Matio 5:3 - Baiboly Protestanta Malagasy

³ Sambatra ny malahelo am-panahy; fa azy ny fanjakan’ny lanitra.

Baiboly Protestanta Malagasy 2011

³ Sambatra ny mahantra am-panahy, fa azy ny fanjakan’ny lanitra.

DIEM PROTESTANTA

³ –Sambatra izay miaiky ao am-po ho mahantra, fa azy ny Fanjakàn’ny lanitra!

Dikateny Iombonana Eto Madagasikara

³ –Sambatra izay miaiky ao am-po ho mahantra, fa azy ny Fanjakàn’ny lanitra!

Baiboly Katolika

³ «Sambatra ny mahantra am-panahy, fa azy ny fanjakan’ny lanitra.

Malagasy Bible

³ Sambatra ny malahelo am-panahy; fa azy ny fanjakan'ny lanitra.

La Bible en Malgache

³ Sambatra ny mahantra am-panahy, fa azy ny fanjakan’ny lanitra.

Matio 5:3 Rohy Ifampitohizana

2Tantara 33:12

Ary nony azom-pahoriana mafy izy, vao nifona tamin’i Jehovah Andriamaniny sady nanetry tena indrindra teo anatrehan’Andriamanitry ny razany

2Tantara 33:19

Ary koa, ny vavaka nataony sy ny naneken’Andriamanitra izany ary ny fahotany sy ny fahadisoany rehetra mbamin’ny fitoerana izay nanorenany fitoerana avo sy nananganany Aseraha sy sarin-javatra voasokitra, fony izy tsy mbola nanetry tena, indro, efa voasoratra ao amin’ny tenin’i Hozay izany.

2Tantara 33:23

ary tsy nanetry tena teo anatrehan’i Jehovah tahaka ny nataon’i Manase rainy izy, fa mainka nanota bebe kokoa aza.

2Tantara 34:27

satria nino anatra hianao ka nanetry tena teo anatrehan’Andriamanitra, raha nandre ny teniny ny amin’ity tanàna ity sy ny mponina eto,–eny, satria nanetry tena teo anatrehako hianao ka nandriatra ny fitafianao sady nitomany teo anatrehako, dia Izaho efa nihaino, hoy Jehovah.

2Tantara 7:14

raha ny oloko izay nantsoina amin’ny anarako ho avy hanetry tena ka hivavaka sy hitady ny tavako ary hiala amin’ny ratsy fanaony, dia hihaino any an-danitra Aho ka hamela ny helony ary hahasitrana ny taniny.

Joba 42:6

Koa dia miaiky sy mibebaka Eto amin’ny vovoka sy ny lavenona aho.

Salamo 1:1

SAMBATRA ny olona Izay tsy mandeha eo amin’ny fisainan’ny ratsy fanahy, Ary tsy mijanona eo amin’ny làlana falehan’ny mpanota, Ary tsy mipetraka eo amin’ny fipetrahan’ny mpaniratsira;

Salamo 112:1

HALELOIA. Sambatra ny olona izay matahotra an’i Jehovah Sady mankasitraka ny didiny indrindra.

Salamo 128:1

Fihirana fiakarana. SAMBATRA izay rehetra matahotra an’i Jehovah, Dia izay mandeha amin’ny làlany.

Salamo 146:5

Sambatra izay manana an’Andriamanitr’i Jakoba ho Mpanampy azy Sady manantena an’i Jehovah Andriamaniny,

Salamo 2:12

Manoroha ny Zanaka, fandrao ho tezitra Izy, ka ho very eny an-dàlana hianareo; Fa vetivety dia hirehitra ny fahatezerany. Sambatra izay rehetra mialoka aminy.

Salamo 34:18

Akaikin’izay manana fo mangorakoraka Jehovah Ary mamonjy izay torotoro fanahy.

Salamo 41:1

Ho an’ny mpiventy hira. Salamo nataon’i Davida. SAMBATRA izay mahatsiaro ny malahelo; Jehovah hamonjy azy amin’ny andro fahoriana.

Salamo 51:17

Ny fanatitra ho an’Andriamanitra dia fanahy torotoro; Ny fo torotoro sy mangorakoraka, Andriamanitra ô, tsy mba ataonao tsinontsinona.

Salamo 84:12

Jehovah, Tompon’ny maro, ô, Sambatra izay olona matoky Anao.

Ohabolana 16:19

Tsara ny malemy fanahy ao amin’izay manetry tena Noho ny mizara babo amin’izay miavonavona.

Ohabolana 29:23

Ny fiavonavonan’ny olona no hampietry azy; Fa hahazo voninahitra kosa ny manetry tena.

Ohabolana 8:32

Koa mihainoa ahy hianareo, anaka; Fa sambatra izay manaraka ny diako;

Isaia 30:18

Koa Jehovah dia mbola hiandry mandra-pamindrany fo aminareo, Ary mbola hitoetra any amin’ny avo Izy mandra-piantrany anareo; Fa Andriamanitry ny fahamarinana Jehovah; Sambatra izay rehetra miandry Azy.

