Nehemia 13:17 - Baiboly Protestanta Malagasy

¹⁷ Dia nifandahatra tamin’ireo manan-kaja amin’ny Joda aho ka nanao taminy hoe: Inona izao zava-dratsy ataonareo izao, no dia mandoto ny andro Sabata hianareo?

Baiboly Protestanta Malagasy 2011

¹⁷ Dia nifandahatra tamin’ireo olo-manankaja amin’ny Joda aho ka niteny taminy hoe: Inona izao zava-dratsy ataonareo izao no dia mandoto ny andro Sabata ianareo?

DIEM PROTESTANTA

¹⁷ Dia nifandahatra tamin’ireo loholon’i Joda aho ka nanao taminy hoe: –Inona izao zava-dratsy ataonareo izao, no dia tsy hajainareo ny andro sabata?

Dikateny Iombonana Eto Madagasikara

¹⁷ Dia nifandahatra tamin’ireo loholon’i Joda aho ka nanao taminy hoe: –Inona izao zava-dratsy ataonareo izao, no dia tsy hajainareo ny andro sabata?

Baiboly Katolika

¹⁷ Noteneniko mafy ny lehibe amin’i Jodà, nataoko hoe: «Inona izao zava-dratsy ataonareo mandoto ny andro sabata izao?

Malagasy Bible

¹⁷ Dia nifandahatra tamin'ireo manan-kaja amin'ny Joda aho ka nanao taminy hoe: Inona izao zava-dratsy ataonareo izao, no dia mandoto ny andro Sabata ianareo?

La Bible en Malgache

¹⁷ Dia nifandahatra tamin’ireo olo-manankaja amin’ny Joda aho ka niteny taminy hoe: Inona izao zava-dratsy ataonareo izao no dia mandoto ny andro Sabata ianareo?

Nehemia 13:17 Rohy Ifampitohizana

Nehemia 13:11

Dia nifandahatra tamin’ny mpanapaka aho ka nanao hoe: Nahoana no dia ilaozana ny tranon’Andriamanitra? Dia namory azy aho ka nametraka azy teo amin’ny toerany avy.

Nehemia 13:16

Ary nisy olona avy any Tyro nitoetra tao, izay nitondra hazandrano sy varotra samy hafa ka nivarotra tamin’ny taranak’i Joda sy tany Jerosalema tamin’ny Sabata.

Nehemia 13:25

Dia nifandahatra taminy aho ka nanozona azy ary namely ny sasany sy nandrompotra ny volony, dia nampianiana azy tamin’Andriamanitra hoe: Aza manome ny zanakareo-vavy ho vadin’ny zanani-lahy, ary aza maka ny zanani-vavy ho vadin’ny zanakareo-lahy, na ho vadinareo.

Nehemia 5:7

Ary nihevitra tao am-poko aho, ka dia nananatra mafy ny manan-kaja sy ny mpanapaka ka nanao taminy hoe: Samy mampanàna zavatra amin’ny rahalahinareo avy hianareo. Dia nanendry fiangonan-dehibe aho hitsarana azy.

Ohabolana 28:4

Izay mahafoy ny lalàna dia mandoka ny ratsy fanahy; Fa izay mitandrina ny lalàna dia mirehitra amin’ny fanoherana azy.

Isaia 1:10

Mandrenesa ny tenin’i Jehovah, ry mpitsaran’i Sodoma; Mihainoa ny lalàn’Andriamanitsika, ry vahoakan’i Gomora.

Jeremia 13:18

Lazao amin’ny andriamanjaka sy ny reniny hoe: Mitombena amin’ny tany; Fa ho afaka ny firavaka eo an-dohanareo, Dia ny satroboninahitrareo tsara tarehy.

Jeremia 5:5

Handeha ho any amin’ny lehibe aho lahy ka hiteny aminy; Fa ireny dia mahalala ny làlan’i Jehovah Sy ny fitsipik’Andriamaniny; Kanjo ireny koa aza dia samy efa nanapaka zioga Sy nanito fatorana.

Ezekiela 20:13

Kanjo niodina tamiko tany an-efitra ihany ny taranak’Isiraely, ka tsy nandeha araka ny didiko izy, fa nanamavo ny fitsipiko, izay mahavelona ny olona manaraka izany, ary nandoto dia nandoto ny Sabatako izy, dia hoy Izaho: Haidiko aminy any an-efitra ny fahatezerako hahalany ringana azy.

Levitikosy 19:17

Aza mankahala ny rahalahinao amin’ny fonao; mananara dia mananara ny namanao, mba tsy hahazoanao heloka noho ny aminy.

Mika 3:1

ARY hoy izaho: Masìna hianareo, mihainoa, ry loholon’i Jakoba, Sy hianareo mpanapaka ny taranak’Isiraely: Tsy anjara-raharahanareo va ny hahalala ny rariny?

Mika 3:9

Masìna hianareo, mihainoa izao, Ry loholon’ny taranak’i Jakoba, Sy ry mpanapaka ny taranak’Isiraely, Dia hianareo izay manao ny rariny ho fahavetavetana Sy mamadika ny hitsiny rehetra,