Matio 11:29 - Baiboly Protestanta Malagasy

²⁹ Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an’ny fanahinareo hianareo.

Baiboly Protestanta Malagasy 2011

²⁹ Ento ny ziogako ka mianara amiko; fa malemy fanahy sady tsy miavona am-po Aho; dia hahita fitsaharana ho an’ny fanahinareo ianareo.

DIEM PROTESTANTA

²⁹ Raiso ny fampianarako ary mianara amiko fa malemy fanahy sady tsy miavona am-po Aho; ary dia hahita fialan-tsasatra ao anatinareo ianareo.

Dikateny Iombonana Eto Madagasikara

²⁹ Raiso ny fampianarako ary mianara amiko fa malemy fanahy sady tsy miavona am-po Aho; ary dia hahita fialan-tsasatra ao anatinareo ianareo.

Baiboly Katolika

²⁹ Ento ny jiogako, ary mianara amiko, fa malemy fanahy sy manetry tena ao am-po Aho, dia hahita fiadanana ho an’ny fanahinareo ianareo;

Malagasy Bible

²⁹ Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo ianareo.

La Bible en Malgache

²⁹ Ento ny ziogako ka mianara amiko; fa malemy fanahy sady tsy miavona am-po Aho; dia hahita fitsaharana ho an’ny fanahinareo ianareo.

Matio 11:29 Rohy Ifampitohizana

2Tantara 10:11

koa raha nampitondra zioga mavesatra anareo ny raiko, izaho kosa dia mainka hanampy ny zioga ho entinareo; kotopia no namaizan’ny raiko anareo, fa maingoka fikapohana kosa no hamaizako anareo.

Salamo 116:7

Miverena ho amin’ny fitsaharanao, ry fanahiko, Fa Jehovah efa nanisy soa anao,

Salamo 131:1

Fihirana fiakarana. Nataon’i Davida. JEHOVAH ô, tsy nirehareha ny foko, ary tsy niandranandrana ny masoko; Ary tsy nisaintsaina izay zavatra ambony loatra aho, Na izay saro-pantarina tsy takatro.

Ohabolana 3:17

Làlana mahafinaritra ny làlany, Ary fiadanana ny alehany rehetra.

Isaia 28:12

Izay nilazany hoe: Ity no fitsaharana, Ampitsaharo ny reraka, Ary ity no famelombelomana; Nefa tsy nety nihaino ireo.

Isaia 29:19

Ny mpandefitra hitombo hafaliana amin’i Jehovah; Ary ny malahelo ao amin’ny olona hifaly amin’ny Iray Masin’ny Isiraely,

Jeremia 6:16

Izao no lazain’i Jehovah: Mijanòna eo an-dàlana hianareo, ka izahao, Ary anontanio izay làlana masaka hatry ny ela. Dia izay làlana mankany amin’ny tsara, Ka iny no izory, Dia hahita fitsaharana ho an’ny fanahinareo hianareo; Nefa hoy izy: Tsy hizotra izahay.

Zakaria 9:9

Mifalia indrindra, ry Ziona zanakavavy; Manaova feo fifaliana, ry Jerosalema zanakavavy; Indro, ny Mpanjakanao avy ho anao; Marina Izy sady manam-pamonjena, Malemy fanahy sady mitaingina boriky Dia zana-boriky tanora.

Nomery 12:3

Ary Mosesy dia lehilahy nalemy fanahy mihoatra noho ny olona rehetra atỳ ambonin’ny tany.

Matio 17:5

Raha mbola niteny izy, indro, nisy rahona mazava nanarona azy ireo; ary, injao, nisy feo avy tao amin’ny rahona nanao hoe: Ity no Zanako malalako Izay sitrako; Izy no henoy.

Matio 21:5

,,Lazao amin’i Ziona zanakavavy; Indro, ny Mpanjakanao avy ho anao, Malemy fanahy sady mitaingina boriky, Dia zanaky ny boriky miasa’’ (Zak. 9.9).

Matio 28:20

sady mampianatra azy hitandrina izay rehetra nandidikao anareo; ary, indro, Izaho momba anareo mandrakariva ambara-pahatongan’ny fahataperan’izao tontolo izao.

Matio 7:24

Koa amin’izany na zovy na zovy no mandre izany teniko izany ka mankatò azy, dia hoharina amin’ny lehilahy manan-tsaina izy, izay nanorina ny tranony teo ambonin’ny vatolampy.

Lioka 8:35

Dia nivoaka ny olona mba hizaha izany natao izany; ary tonga tany amin’i Jesosy izy, dia nahita an-dralehilahy, izay efa nivoahan’ny demonia, fa indro izy nipetraka teo anilan’ny tongotr’i Jesosy nitafy lamba sady ary saina; dia raiki-tahotra ireo.

Jaona 13:15

Fianarana no nomeko anareo, mba hanaovanareo araka izay nataoko taminareo.

Jaona 13:17

Raha fantatrareo izany, dia sambatra hianareo, raha manao izany.

Asan’ny Apostoly 7:37

Izany no Mosesy ilay nilaza tamin’ny Zanak’Isiraely hoe: ,,Mpaminany no hatsangan’Andriamanitra ho anareo avy amin’ny rahalahinareo, tahaka ahy’’ (Deo. 18.15).

1Korintiana 9:21

tamin’izay tsy manana lalàna, dia toy izay tsy manana lalàna aho (kanefa tsy mba olona tsy manana lalàna amin’Andriamanitra aho, fa ambanin’ny lalàn’i Kristy), mba hahazoako izay tsy manana lalàna;

2Korintiana 10:1

ARY ny tenako, izaho Paoly, dia mananatra anareo amin’ny hamoram-panahy sy ny fandeferan’i Kristy, dia izaho, izay manetry tena, hono, raha eo anatrehanareo, fa sahy aminareo kosa raha tsy eo.

2Korintiana 10:5

fa mandrava ny fisainana sy ny zavatra avo rehetra izay atsangana hanohitra ny fahalalana an’Andriamanitra izahay ka mamabo ny hevitra rehetra hanaiky an’i Kristy,

Filipiana 2:5

Aoka ho ao aminareo izao saina izao, izay tao amin’i Kristy Jesosy koa,

1Tesaloniana 4:2

Fa fantatrareo ny didy nomenay anareo avy tamin’i Jesosy Tompo.

2Tesaloniana 1:8

amin’ny afo midedadeda, hamaly izay tsy mahalala an’Andriamanitra sy izay tsy manaiky ny filazantsaran’i Jesosy Tompontsika,

Hebreo 5:9

ary rehefa natao tanteraka Izy, dia tonga loharanon’ny famonjena mandrakizay ho an’izay rehetra manaraka Azy,

1Jaona 2:6

Izay milaza fa mitoetra ao aminy izy, dia tsy maintsy mandeha toy izay nandehanany koa.