 3:2 Rohy Ifampitohizana

2Samoela 13:1

Izao no nitranga taorian’izany: I Absalôma zanakalahin’i Davida dia nanana anabavy tsara tarehy natao hoe Tamara. Raiki-pitia taminy i Amnôna zanakalahin’i Davida anankiray.

2Samoela 14:23

Dia niarina i Jôaba ka nankany Gesora, ary nitondra an’i Absalôma hody any Jerosalema.

2Samoela 14:32

Dia hoy i Absalôma tamin’i Jôaba: –Indro efa nampiantso anao hankatỳ amiko aho mba halefako any amin’ny mpanjaka hilaza aminy hoe: «Nahoana aho no niverina avy any Gesora? Naleoko mbola nijanona tany ihany.» Koa mba te hahita tava ny mpanjaka aho ankehitriny; fa raha toa ka meloka aho, dia aoka izy hamono ahy ho faty.

2Samoela 15:8

Fa raha mbola nipetraka tany Gesora any Siria aho, dia nanao izao voady izao: «Raha hampodin’ny TOMPO any Jerosalema indray aho, dia hanompo AZY.»

2Samoela 18:14

Koa hoy i Jôaba hoe: –Tsy handany andro aminao eto aho! Dia noraisiny ny lefona telo ka natrobany ny fon’i Absalôma, raha ilay izy mbola velona ka nihantona tamin’ny terebinta iny.

2Samoela 18:18

Fahavelony i Absalôma dia efa nampanao tsangambato ho azy tao an-dohasahan’ny mpanjaka, fa hoy izy anakampo: «Tsy manan-janakalahy hamelo-maso ny anarako aho.» Koa ny anaran’ny tenany ihany no niantsoany an’ilay tsangambato. Izany no mbola anaovana azy mandraka ankehitriny hoe «Tsangambaton’i Absalôma».

2Samoela 3:3

ny faharoa dia i Kilàba tamin’i Abigaîla vadin’i Nabala avy any Karmela; ny fahatelo dia i Absalôma zanakalahin’i Mahekà zanakavavin’i Talmay, mpanjakan’i Gesora;

2Samoela 3:4

ny fahefatra dia i Adônià zanakalahin’i Hagita; ny fahadimy dia i Sefatià zanakalahin’i Abitala;

1Mpanjaka 1:5

Fa i Adônià zanakalahin’i Hagita kosa tamin’izay no nanandra-tena ho mpanjaka. Dia nanomana kalesy sy mpitaingin-tsoavaly ary lehilahy dimampolo ho mpihazakazaka eo anoloany izy.

1Mpanjaka 1:6

Hatramin’izay niainany dia tsy mbola niteny mafy azy i Davida rainy na nanontany azy ny antony nanaovany izany. Izy moa dia lehilahy tsara tarehy tokoa, ary natera-dreniny nanarakaraka an’i Absalôma.

1Mpanjaka 2:22

Fa hoy i Salômôna namaly an-dreniny: –Nahoana ianao no mangataka an’i Abisaga avy any Sonema ho an’i Adônià? Angataho ho azy koa ny fanjakana satria izy no zokiko; dia ho azy izany sy ho an’i Abiatara mpisorona ary ho an’i Jôaba zanakalahin’i Tseroià?

1Tantara 2:23

Fa nalain’ny Gesorita sy ny Sirianina ireo tanànan’i Jaîro miaraka amin’i Kenata renivohitra sy ny tanàna kely manodidina azy; tanàna enimpolo no fitambarany. Ny mponina rehetra tamin’ireo tanàna ireo dia taranak’i Makira, rain’i Gilehada.

1Tantara 3:1

Ireto no zanakalahy naterak’i Davida tao Hebrôna: ny lahimatoa dia i Amnôna, zanakalahin’i Ahinôhama avy any Jizrehela; ny faharoa dia i Daniela, zanakalahin’i Abigaîla avy any Karmela;

1Tantara 3:3

ny fahadimy dia i Sefatià, zanakalahin’i Abitela; ny fahenina dia i Jitrehama, zanakalahin’i Heglà vadin’i Davida koa.

Josoa 13:13

Tsy noroahin’ny Israelita anefa ny mponina tao Gesora sy Mahekà; koa miara-monina amin’ny Israelita ry zareo mandraka androany.