Zakaria 7:11 - Baiboly Protestanta Malagasy

¹¹ Nefa tsy nety nihaino ireny, fa nampihemotra ny sorony, ary nataony lalodalovana ny sofiny mba tsy handre.

Baiboly Protestanta Malagasy 2011

¹¹ Nefa tsy nety nihaino ireny fa nampihemotra ny sorony ary nanentsin-tadìny izy mba tsy handre.

DIEM PROTESTANTA

¹¹ Kanefa tsy nety nihaino izany ny olona; fa nanainga soroka ho fandavana izy sady nanentsin-tadiny mba tsy handre.

Dikateny Iombonana Eto Madagasikara

¹¹ Kanefa tsy nety nihaino izany ny olona; fa nanainga soroka ho fandavana izy sady nanentsin-tadiny mba tsy handre.

Baiboly Katolika

¹¹ Tsy nety nihaino anefa izy ireo, fa nampiodina ny sorony sy nanamafy ny sofiny tsy hahare.

Malagasy Bible

¹¹ Nefa tsy nety nihaino ireny, fa nampihemotra ny sorony, ary nataony lalodalovana ny sofiny; mba tsy handre.

La Bible en Malgache

¹¹ Nefa tsy nety nihaino ireny fa nampihemotra ny sorony ary nanentsin-tadìny izy mba tsy handre.

Zakaria 7:11 Rohy Ifampitohizana

2Tantara 33:10

Ary Jehovah niteny tamin’i Manase sy ny vahoakany, nefa tsy nety nihaino izy.

Nehemia 9:17

ary nandà tsy nety nanaraka izany izy sady tsy nahatsiaro ny fahagagana izay nataonao teo aminy; fa nanamafy ny hatony izy ka niodina, dia nanendry mpitarika mba hiverenany ho any amin’ny fahandevozany; fa Andriamanitry ny famelan-keloka Hianao ka miantra sy mamindra fo, mahari-po sady be famindrampo, ka dia tsy nahafoy azy.

Nehemia 9:26

Kanefa nandà izy sady niodina taminao ary nanary ny lalànao teo ivohony, dia namono ny mpaminaninao, izay nananatra azy mafy hampiverenana azy ho aminao, ka nanao izay nampahasosotra indrindra izy.

Nehemia 9:29

Ary nananatra azy mafy Hianao hampiverenanao azy ho amin’ny lalànao; kanefa mbola niavonavona ihany izy ka tsy nihaino ny didinao, fa nanota ny fitsipikao (izay mahavelona ny olona mankatò azy) ka nampihemotra ny sorony sy nanamafy ny hatony ary tsy nety nihaino.

Eksodosy 10:3

Ary Mosesy sy Arona dia nankao amin’i Farao ka nanao taminy hoe: Izao no lazain’i Jehovah, Andriamanitry ny Hebreo: Mandra-pahoviana no handavanao tsy hanetry tena eo anatrehako? alefaso ny oloko mba hanompo Ahy.

Isaia 28:12

Izay nilazany hoe: Ity no fitsaharana, Ampitsaharo ny reraka, Ary ity no famelombelomana; Nefa tsy nety nihaino ireo.

Isaia 46:12

Mihainoa Ahy, hianareo madi-po, Izay lavitra ny fahamarinana:

Isaia 6:10

Ataovy adala ny fon’ity firenena ity, Ary ataovy lalodalovana ny sofiny, Ary ataovy mikimpy ny masony, Fandrao hahita ny masony, Sy handre ny sofiny, Ary hahalala ny fony, Dia hibebaka izy ka ho sitrana.

Isaia 65:12

Dia hotendreko ho voan’ny sabatra hianareo Ka hankohofina hovonoina avokoa, Satria niantso Aho, fa tsy namaly hianareo, Niteny Aho, fa tsy nihaino hianareo, Fa nanao izay ratsy eo imasoko, Ary izay tsy sitrako no nofidinareo.

Jeremia 11:10

Fa izy niverina nankamin’ny heloky ny razany, Izay tsy nety nihaino ny teniko, Ary lasa nanaraka andriamani-kafa izy ka nanompo azy; Ny taranak’Isiraely sy ny taranak’i Joda efa nivadika ny fanekeko, Izay nataoko tamin’ny razany.

Jeremia 13:10

Ity firenena ratsy ity, izay tsy mety mihaino ny teniko, Fa mandeha amin’ny ditry ny fony Ka manaraka andriamani-kafa Mba hotompoiny sy hiankohofany, Dia ho tahaka ity fehin-kibo ity, izay tsy azo atao na inona na inona intsony.

Jeremia 17:23

Nefa tsy nihevitra izy, na nanongilana ny sofiny, fa nanamafy ny hatony mba tsy hihaino na hino anatra.

Jeremia 17:27

Fa raha tsy mihaino Ahy kosa hianareo ka tsy manamasina ny andro Sabata, fa mitondra entana miditra amin’ny vavahadin’i Jerosalema ihany amin’ny andro Sabata, dia handrehitra afo tsy mety maty eo am-bavahadiny Aho handevonana ny tranobe eto Jerosalema.

Jeremia 19:15

Izao no lazain’i Jehovah, Tompon’ny maro, Andriamanitry ny Isiraely: Indro, hataoko mihatra amin’ity tanàna ity sy amin’ny zana-bohiny rehetra ny loza rehetra izay nolazaiko hatao aminy noho ny nanamafiany ny hatony tsy hihainoany ny teniko.

