1Tantara 23:28 - DIEM PROTESTANTA

²⁸ Manolo-tena izy ireo hobaikoin’ny taranak’i Aharôna ny amin’ny fanompoana ao an-tranon’ny TOMPO na momba ireo kianja aman’efitrano izany na momba ny fanadiovana ireo fitaovana masina rehetra. Ny raharaha mifandray amin’ny fanompoana ny tranon’Andriamanitra dia ireto:

Baiboly Protestanta Malagasy 2011

²⁸ Ary ny raharahany dia ny hanampy ny taranak’i Arona amin’ny fanompoana ao amin’ny tranon’NY TOMPO, amin’ireo kianja sy efitrano ary amin’ny fanadiovana ny zavatra masina rehetra sy ny fanompoana ao amin’ny tranon’Andriamanitra,

Dikateny Iombonana Eto Madagasikara

²⁸ Manolo-tena izy ireo hobaikoin’ny taranak’i Aharôna ny amin’ny fanompoana ao an-tranon’ny TOMPO na momba ireo kianja aman’efitrano izany na momba ny fanadiovana ireo fitaovana masina rehetra. Ny raharaha mifandray amin’ny fanompoana ny tranon’Andriamanitra dia ireto:

Baiboly Katolika

²⁸ Fa ny raharahany dia ny manolo-tena hoentin’ny taranak’i Aarôna, amin’ny fanompoana ao an-tranon’i Iaveh, ny amin’ny momba ny kianja aman’efitrano, ny fanadiovana ny zavatra masina, ary ny raharaha momba ny fanompoana ao an-tranon’i Iaveh;

Baiboly Protestanta Malagasy

²⁸ Ary ny raharahany dia ny hanampy ny taranak’i Arona amin’ny fanompoana ao an-tranon’i Jehovah amin’ireo kianja sy efi-trano tao ary amin’ny fanadiovana ny zavatra masina rehetra sy ny fanompoana ao an-tranon’Andriamanitra,

Malagasy Bible

²⁸ Ary ny raharahany dia ny hanampy ny taranak'i Arona amin'ny fanompoana ao an-tranon'i Jehovah amin'ireo kianja sy efi-trano tao ary amin'ny fanadiovana ny zavatra masina rehetra sy ny fanompoana ao an-tranon'Andriamanitra,

La Bible en Malgache

²⁸ Ary ny raharahany dia ny hanampy ny taranak’i Arona amin’ny fanompoana ao amin’ny tranon’NY TOMPO, amin’ireo kianja sy efitrano ary amin’ny fanadiovana ny zavatra masina rehetra sy ny fanompoana ao amin’ny tranon’Andriamanitra,

1Tantara 23:28 Rohy Ifampitohizana

1Mpanjaka 6:5

Natsangana ny paosin-trano misy rihana roa izay niankina tamin’ny rindrina ivelan’ny efitrano malalaka sy ny efitrano anatiny.

1Tantara 18:17

i Benaià, zanakalahin’i Jôiadà, no lehiben’ny Keretita sy Peletita mpiambina ny mpanjaka; ary ireo zanakalahin’i Davida kosa dia mpiara-miasa akaiky amin’ny mpanjaka.

1Tantara 23:27

Araka ny faratenin’i Davida no nanisana ny levita, nanomboka hatreo amin’ny roapolo taona no ho miakatra.

1Tantara 23:29

mamboatra ny mofo apetraka eo anatrehan’Andriamanitra, manomana ny lafarinina tsara indrindra hatao fanatitra, mahandro ny mofo manify tsy misy leviora sy ny mofo endasina amin’ny lapoaly ary ny mofo hafa isan-karazany, manamarina ny famarana sy fandrefesana rehetra.

1Tantara 23:4

Ary hoy i Davida hoe: ny 24 000 amin’ireo ho tonian’ny asa fanorenana ny tranon’ny TOMPO; ny enina arivo ho mpitantsoratra sy ho mpitsara;

1Tantara 28:13

Nomeny azy ny amin’ny fitsinjarana ireo mpisorona sy levita ho antokony, ny amin’ny fanompoana rehetra ho fanao ao an-tranon’ny TOMPO ary ny amin’ny fanaka rehetra ho fampiasa ao.

