1Tantara 12:17 - DIEM PROTESTANTA

¹⁷ Nisy koa avy amin’ny fokon’i Benjamîna sy i Joda tonga hitady an’i Davida tao amin’ny toby fiarovana.

Baiboly Protestanta Malagasy 2011

¹⁷ Nandeha hitsena azy i Davida ka niteny taminy hoe: Raha fihavanana no iavianareo atỳ amiko hanampy ahy dia hikambana isika; fa raha avy hamadika ahy ho azon’ny fahavaloko kosa ianareo, nefa tsy mba nanao an-keriny ny tanako, dia Andriamanitry ny razantsika no hijery sy hamaly izany.

Dikateny Iombonana Eto Madagasikara

¹⁷ Nisy koa avy amin’ny fokon’i Benjamîna sy i Joda tonga hitady an’i Davida tao amin’ny toby fiarovana.

Baiboly Katolika

¹⁷ Nivoaka hitsena azy ireo i Davida sady niteny, nanao taminy hoe: «Raha hevi-pihavanana no ahatongavanareo atỳ amiko, mba hanampy ahy, dia hitongilana aminareo ny foko hikambanantsika; fa raha hamadika sy hanolotra ahy amin’ny fahavaloko kosa, nefa tsy misy an-keriny nataon’ny tanako, dia ny Andriamanitry ny razantsika no aoka hijery sy hamaly izany.»

Baiboly Protestanta Malagasy

¹⁷ Ary Davida nivoaka hitsena azy ka niteny taminy hoe: Raha fihavanana no ihavianareo atỳ amiko hanampy ahy, dia hikambana isika; fa raha avy hamadika ahy kosa hianareo ho azon’ny fahavaloko, nefa tsy mba nanao an-keriny ny tànako, dia Andriamanitry ny razantsika no hijery sy hamaly izany.

Malagasy Bible

¹⁷ Ary Davida nivoaka hitsena azy ka niteny taminy hoe: Raha fihavanana no ihavianareo atỳ amiko hanampy ahy, dia hikambana isika; fa raha avy hamadika ahy kosa ianareo ho azon'ny fahavaloko, nefa tsy mba nanao an-keriny ny tanako, dia Andriamanitry ny razantsika no hijery sy hamaly izany.

La Bible en Malgache

¹⁷ Nandeha hitsena azy i Davida ka niteny taminy hoe: Raha fihavanana no iavianareo atỳ amiko hanampy ahy dia hikambana isika; fa raha avy hamadika ahy ho azon’ny fahavaloko kosa ianareo, nefa tsy mba nanao an-keriny ny tanako, dia Andriamanitry ny razantsika no hijery sy hamaly izany.

1Tantara 12:17 Rohy Ifampitohizana

Genesisy 31:42

Raha tsy nomba ahy ny Andriamanitr’i Abrahama raibeko, ilay Andriamanitra nampihorohoro an’i Itsehàka, dia ho nalefanao nitondra tanam-polo aho ankehitriny. Fa nahita ny fijaliako sy ny hasasarako Andriamanitra ka nananatra anao halina.

Genesisy 31:53

Aoka Andriamanitr’i Abrahama sady Andriamanitr’i Nahôra no ho mpitsara antsika! Dia ilay Andriamanitra Izay nampihorohoro an’i Itsehàka rainy no nianianan’i Jakôba.

1Mpanjaka 2:13

Indray andro dia nankany amin’i Baty-Seba renin’i Salômôna i Adônià zanakalahin’i Hagita. Ary hoy ravehivavy taminy: –Hitondra fihavanana va no ahatongavanao? Ka novaliany hoe: –Eny!

2Mpanjaka 10:15

Rehefa niala teo i Jehò, dia nahita an’i Jônadaba zanakalahin’i Rekaba izay tamy nanatona azy. Ary noarahabain’i Jehò izy ka nitenenany hoe: –Mba mahitsy fo amiko tahaka ny tenako aminao koa ve ianao? Ary hoy ny navalin’i Jônadaba: –Eny. Dia hoy i Jehò: –Raha izany àry, dia aoka isika hifandray tanana. Dia nifandray tanana izy roa lahy. Ary nampiakarin’i Jehò teo amin’ny kalesiny i Jônadaba

2Mpanjaka 9:22

Raha vao nahita an’i Jehò i Jôrama, dia nanontany azy hoe: –Fihavanana ve no ahatongavanao, ry Jehò? Fa hoy ny navaliny: –Tsy hisy fihavanana, raha mbola manompo ireo andriamani-tsiizy sy manao majika i Jezebela reninao.