Jeremia 35:15

Nirahiko taminareo koa ny mpaminany mpanompoko rehetra,–eny, nifoha maraina koa Aho ka naniraka azy hanao hoe: Samia miala amin’ny làlanareo ratsy hianareo ankehitriny, ary ataovy tsara ny ataonareo, ary aza manaraka andriamani-kafa hanompo azy, dia honina amin’ny tany izay nomeko anareo sy ny razanareo hianareo nefa tsy nanongilana ny sofinareo na nihaino Ahy hianareo.

Jeremia 36:31

Ary hampijaliko izy mbamin’ny taranany sy ny mpanompony noho ny helony; ary hataoko mihatra aminy sy amin’ny mponina any Jerosalema ary amin’ny lehilahy amin’ny Joda ny loza rehetra izay nolazaiko hatao aminy, fa tsy nohenoiny.

Jeremia 42:21

Ary efa nambarako taminareo andro-any; nefa tsy nihaino ny feon’i Jehovah Andriamanitrareo hianareo ny amin’izay zavatra nanirahany ahy ho aminareo.

Jeremia 44:16

Raha ny amin’ilay teny voalazanao taminay tamin’ny anaran’i Jehovah, dia tsy hihaino anao izahay.

Jeremia 5:21

Henoy izao, ry firenena adala sady tsy manan-tsaina, Izay mana-maso, fa tsy mahita, Ary manan-tsofina, fa tsy mandre:

Jeremia 5:3

Jehovah ô, tsy mijery ny toe-panahy mahatoky va ny masonao? Namely azy Hianao, nefa tsy nahatsiaro naharary izy; Nandany azy Hianao, nefa tsy nety nino anatra izy; Nohamafisiny mihoatra noho ny harambato ny tarehiny, Tsy nety niverina izy.

Jeremia 7:24

Kanjo tsy nihaino izy na nanongilana ny sofiny, Fa nandeha tamin’ny fisainany sy ny ditry ny fo ratsiny ihany izy Dia niamboho, fa tsy mba nanatrika.

Jeremia 7:26

Nefa tsy nihaino Ahy izy ireo Sady tsy nanongilana ny sofiny, Fa nanamafy ny hatony Ka nanao ratsy mihoatra noho ny razany aza.

Jeremia 8:5

Nahoana ity firenena eto Jerosalema ity no miodina Amin’ny fiodinana tsy mety mitsahatra? Mikikitra mafy amin’ny fitaka izy Ka tsy mety miverina.

Ezekiela 14:5

mba hisamborako ny taranak’Isiraely amin’ny fony, satria efa nihemotra niala tamiko izy rehetra noho ny sampiny.

Ezekiela 3:7

Fa ny taranak’Isiraely dia tsy mety mihaino anao, satria tsy mety mihaino Ahy izy; fa ny taranak’Isiraely rehetra dia mafy handrina sady madi-po.

Ezekiela 5:6

Ary nanao ditra tsy nanaraka ny fitsipiko sy ny didiko izy, fa nanao ratsy mihoatra noho ny jentilisa sy ny tany manodidina azy; eny, nanao ditra tsy nanaraka ny fitsipiko sy ny didiko izy ka tsy nandeha araka izany.

Daniela 9:5

efa nanota izahay sady nanao meloka ary nanao ratsy sy niodina, eny, efa niala tamin’ny didinao sy ny fitsipikao izahay,

Hosea 4:16

Fa ny Isiraely dia maditra toy ny vantotr’ombivavy maditra; Ankehitriny dia handrasan’i Jehovah toy ny zanak’ondry eny amin’ny malalaka izy.

Zefania 3:2

Tsy nihaino ny feo izy, Na nino anatra; Jehovah tsy nitokiany, Andriamaniny tsy nohatoniny.

Zakaria 1:4

Aza mba toy ny razanareo, izay nantsoin’ny mpaminany fahiny hoe: Izao no lazain’i Jehovah, Tompon’ny maro: Mialà amin’ny làlanareo ratsy hianareo sy amin’ny ratsy fanaonareo; nefa tsy nitandrina izy, na nihaino Ahy, hoy Jehovah.

Matio 13:15

Fa efa adala ny fon’izao olona izao. Ary efa lalodalovana ny sofiny, Ary efa nakimpiny ny masony, Fandrao hahita ny masony, Sy handre ny sofiny, Ka hahalala ny fony, Dia hibebaka izy, Ka hahasitrana azy Aho’’ (Isa. 6.9,10).

Asan’ny Apostoly 7:51

Ry olona mafy hatoka sady tsy voafora fo sy sofina, hianareo manohitra ny Fanahy Masina mandrakariva; tahaka ny nataon’ny razanareo ihany no ataonareo koa.

Asan’ny Apostoly 7:57

Ary ny olona niantso tamin’ny feo mahery sady nanentsin-tadìny ka indray nirodona taminy,

Hebreo 12:25

Tandremo mba tsy holavinareo Izay miteny. Fa raha izy ireo tsy afa-nandositra tamin’ny nandavany ilay nilaza ny tenin’Andriamanitra taminy tetỳ ambonin’ny tany, mainka fa isika, raha mihodina miala amin’Ilay avy any an-danitra,