1Tantara 24:5 - DIEM PROTESTANTA

⁵ Samy natao antsapaka ny fitsinjarana azy rehetra, satria samy mpiandraikitra ny Toeramasina sy mpiandraikitra ny raharahan’Andriamanitra, na ny avy tamin’ny taranak’i Elehazara na ny avy tamin’ny taranak’i Itamara.

Baiboly Protestanta Malagasy 2011

⁵ Samy nozarazaraina tamin’ny antsapaka avokoa izy rehetra; fa samy mpitandrina ny zava-masina, dia mpitandrina voatendry ho an’Andriamanitra avokoa, na ny avy tamin’ny taranak’i Eleazara, na ny avy tamin’ny taranak’Itamara.

Dikateny Iombonana Eto Madagasikara

⁵ Samy natao antsapaka ny fitsinjarana azy rehetra, satria samy mpiandraikitra ny Toeramasina sy mpiandraikitra ny raharahan’Andriamanitra, na ny avy tamin’ny taranak’i Elehazara na ny avy tamin’ny taranak’i Itamara.

Baiboly Katolika

⁵ Samy natao tamin’ny filokàna ny fizarazarana azy ireo avy, satria na ny tamin’ny taranak’i Eleazara na ny tamin’ny taranak’i Itamara, dia samy nisy filohany momba ny fitoerana masina, sy filohany amin’ny momba an’Andriamanitra.

Baiboly Protestanta Malagasy

⁵ Ary samy nozarazaraina tamin’ny filokana avokoa izy rehetra; fa samy mpifehy masina, dia mpifehy ho an’Andriamanitra avokoa, na ny avy tamin’ny taranak’i Eleazara, na ny avy tamin’ny taranak’Itamara.

Malagasy Bible

⁵ Ary samy nozarazaraina tamin'ny filokana avokoa izy rehetra; fa samy mpifehy masina, dia mpifehy ho an'Andriamanitra avokoa, na ny avy tamin'ny taranak'i Eleazara, na ny avy tamin'ny taranak'Itamara.

La Bible en Malgache

⁵ Samy nozarazaraina tamin’ny antsapaka avokoa izy rehetra; fa samy mpitandrina ny zava-masina, dia mpitandrina voatendry ho an’Andriamanitra avokoa, na ny avy tamin’ny taranak’i Eleazara, na ny avy tamin’ny taranak’Itamara.

1Tantara 24:5 Rohy Ifampitohizana

1Tantara 24:31

Toraka ireo rahalahiny, taranak’i Aharôna, ny levita koa dia mba notsinjaraina fanompoana tamin’ny antsapaka teo anatrehan’i Davida mpanjaka, teo anatrehan’i Tsadôka sy i Abimelèka, ary teo anatrehan’ny loham-pianakavian’ny mpisorona sy ny loham-pianakavian’ny levita: samy natao antsapaka mifanarakaraka na ny fianakavian’ny zokiny na ny fianakavian’ny zandriny.

1Tantara 24:4

Hita ho maro kokoa ireo lehilahy loham-pianakaviana tamin’ny taranak’i Elehazara noho ny tamin’ny taranak’i Itamara; ka ny taranak’i Elehazara dia notsinjaraina hisy loham-pianakaviana 16, ary ny taranak’i Itamara dia notsinjaraina hisy loham-pianakaviana valo.

1Tantara 25:8

Nanao antsapaka ny anjara raharahany avy izy rehetra, na ny kely na ny lehibe, na ny efa havanana na ny mbola miofana.

1Tantara 26:13

Nanao antsapaka izy rehetra, na ny kely na ny lehibe, araka ny fianakaviany, ny amin’ny vavahady tsirairay avy.

1Tantara 9:11

i Seraià, zanakalahin’i Hilkià sy zafin’i Mesolama sy zafiafin’i Tsadôka sy zafin-dohalik’i Meraiôta ary zafin-kitrokelin’i Ahitoba mpanapaka ny tempoly;

2Tantara 35:8

Ny mpandraharahan’i Jôsià koa dia nanome biby ho an’ny vahoaka sy ho an’ny mpisorona ary ho an’ny levita. I Hilkià sy i Zakarià ary i Jehiela izay samy mpiandraikitra ny tranon’Andriamanitra, dia nanome ondry aman’osy 2 600 ary omby roa arivo ho an’ny mpisorona mba hatao soron’ny Paska.

Nehemia 11:11

i Seraià, zanakalahin’i Hilkià sy zafin’i Mesolama sy zafiafin’i Tsadôka sy zafin-dohalik’i Meraiôta ary zafin-kitrokelin’i Ahitoba mpisorombe;

Ohabolana 16:33

Ahontsankontsana ny kodiakely hahalalan-javatra fa izay mipoitra eo kosa dia avy amin’ny TOMPO.

Isaia 43:28

Koa dia nataoko afa-baràka ireo mpiandraikitra ny Toeramasina, natolotro haringana ny firenen’i Jakôba ary navelako holatsaina ny vahoaka Israely.

Jona 1:7

–’Ndeha isika hanao antsapaka hahitana izay tompon’andraikitra mahatonga izao loza izao amintsika. Natao ny antsapaka ka nianjera tamin’i Jônà.

Matio 26:3

Tamin’izay ireo lohandoha-mpisorona sy ireo loholon’ny vahoaka jiosy dia nivory tao amin’ny lapan’ny mpisorombe atao hoe Kaiafa.

Matio 27:1

Nony maraina ny andro, dia nikaon-doha avokoa ny lohandoha-mpisorona sy ny loholon’ny vahoaka jiosy hamelezana an’i Jesoa, mba hampanamelohana Azy ho faty.

Asan’ny Apostoly 1:26

Dia nanaovana antsapaka izy roa lahy, ary voatendrin’ny antsapaka i Matià, ka dia izy no lany ho naman’ny apôstôly 11 lahy.

Asan’ny Apostoly 4:1

Raha mbola niteny tamin’ny vahoaka teo i Petera sy i Jôhany, dia indreo tonga ny mpisorona sy ny lehiben’ny mpiambina ny tempoly ary koa ny Tsadoseanina.

Asan’ny Apostoly 4:6

ary koa i Hanà mpisorombe sy i Kaiàfa, i Jôhany sy i Aleksandra mbamin’izay rehetra havan’ny mpisorombe.

Asan’ny Apostoly 5:24

Raha nandre izany teny izany ity lehiben’ny mpiambina ny tempoly sy ny lohandoha-mpisorona, dia very hevitra ny amin’ireo apôstôly sy ny hiafaran’izao toe-javatra izao.

Josoa 18:10

Ary nanao ny antsapaka teo anatrehan’ny TOMPO tao Silao i Josoa ka nizara ny tany ho an’ny Israelita araka ny anjara tandrifin’ny fokony avy.