1Tantara 22:9 - DIEM PROTESTANTA

⁹ Fa indro hisy zazalahy haterakao, izay ho olona tia fandriampahalemana sady homeko fandriampahalemana eo anoloan’ny fahavalo rehetra manodidina azy. Ny anarany manko hatao hoe Salômôna –izany hoe ‹tia fiadanana› –ary homeko fiadanana sy fandriampahalemana i Israely amin’ny andro hanjakany.

Baiboly Protestanta Malagasy 2011

⁹ Fa indro, ianao dia hiteraka zazalahy, izay ho lehilahy miadana, ary hampiadaniko; tsy hisy hahazo azy ny fahavalony rehetra manodidina; koa ny anarany dia hatao hoe Solomona; hampiadaniko sy hampandriako fehizay ny Israely amin’ny androny.

Dikateny Iombonana Eto Madagasikara

⁹ Fa indro hisy zazalahy haterakao, izay ho olona tia fandriampahalemana sady homeko fandriampahalemana eo anoloan’ny fahavalo rehetra manodidina azy. Ny anarany manko hatao hoe Salômôna –izany hoe ‹tia fiadanana› –ary homeko fiadanana sy fandriampahalemana i Israely amin’ny andro hanjakany.

Baiboly Katolika

⁹ Fa indro hisy zazalahy haterakao, izay ho lehilahy miadana, homeko fandriam-pahalemana, eo anatrehan’ny fahavalo manodidina azy, fa hatao hoe Salômôna no anarany, ary homeko fandriam-pahalemana sy fiadanana i Israely amin’ny androny.

Baiboly Protestanta Malagasy

⁹ Fa, indro, hianao hiteraka zazalahy, izay ho lehilahy miadana, ary hampiadaniko tsy hisy hahazo azy ny fahavalony rehetra manodidina; koa ny anarany dia hatao hoe Solomona; ary hampiadaniko sy hampandriko fahizay ny Isiraely amin’ny androny.

Malagasy Bible

⁹ Fa, indro, ianao hiteraka zazalahy, izay ho lehilahy miadana, ary hampiadaniko tsy hisy hahazo azy ny fahavalony rehetra manodidina; koa ny anarany dia hatao hoe Solomona; ary hampiadaniko sy hampandriko fahizay ny Isiraely amin'ny androny.

La Bible en Malgache

⁹ Fa indro, ianao dia hiteraka zazalahy, izay ho lehilahy miadana, ary hampiadaniko; tsy hisy hahazo azy ny fahavalony rehetra manodidina; koa ny anarany dia hatao hoe Solomona; hampiadaniko sy hampandriako fehizay ny Israely amin’ny androny.

1Tantara 22:9 Rohy Ifampitohizana

1Mpanjaka 1:13

Mankanesa any amin’i Davida mpanjaka ka lazao aminy hoe: «Moa tsy efa nianiana tamiko va ianao, ry andriamanjaka, fa i Salômôna zanako lahy no hanjaka handimby anao ka hipetraka eo amin’ny sezafiandriananao. Koa nahoana no i Adônià indray no tonga mpanjaka?»

1Mpanjaka 2:15

Dia hoy izy: –Fantatrao fa ahy ny fanjakana, ary i Israely iray manontolo no efa nitodika tamiko mba hampanjaka ahy; kanjo dia tafahodina ny fanjakana ka lasan’ny rahalahiko, satria izay no sitrapon’ny TOMPO.

1Mpanjaka 3:7

Ankehitriny, ry TOMPO Andriamanitro ô, efa nampanjaka ahy mpanomponao handimby an’i Davida raiko Ianao, kanefa izaho dia mbola tanora loatra ka tsy mahay mitondra akory.

1Mpanjaka 4:20

Ary ny mponin’i Joda sy i Israely dia marobe tahaka ny fasika amoron-dranomasina. Nanan-kohanina sy hosotroina ireo ka niaina finaritra.

1Mpanjaka 5:4

Fa nanapaka ny faritany manontolo any atsimo andrefan’ny ony Eofrata, hatreo Tifsà ka hatrany Gazà i Salômôna, dia tamin’ny mpanjaka rehetra tatỳ atsimo andrefan’ny Ony; ary tsara fihavanana tamin’ireo firenena rehetra nanodidina azy izy.

1Mpanjaka 8:56

«Hisaorana anie ny TOMPO Izay nanome fiadanana ny Israelita vahoakany araka izay rehetra nolazainy; fa tanterany antsipiriany avokoa ny teny soa nampilazainy an’i Mosesy mpanompony.

1Tantara 17:11

Ary rehefa tapitra ny andronao ka lasa any amin’ny razanao ianao, dia hatsangako handimby anao ny anankiray amin’ireo zanakalahy naterakao ka haoriko mafy ny fanjakany.

1Tantara 22:18

–Tsy miaraka aminareo ve ny TOMPO Andriamanitra? Nomeny fandriampahalemana eo amin’ny manodidina rehetra ianareo, nony natolony ho ambany fifehezako ny mponina taloha tamin’ity tany efa resy teo anoloan’ny TOMPO sy teo anoloan’ny vahoakany ity.

2Tantara 6:15

Efa notanterahinao tamin’i Davida raiko sady mpanomponao ny zavatra nampanantenainao azy; eny, izay voalazanao dia notontosainao araka izao hita anio izao.

Joba 34:29

Raha mangina Andriamanitra, zovy no hanameloka Azy? Raha manafin-tava Izy, zovy no hahita Azy? Kanefa miahy ireo firenena sy ny olombelona rehetra Izy

Salamo 72:1

Tao amin’ny tahirin-kiran’i Salômôna. Andriamanitra ô, omeo ny mpanjaka izany fahaizanao mitsara; omeo ity taranak’andriana izany fitandroanao ny rariny.

Salamo 72:7

Amin’ny androny anie dia hamony ny rariny ary hiroborobo mandavantaona ny fiadanana!

Isaia 26:12

TOMPO ô, Ianao no manome anay ny fiadanana ary Ianao koa no mahatomombana ho anay ny asa rehetra nataonay.

Isaia 45:7

Izaho no mamorona ny mazava sy mahary ny maizina. Izaho no manome fahasambarana sy mahary ny loza. Izaho TOMPO no manao izany rehetra izany.

Isaia 57:19

dia horakora-pifaliana no hataoko eo amin’ny molony. Ka hoy AHO hoe: Fiadanana ho an’izay lavitra, fiadanana ho an’izay akaiky! Eny, hanasitrana ny vahoakako Aho.»

Isaia 66:12

Fa izao tokoa no lazain’ny TOMPO: «Indro hotarihiko hankao Jerosalema ny fiadanana ka hihanaka toy ny ony; ny haren’ny firenen-kafa hotarihiko hankao ka ho tondraka toy ny renirano. Hikarakara fatratra anareo Aho toy ny ataon-dreny mampinono ny zanany ka mitondra azy eo an-trotroany sy mandrotsirotsy azy eo am-pofoany.

Hagay 2:9

Ny famirapiratan’ity trano ity dia ho lehibe mihoatra noho ny tany aloha; ary eto amin’ity toerana ity, hoy AHO, no hanomezako anareo fiadanana. Izany no fampanantenana avy amiko TOMPOn’izao rehetra izao.

Mpitsara 6:24

Ary nanorina alitara ho an’ny TOMPO teo i Gidehôna, ka io toerana io dia nantsoiny hoe «Ny TOMPO manome fiadanana»; ary mandraka androany izany alitara izany dia mbola ao Hôfrà, tanànan’ny tarik’i Abihezera.