1Tantara 21:8 - DIEM PROTESTANTA

⁸ Ary hoy i Davida tamin’Andriamanitra: –Efa nanao fahotana lehibe aho tamin’izao nataoko izao. Koa ankehitriny, mifona aminao aho mpanomponao, mba avelao ny heloko fa efa nanao fahadalana lehibe tokoa aho!

Baiboly Protestanta Malagasy 2011

⁸ Ary hoy i Davida tamin’Andriamanitra: Efa nanota be aho tamin’izao nataoko izao! Koa ankehitriny, mifona aminao aho, esory ny heloky ny mpanomponao, fa efa nanao hadalana lehibe tokoa aho.

Dikateny Iombonana Eto Madagasikara

⁸ Ary hoy i Davida tamin’Andriamanitra: –Efa nanao fahotana lehibe aho tamin’izao nataoko izao. Koa ankehitriny, mifona aminao aho mpanomponao, mba avelao ny heloko fa efa nanao fahadalana lehibe tokoa aho!

Baiboly Katolika

⁸ Dia hoy i Davida tamin’Andriamanitra: «Efa nanao fahotana lehibe aho tamin’izao nataoko izao, koa ankehitriny mifona aminao aho, esory ny heloky ny mpanomponao, fa tena nanao toy ny adala tokoa aho.»

Baiboly Protestanta Malagasy

⁸ Ary hoy Davida tamin’Andriamanitra; Efa nanota indrindra aho tamin’izao nataoko izao; koa ankehitriny, mifona aminao aho, esory ny heloky ny mpanomponao, fa efa nanao fahadalana lehibe tokoa aho.

Malagasy Bible

⁸ Ary hoy Davida tamin'Andriamanitra; Efa nanota indrindra aho tamin'izao nataoko izao; koa ankehitriny, mifona aminao aho, esory ny heloky ny mpanomponao, fa efa nanao fahadalana lehibe tokoa aho.

La Bible en Malgache

⁸ Ary hoy i Davida tamin’Andriamanitra: Efa nanota be aho tamin’izao nataoko izao! Koa ankehitriny, mifona aminao aho, esory ny heloky ny mpanomponao, fa efa nanao hadalana lehibe tokoa aho.

1Tantara 21:8 Rohy Ifampitohizana

Genesisy 34:7

Nony tonga avy tany an-tsaha ireo zanakalahin’i Jakôba ka nandre ny vaovao, dia nahatsiaro ny tenany ho afa-baràka sady nirehi-pahatezerana mafy, satria zava-pady ny nandrian’i Sekema an-keriny tamin’ny zanakavavin’i Jakôba; fa zavatra tsy fanao izany tao Israely.

2Samoela 12:13

Dia hoy i Davida tamin’i Natàna: –Nanota tamin’ny TOMPO aho. Ary hoy kosa i Natàna tamin’i Davida: –Ny TOMPO efa namela ny helokao, ka tsy ho faty ianao.

2Samoela 13:13

Ny amiko, hoentiko mankaiza moa ny henatro? Fa ianao koa dia ho tahaka ny iray amin’ny adala eto Israely. Mitenena re amin’ny mpanjaka fa tsy handa ny hanambadianao ahy izy.

2Samoela 24:10

Nahatsiaro ny tenany ho meloka i Davida taorian’ilay fanisam-bahoaka; ka hoy izy tamin’ny TOMPO: –Fahotana lehibe no vitako tamin’izao nataoko izao. Koa ankehitriny mifona aminao aho, TOMPO ô, mba avelao ny heloko fa efa nanao fahadalana lehibe tokoa aho.

1Tantara 21:7

Tsy sitrak’Andriamanitra izany zavatra izany, ka nasiany mafy i Israely.

2Tantara 10:9

ka nanontaniany hoe: –Inona kosa no mba hevitra omenareo havalintsika ny vahoaka izay niangavy ahy hanamaivana ny zioga nampiantsorohan-draiko azy?

Salamo 25:11

TOMPO ô, mba ho voninahitrao, dia avelao ny heloko na lehibe aza.

Salamo 32:5

Koa dia naborako taminao ny otako ary tsy nafeniko Anao ny hadisoako. Hoy aho hoe: «Meloka aho, TOMPO ô, ka tsy maintsy hiaiky izany aminao.» Tamin’izay dia nafahanao ny otako. Fiatoana

Jeremia 3:13

Kanefa aoka hiaiky heloka ianao fa nikomy tamiko TOMPO Andriamanitrao: nivezivezy nanaraka ireo andriamani-kafa ianao teny am-pototry ny hazo maitso rehetra teny fa tsy nihaino ny feoko: teny hentitra avy amiko TOMPO izany.

Hosea 14:2

Ry Israelita ô, mba miverena amin’ny TOMPO Andriamanitrareo, fa ny helokareo no nahalavo anareo.

Jaona 1:29

Nony ampitso, dia nahita an’i Jesoa avy nanatona azy i Jôhany ka hoy izy: –Indro ny Zanakondrin’Andriamanitra, Ilay manala ny fahotan’izao tontolo izao!

1Jaona 1:9

Fa raha miaiky ny fahotantsika isika, dia mitana ny toky nomeny Andriamanitra sady miantra, ka hamela ny fahotantsika sy hanadio antsika ho afaka amin’ny ratsy isan-karazany.

1Samoela 13:13

Ary hoy i Samoela tamin’i Saoly: –Nanaonao foana tahaka ny olona adala ianao! Tsy notandremanao akory ny didy nomen’ny TOMPO Andriamanitrao anao. Fa raha mba nataonao anefa izany, dia ho nampanjakain’ny TOMPO mandrakizay tamin’i Israely ianao sy ny taranakao.

1Samoela 26:21

Hoy kosa i Saoly hoe: –Nanota tokoa aho, koa miverena, ry Davida zanako; fa tsy hanisy ratsy anao intsony aho, satria sarobidy taminao ny aiko androany. Nitondra tena toy ny adala aho, ka mahatsiaro ho diso tokoa.