1Tantara 12:16

Izy ireo no niampita an’i Jôrdàna tamin’ny volana voalohany amin’ny taona, raha iny mbola nihoatra iny avokoa ny morony, ka nampandositra ny mponina rehetra teny amin’ny lohasaha atsinanana sy andrefana.

1Tantara 12:18

Dia nivoaka hitsena azy i Davida ka nanao taminy hoe: –Raha fihavanana no ahatongavanareo atỳ amiko mba hanampy ahy, dia amin’ny foko tokoa no hikambanako aminareo; fa raha hamadika ahy kosa mba hanolotra ahy amin’ny fahavaloko, na tsy nanao an-keriny aza ny tanako, dia aoka ilay Andriamanitry ny razantsika no hijery sy hamaly anareo!

Salamo 7:6

dia aoka ny fahavaloko hanenjika ahy ka hahatratra ahy! Aoka hohoseny an-tany mbola velona aho, ka hotarihiny am-bovoka ny hajako! Fiatoana

Salamo 86:11

TOMPO ô, toroy ny lalanao aho mba handehanako araka ny fahamarinanao, ataovy tokam-po aho mba hankatò Anao.

Jeremia 32:39

Hataoko iray fo sy iray hevitra izy mba hanaja Ahy hatrany hatrany, hahasoa azy sy ny taranany mandimby azy.

Zakaria 3:2

Dia hoy ilay anjelin’ny TOMPO tamin’i Satàna: –Hanery anao hangina anie ny TOMPO; eny, hanery anao hangina anie ny TOMPO Izay efa nifidy an’i Jerosalema! Fa tsy toy ny forohana nalaina tamin’ny afo va i Josoa?

Asan’ny Apostoly 4:32

Iray fo sy fanahy tokoa ireo mpino marobe ary tsy nisy nilaza ny fananany ho azy samirery, fa niara-nanana ny zavatra rehetra.

1Korintiana 1:10

Ry havako, izao no iangaviako anareo amin’ny anaran’i Jesoa Kristy Tompontsika: mifanaraha ianareo rehetra, ary aza mifanao an-kolafiny; aoka hiray saina sy hevitra ianareo ka hivondrona tsara.

2Korintiana 13:11

Ary farany, ry havako, veloma finaritra ianareo! Miezaha ho tonga lafatra, mifampahereza, miraisa saina, mihavàna, dia homba anareo ilay Andriamanitra loharanon’ny fitiavana sy ny fiadanana.

Filipiana 1:27

Izao ihany: manàna fitondrantena mendrika ny Vaovao Mahafaly momba an’i Kristy. Ka amin’izany, tonga moa aho, dia hahita anareo; tsy tonga kosa, dia handre ny aminareo: ka ho fantatro fa miorina tsara amin’ny firaisam-panahy ianareo, sady miray fo miara-miezaka hampandroso ny finoana vokatry ny Vaovao Mahafaly.

1Petera 2:23

notevatevaina Izy, nefa tsy mba nanevateva; nijaly Izy, nefa tsy mba nandrahona, fa nanankin-tena tamin’Andriamanitra Izay mitsara ara-drariny;

Joda 1:9

Kanefa na i Mikaela arkanjely aza, raha niady tamin’ny devoly ka nifanditra momba ny fatin’i Mosesy, dia tsy sahy nanevateva nanameloka ny devoly fa nanao taminy hoe: «Aoka hofaizin’ny Tompo ianao!»

1Samoela 16:4

Narahin’i Samoela izay voalazan’ny TOMPO, ka dia tonga tany Betlehema izy. Ary ny loholona tao an-tanàna nirohotra nitsena azy ka nanao hoe: –Fiadanana ve no nahatongavanao?

1Samoela 18:1

Rehefa vita ny resak’i Saoly sy i Davida, dia voasinton’i Davida ny fon’i Jônatàna, fa tiany tahaka ny itiavany ny tenany i Davida.

1Samoela 18:3

Fa i Jônatàna kosa tia fatratra an’i Davida, ka nanao dinam-pisakaizana taminy.