1Tantara 22:9 - Baiboly Protestanta Malagasy 2011

⁹ Fa indro, ianao dia hiteraka zazalahy, izay ho lehilahy miadana, ary hampiadaniko; tsy hisy hahazo azy ny fahavalony rehetra manodidina; koa ny anarany dia hatao hoe Solomona; hampiadaniko sy hampandriako fehizay ny Israely amin’ny androny.

DIEM PROTESTANTA

⁹ Fa indro hisy zazalahy haterakao, izay ho olona tia fandriampahalemana sady homeko fandriampahalemana eo anoloan’ny fahavalo rehetra manodidina azy. Ny anarany manko hatao hoe Salômôna –izany hoe ‹tia fiadanana› –ary homeko fiadanana sy fandriampahalemana i Israely amin’ny andro hanjakany.

Dikateny Iombonana Eto Madagasikara

⁹ Fa indro hisy zazalahy haterakao, izay ho olona tia fandriampahalemana sady homeko fandriampahalemana eo anoloan’ny fahavalo rehetra manodidina azy. Ny anarany manko hatao hoe Salômôna –izany hoe ‹tia fiadanana› –ary homeko fiadanana sy fandriampahalemana i Israely amin’ny andro hanjakany.

Baiboly Katolika

⁹ Fa indro hisy zazalahy haterakao, izay ho lehilahy miadana, homeko fandriam-pahalemana, eo anatrehan’ny fahavalo manodidina azy, fa hatao hoe Salômôna no anarany, ary homeko fandriam-pahalemana sy fiadanana i Israely amin’ny androny.

Baiboly Protestanta Malagasy

⁹ Fa, indro, hianao hiteraka zazalahy, izay ho lehilahy miadana, ary hampiadaniko tsy hisy hahazo azy ny fahavalony rehetra manodidina; koa ny anarany dia hatao hoe Solomona; ary hampiadaniko sy hampandriko fahizay ny Isiraely amin’ny androny.

Malagasy Bible

⁹ Fa, indro, ianao hiteraka zazalahy, izay ho lehilahy miadana, ary hampiadaniko tsy hisy hahazo azy ny fahavalony rehetra manodidina; koa ny anarany dia hatao hoe Solomona; ary hampiadaniko sy hampandriko fahizay ny Isiraely amin'ny androny.

La Bible en Malgache

⁹ Fa indro, ianao dia hiteraka zazalahy, izay ho lehilahy miadana, ary hampiadaniko; tsy hisy hahazo azy ny fahavalony rehetra manodidina; koa ny anarany dia hatao hoe Solomona; hampiadaniko sy hampandriako fehizay ny Israely amin’ny androny.

1Tantara 22:9 Rohy Ifampitohizana

1Mpanjaka 1:13

Mandehana mankao amin’i Davida mpanjaka ka lazao aminy hoe: Tsy nianiana tamiko mpanompovavinao va ianao, ry mpanjaka tompoko hoe: I Solomona zanakao lahy no hanjaka handimby ahy, ary izy no hipetraka eo amin’ny sezafiandrianako? Koa nahoana no i Adonia indray no tonga mpanjaka?

1Mpanjaka 2:15

Dia hoy izy: Ianao dia mahalala fa voatendry ho ahy ny fanjakana, ary ny Israely rehetra dia efa niandrandra ahy hanjaka, kanjo tafahodina ny fanjakana ka lasan’ny rahalahiko, fa azony avy tamin’NY TOMPO izany.

1Mpanjaka 3:7

Koa ankehitriny, ry TOMPO Andriamanitro ô, Ianao efa nampanjaka ahy mpanomponao handimby an’i Davida raiko; nefa izaho moa mbola zaza ihany ka tsy fantatro akory izay tokony hataoko.

1Mpanjaka 4:20

Ny Joda sy ny Israely moa dia tena maro ka tahaka ny fasika amoron-dranomasina ny hamarony. Nihinana sy nisotro ny olona sady nifaly.

1Mpanjaka 5:4

Fa nanapaka tamin’ny tany rehetra atỳ andafin’ny ony Eofrata, hatrany Tifsa ka hatrany Gaza izy, dia tamin’ny mpanjaka rehetra etỳ andafin’ny ony Eofrata; ary tsara fihavanana tamin’ireo rehetra manodidina izy ka notoavin’ireny.

1Mpanjaka 8:56

Isaorana anie NY TOMPO, izay nanome fitsaharana ho an’ny Israely olony araka izay rehetra nolazainy! Tsy misy latsaka na dia teny iray aza tamin’izay teny soa rehetra nampilazainy an’i Mosesy mpanompony.

1Tantara 17:11

Ary rehefa tapitra ny andronao ka lasa any amin’ny razanao ianao dia hatsangako handimby anao ny iray amin’ny taranakao, izay isan’ny terakao, ary hampitoeriko mafy ny fanjakany.

1Tantara 22:18

Tsy momba anareo va NY TOMPO Andriamanitrareo ka efa nampiadana anareo amin’ny manodidina? Fa efa natolony teo an-tanako ny mponina amin’ny tany; ary ny tany dia efa resy teo anoloan’NY TOMPO sy teo anoloan’ny olony.

2Tantara 6:15

sady efa nahatanteraka tamin’i Davida raiko mpanomponao izay nolazainao taminy; fa nolazain’ny vavanao izany, dia notanterahin’ny tananao tahaka ny amin’izao anio izao.

Joba 34:29

Raha mangina Izy, iza no hahay hanameloka Azy? Raha manafin-tava Izy, iza no hahajery Azy? Nefa Izy dia mijery ny firenena na ny olona tsirairay

Salamo 72:1

Andriamanitra ô, omeo ny mpanjaka ny fitsaranao ary omeo ny zanaky ny mpanjaka ny fahamarinanao!

Salamo 72:7

Ny marina dia hitrebona amin’ny androny ary ho be ny fiadanana mandra-paha tsy hisy volana intsony.

Isaia 26:12

TOMPO ô, manorina fiadanana ho anay Ianao; fa ny asanay rehetra dia tanterahinao ho anay.

Isaia 45:7

dia Izaho izay mamorona ny mazava sy mahary ny maizina, manao ny fiadanana sy mahary ny loza; Izaho TOMPO no manao izany rehetra izany.

Isaia 57:19

Izaho no mahary ny vokatry ny molotra. Fiadanana, fiadanana ho an’izay lavitra sy ho an’izay akaiky, hoy NY TOMPO! Hahasitrana azy Aho!

Isaia 66:12

Fa izao no lazain’NY TOMPO: Indro, hitarihako fiadanana tahaka ny ony izy ary ny voninahitry ny firenena, ho tahaka ny renirano tondraka. Hampinonoana ianareo; ary hosakelehina ianareo sady horotsirotsina eo ambony lohalika.

Hagay 2:9

Ny voninahitr’ity trano ity amin’ny ho avy dia ho lehibe noho ny tany aloha, hoy Andriamanitra, Tompon’izao rehetra izao; ary eto amin’ity toerana ity no hanomezako fiadanana, hoy Andriamanitra, Tompon’izao rehetra izao.

Mpitsara 6:24

Ary nanorina alitara teo ho an’NY TOMPO i Gideona, ary ny anarany dia nataony hoe Adonay-Shalom, na: NY TOMPO dia fiadanana. Mbola ao Ofran’ilay Abiezerita izany mandraka androany.