1Tantara 13:12 - DIEM PROTESTANTA

¹² Natahotra an’Andriamanitra i Davida tamin’izany andro izany ka nanao hoe: –Fomba ahoana no hitondrako ho atỳ amiko ny Vatamasin’Andriamanitra?

Baiboly Protestanta Malagasy 2011

¹² Ary natahotra an’Andriamanitra i Davida tamin’izany andro izany ka nilaza hoe: Amin’ny fomba ahoana no hitondrako ny vata misy ny faneken’Andriamanitra ho atỳ amiko?

Dikateny Iombonana Eto Madagasikara

¹² Natahotra an’Andriamanitra i Davida tamin’izany andro izany ka nanao hoe: –Fomba ahoana no hitondrako ho atỳ amiko ny Vatamasin’Andriamanitra?

Baiboly Katolika

¹² Natahotra an’Andriamanitra i Davida tamin’izay andro izay, ka nanao hoe: «Hataoko ahoana no fampiditra ny fiaran’Andriamanitra ho ao amiko?»

Baiboly Protestanta Malagasy

¹² Ary Davida natahotra an’Andriamanitra tamin’izany andro izany ka nanao hoe: Nahoana aho no hitondra ny fiaran’Andriamanitra ho atỳ amiko?

Malagasy Bible

¹² Ary Davida natahotra an'Andriamanitra tamin'izany andro izany ka nanao hoe: Nahoana aho no hitondra ny fiaran'Andriamanitra ho atỳ amiko?

La Bible en Malgache

¹² Ary natahotra an’Andriamanitra i Davida tamin’izany andro izany ka nilaza hoe: Amin’ny fomba ahoana no hitondrako ny vata misy ny faneken’Andriamanitra ho atỳ amiko?

1Tantara 13:12 Rohy Ifampitohizana

1Mpanjaka 8:27

«Nefa hety honina marina etỳ an-tany ve Ianao, Andriamanitra ô? Indro ny lanitra, na dia midadasika tokoa aza, tsy omby Anao; koa mainka fa ity tempoly izay nataoko ity.

1Tantara 13:11

Taitra i Davida satria tena namely mafy an’i Hozà ny TOMPO, koa io toerana io dia nantsoiny hoe «Peretsa-Hozà», ary mbola izany no fiantso azy mandraka androany.

1Tantara 13:13

Koa tsy nafindran’i Davida ho any aminy, any an-tanànan’i Davida, ny Vatamasina; fa naviliny kosa izany ho ao an-tranon’i Hôbeda-Edôma, lehilahy avy any Gata.

1Tantara 21:30

nefa tsy afaka nankany i Davida mba hanontany an’Andriamanitra, satria natahorany loatra ny sabatr’ilay anjelin’ny TOMPO.

Salamo 119:120

Mihorohoro ny nofoko noho ny aminao, fa atahorako tokoa ny fitsipikao.

Isaia 6:5

Dia hoy aho hoe: «Lozako, very aho satria olona maloto molotra sady eto amin’ny firenena maloto molotra no itoerako; kanefa ny Mpanjaka, ilay TOMPOn’izao rehetra izao, no hitan’ny masoko!»

Matio 25:24

Dia nanatona kosa ilay nandray denàry 6 000 ary nilaza hoe: «Fantatro, tompoko, fa lehilahy mila voatsiary ianao, ka mijinja amin’izay tsy namafazanao ary manangona amin’izay tsy nanelezanao.

1Samoela 6:20

Ary hoy ny mponin’i Betỳ-Semesy: –Iza no hahajanona eo anatrehan’io TOMPO Andriamanitra Masina io? Ary aiza no hampiakarantsika ny Vatamasiny hanalavitra antsika?