Isaia 57:15

Fa izao no lazain’ny Iray avo sy manerinerina, Izay monina mandrakizay, Masina no anarany: Ao amin’ny fitoerana avo sy masina no onenako, Ary ao amin’ny torotoro fo sy ny manetry tena, Hamelombelona ny fanahin’ny manetry tena Sy hamelombelona ny fon’ny torotoro fo;

Isaia 61:1

NY Fanahin’i Jehovah Tompo no ato amiko, Satria Jehovah efa nanosotra Ahy hitory teny soa mahafaly amin’ny mpandefitra, Efa naniraka Ahy hahasitrana ny torotoro fo Izy, Ary hitory fanafahana amin’ny babo Sy hamoaka ny ao an-trano-maizina ho amin’ny mazava,

Isaia 66:2

Fa izao zavatra izao no nataon’ny tànako. Ka dia ary izao rehetra izao, hoy Jehovah; Nefa izao no olona hotsinjoviko, Dia izay malahelo sy torotoro fanahy Sady mangovitra noho ny teniko.

Mika 6:8

Ry olombelona, efa naseho anao izay tsara Sy izay ilain’i Jehovah aminao, Dia izao ihany: Ny hanao ny marina sy ny ho tia famindrampo Ary ny hanaraka an’Andriamanitrao amin’ny fanetren-tena.

Matio 11:25

Tamin’izany andro izany dia namaly Jesosy ka nanao hoe: Midera Anao Aho, Raiko, Tompon’ny lanitra sy ny tany, fa nafeninao tamin’ny hendry sy ny manan-tsaina izany zavatra izany ka nasehonao tamin’ny zaza madinika.

Matio 11:6

Ary sambatra izay tsy ho tafintohina noho ny amiko.

Matio 13:16

Fa sambatra ny masonareo, fa mahita, ary ny sofinareo, fa mandre.

Matio 19:14

Nefa Jesosy kosa nanao hoe: Avelao ny zaza, ary aza rarana tsy hanatona Ahy; fa an’ny toa azy ny fanjakan’ny lanitra.

Matio 24:46

Sambatra izany mpanompo izany, raha avy ny tompony ka hahita azy manao izany.

Matio 25:34

Ary amin’izany ny Mpanjaka dia hilaza amin’izay eo amin’ny ankavanany hoe: Avia hianareo izay notahin’ny Raiko, mandovà ny fanjakana izay voavoatra ho anareo hatrizay nanorenana izao tontolo izao;

Matio 3:2

Mibebaha hianareo; fa efa akaiky ny fanjakan’ny lanitra.

Matio 8:11

Ary lazaiko aminareo fa maro ny avy any atsinanana sy any andrefana no ho tonga ka hipetraka hiara-mihinana amin’i Abrahama sy Isaka ary Jakoba any amin’ny fanjakan’ny lanitra;

Marka 10:14

Nefa tezitra Jesosy, raha nahita izany, ka hoy Izy taminy: Avelao ny zaza hanatona Ahy, ary aza rarana; fa an’ny toa azy ny fanjakan’Andriamanitra.

Lioka 11:28

Fa Izy nanao hoe: Eny tokoa, kanefa mainka sambatra aza ny mihaino ny tenin’Andriamanitra ka mitandrina izany.

Lioka 18:14

Lazaiko aminareo: Izany lehilahy izany nidina tany an-tranony efa nohamarinina noho ny anankiray; fa izay rehetra manandra-tena no haetry, ary izay rehetra manetry tena no hasandratra.

Lioka 22:29

koa Izaho dia manendry fanjakana ho anareo tahaka ny nanendren’ny Raiko ho Ahy,

Lioka 22:30

mba hihinana sy hisotro eo amin’ny latabatro amin’ny fanjakako hianareo sady hipetraka ambony seza fiandrianana hitsara ny firenen’Isiraely roa ambin’ny folo.

Lioka 4:18

,,Ny Fanahin’i Jehovah no ato amiko, Satria nanosotra Ahy hitory teny soa mahafaly amin’ny malahelo Izy; Naniraka Ahy hitory fandefasana amin’ny mpifatotra Izy, Sy fampahiratana amin’ny jamba, Hanafaka izay nampahorina,

Jaona 20:29

Hoy Jesosy taminy: Satria nahita Ahy hianao, dia nino; sambatra kosa izay tsy nahita, nefa nino.

Deoteronomia 8:2

Ary tsarovy ny làlana rehetra izay nitondran’i Jehovah Andriamanitrao anao tany an-efitra izao efo-polo taona izao, hampanetry tena anao sy hizaha toetra anao ary hahalala izay ao amponao, na hitandrina ny didiny hianao, na tsia.

Jakoba 1:10

fa ny manan-karena kosa ny fietreny, satria ho levona tahaka ny vonin’ny ahitra izy.

Jakoba 1:12

Sambatra izay olona maharitra fakam-panahy; fa rehefa voazaha toetra izy, dia handray ny satroboninahitra fiainana, izay nolazain’ny Tompo homena izay tia Azy.

Jakoba 2:5

Mihainoa, ry rahalahy malalako: Tsy efa nofidin’Andriamanitra va ny malahelo amin’izao fiainana izao ho mpanan-karena amin’ny finoana sy ho mpandova ny fanjakana nolazainy homena izay tia Azy?

Apokalipsy 19:9

Ary hoy koa izy tamiko: Soraty: Sambatra izay nantsoina ho amin’ny fanasana fampakaram-badin’ny Zanak’ondry. Fa hoy izy tamiko: Ireo dia teny marin’Andriamanitra.

Apokalipsy 22:14

Sambatra izay manasa ny akanjony, mba hananany fahefana amin’ny hazon’aina sy hidirany amin’ny vavahady ho ao an-tanàna.

Apokalipsy 3:17

fa hoy hianao: Manan-karena sy efa nihary fananana be aho ka tsy manan-java-mahory; kanjo tsy fantatrao fa hianao no ilay ory sy mahantra sy malahelo sy jamba ary mitanjaka;