2Tantara 23:4

Koa izao no hataonareo: ianareo mpisorona sy levita izay milatsaka amin’ny andro sabata, dia aoka ny ampahatelonareo ho mpiandry ny varavaran’ny tempoly,

2Tantara 23:6

Fa aza avela hisy hiditra ao an-tranon’ny TOMPO, afa-tsy ny mpisorona sy ny levita mpanao raharaha; ireo no hahazo miditra satria voatokana ho an’Andriamanitra; fa ny vahoaka rehetra dia hitandrina izay fepetra nasain’ny TOMPO hotandremana.

2Tantara 29:15

Dia namory ny mpiray tarika aminy avy izy ireo, ka samy nidio tena; avy eo dia niditra ny tranon’ny TOMPO mba hanadio izany, araka ny didin’ny mpanjaka mifototra amin’ny tenin’ny TOMPO.

2Tantara 29:5

ary nilazany hoe: –Henoinareo aho, ry taranak’i Levỳ! Ankehitriny midiova tena ianareo, diovy koa ny tranon’ny TOMPO Andriamanitry ny razanareo, ary esory amin’ny Toeramasina ny zavatra maloto ara-pivavahana.

2Tantara 31:11

Dia efitrano fitahirizan-javatra no nasain’i Hezekià namboarina tao an-tranon’ny TOMPO; ka rehefa voavoatra izany,

2Tantara 31:2

Najoron’i Hezekià indray ny antokon’ny mpisorona sy ny levita; ary ankoatra ny fitsinjarana azy araka ny antokony, dia teo koa ny fitsinjarana azy araka ny fanompoany avy. Tao anatin’ireo kianjan’ny tranon’ny TOMPO manko dia nisy mpisorona sy levita nisahana ny sorona dorana manontolo, nisy nisahana ny sorom-pihavanana, ary nisy nisahana ny fanompoam-pivavahana isaorana sy iderana ny Tompo.

Ezra 8:29

Koa tandremo tsara ireo mandra-pahatonga any Jerosalema, ary lanjao eo anatrehan’ny lohandohany amin’ny mpisorona sy levita ary eo anatrehan’ny loham-pianakaviana, ao amin’ny efitrano fanaovana izany ao an-tranon’ny TOMPO.

Nehemia 11:24

I Petahià, zanakalahin’i Mesezabela sady anisan’ny terak’i Zera zanakalahin’i Joda, dia teo anilan’ny amperôra mba hiandraikitra ny raharaha rehetra momba ny vahoaka israelita.

Nehemia 13:9

Ary nasaiko nodiovin’ny olona ilay efitrano, dia naveriko tao indray ny fanaky ny tranon’Andriamanitra mbamin’ny fanatitra vokatry ny tany sy ny ditin-kazo manitra.

Jeremia 35:4

Nampidiriko tao amin’ny efitra iray tao an-tranon’ny TOMPO izy, dia tao amin’ny efitra voatokana ho an’ny mpianatr’i Hanàna, izay lehilahy masina sady zanakalahin’i Jigdalià. Io efitra io dia teo akaikin’ilay efitranon’ireo lehibe ary teo ambonin’ny an’i Mahaseià, zanakalahin’i Salòma izay mpisorona miambina ny varavarana fidirana amin’ny tempoly.

Ezekiela 40:17

Dia nentin-dralehilahy tao anatin’ny kianja ivelan’ny tempoly aho. Io kianja io dia voarakotra lampivato ary voahodidina efitrano telopolo.

Ezekiela 41:26

Ary ny rindrina eo an-daniny roa amin’ny lalantsara fidirana dia nahitana varavaran-kely misy karakara vy sy sarin-drofia voasokitra.

Ezekiela 42:13

Ary hoy ralehilahy tamiko: «Ireo efitrano avaratra sy efitrano atsimo izay manoloana ny kianja ireo dia efitrano voatokana. Ao amin’ireo efitrano ireo manko ny mpisorona izay manatona ny TOMPO no mihinana ny zava-masina indrindra. Eny, voatokana io faritra io, ka ao no ametrahana ny zava-masina indrindra, dia ireo fanatitra vokatry ny tany sy ireo biby natao sorona ho fanalana ny ota sy ho fanonerana.

Ezekiela 42:3

ny lafiny anankiray dia nanatrika ny toera-malalaka izay misy velarana folo metatra teo amin’ny kianja anatiny; ny lafiny tao am-badika kosa dia nanatrika ny lampivato teo amin’ny kianja ivelany. Nisy lalantsara mirihana telo tao anatin’io orin-trano io.

Ezekiela 44:14

Ny hany hampisahaniko azy dia ny anjara raharahany ao an-tempoly momba ireo fanompoana rehetra sy fanao rehetra ao.»