1Tantara 23:31 - DIEM PROTESTANTA

³¹ ary koa isaky ny misy sorona dorana manontolo atolotra ny TOMPO na amin’ny sabata na amin’ny andro voalohan’ny volana na amin’ny fankalazana hafa. Araka ny isa naraikitra hanaovana lalandava ireny raharaha ireny no hanatontosan’ny levita azy eo anatrehan’ny TOMPO.

Baiboly Protestanta Malagasy 2011

³¹ ary ny hanolotra ny fanatitra dorana manontolo rehetra ho an’NY TOMPO, na amin’ny Sabata, na amin’ny voaloham-bolana, na amin’ny fotoam-pivavahana hafa, dia araka ny isany avy, sy araka ny fanao voatendry hanaovana azy mandrakariva eo anatrehan’NY TOMPO.

Dikateny Iombonana Eto Madagasikara

³¹ ary koa isaky ny misy sorona dorana manontolo atolotra ny TOMPO na amin’ny sabata na amin’ny andro voalohan’ny volana na amin’ny fankalazana hafa. Araka ny isa naraikitra hanaovana lalandava ireny raharaha ireny no hanatontosan’ny levita azy eo anatrehan’ny TOMPO.

Baiboly Katolika

³¹ sy hanatitra ny sorona dorana rehetra amin’i Iaveh, amin’ny andro sabata na amin’ny voalohan’ny volana, na amin’ny fety, araka ny isany voadidy hatao mandrakariva eo anatrehan’i Iaveh.

Baiboly Protestanta Malagasy

³¹ ary ny hanatitra ny fanatitra dorana rehetra ho an’i Jehovah–na amin’ny Sabata, na amin’ny voaloham-bolana, na amin’ny fotoam-pivavahana hafa–dia araka ny isany avy, sy araka ny fanao voatendry hanaovana azy mandrakariva eo anatrehan’i Jehovah.

Malagasy Bible

³¹ ary ny hanatitra ny fanatitra dorana rehetra ho an'i Jehovah na amin'ny Sabata, na amin'ny voaloham-bolana, na amin'ny fotoam-pivavahana hafa dia araka ny isany avy, sy araka ny fanao voatendry hanaovana azy mandrakariva eo anatrehan'i Jehovah.

La Bible en Malgache

³¹ ary ny hanolotra ny fanatitra dorana manontolo rehetra ho an’NY TOMPO, na amin’ny Sabata, na amin’ny voaloham-bolana, na amin’ny fotoam-pivavahana hafa, dia araka ny isany avy, sy araka ny fanao voatendry hanaovana azy mandrakariva eo anatrehan’NY TOMPO.

1Tantara 23:31 Rohy Ifampitohizana

2Mpanjaka 4:23

Fa hoy ny vadiny taminy: –Nahoana ianao no hankany aminy anio, nefa tsy fetin’ny tsinam-bolana na sabata akory ny andro? Hoy kosa ny navaliny: –Aza manahy ianao!

1Tantara 23:30

Adidin’ny levita ny mihoby sy midera ny TOMPO isa-marain-tsy hariva

2Tantara 24:14

Nony vitan’ireto mpisahana azy izany asa izany, dia nentiny teo anatrehan’ny mpanjaka sy i Jôiadà ny vola sisa ka nanaovana fanaka ho an’ny tranon’ny TOMPO, dia fanaka hanatontosana fanompoam-pivavahana sy hanoloran-tsorona, tsatokaty ary fanaka hafa volamena sy volafotsy. Ary nandritra ny andro rehetra niainan’i Jôiadà dia nisy mandrakariva sorona dorana manontolo natolotra tao an-tranon’ny TOMPO.

Levitikosy 23:24

mba hamepetra ny Israelita hoe: «Ny andro voalohan’ny volana fahafito dia ho andro fitsaharana ho anareo; hisy fanompoam-pivavahana hivorianareo amin’izany ka hihobianareo Ahy mba hahatsiarovako anareo.

Levitikosy 23:39

«Ny andro faha-15, amin’ny volana fahafito, rehefa voaangonareo ny vokatry ny tany, dia hanao fankalazana ianareo, ho fanajana Ahy TOMPO mandritra ny fito andro; ka ny andro voalohany sy fahavalo dia ho andro fitsaharana.

Nomery 10:10

Ary amin’ny andro fety sy ny andro fifaliana ary amin’ny andro voalohan’ny volana dia hotsofinareo ny trômpetra, rehefa manao sorona dorana manontolo sy sorom-pihavanana ianareo. Hataonareo izany ho fampahatsiarovana Ahy Andriamanitrareo hitsimbinako anareo. Izaho no TOMPO Andriamanitrareo.»

Kolosiana 2:16

Aza avela hisy olona hitsara anareo momba ny zava-pihinana sy ny zava-pisotro, na ny fombafomba fanao amin’ny fankalazana na amin’ny tsinambolana na amin’ny sabata.