Levitikosy 26:13 - Baiboly Protestanta Malagasy

¹³ Izaho no Jehovah Andriamanitrareo, Izay nitondra anareo nivoaka avy tany amin’ny tany Egypta, mba tsy ho andevony hianareo; ary nanapaka ny zioga izay teo aminareo Aho ka nampandeha anareo mijoro.

Baiboly Protestanta Malagasy 2011

¹³ Izaho no TOMPO Andriamanitrareo izay nitondra anareo nivoaka avy tany amin’ny tany Ejipta mba tsy ho andevony ianareo; ary nanapaka ny zioga izay teo aminareo Aho ka nampandeha anareo mitraka.

DIEM PROTESTANTA

¹³ Izaho no TOMPO Andriamanitrareo, Ilay namoaka anareo hiala tany Ejipta mba tsy hanandevozany anareo intsony; notapahiko ny zioga izay teo aminareo mba hitrakanareo fandeha.

Dikateny Iombonana Eto Madagasikara

¹³ Izaho no TOMPO Andriamanitrareo, Ilay namoaka anareo hiala tany Ejipta mba tsy hanandevozany anareo intsony; notapahiko ny zioga izay teo aminareo mba hitrakanareo fandeha.

Baiboly Katolika

¹³ Izaho no Iaveh Andriamanitrareo izay namoaka anareo hiala any amin’ny tany Ejipta, mba tsy ho andevo any intsony; nanapaka ny baran’ny jioganareo Aho, dia nandefa anareo handeha misolanandrana.»

Malagasy Bible

¹³ Izaho no Jehovah Andriamanitrareo, Izay nitondra anareo nivoaka avy tany amin'ny tany Egypta, mba tsy ho andevony ianareo; ary nanapaka ny zioga izay teo aminareo Aho ka nampandeha anareo mijoro,

La Bible en Malgache

¹³ Izaho no TOMPO Andriamanitrareo izay nitondra anareo nivoaka avy tany amin’ny tany Ejipta mba tsy ho andevony ianareo; ary nanapaka ny zioga izay teo aminareo Aho ka nampandeha anareo mitraka.

Levitikosy 26:13 Rohy Ifampitohizana

Salamo 116:16

Indrisy! Jehovah ô, mpanomponao tokoa aho, Eny, mpanomponao sady zanaky ny ankizivavinao; Namaha ny fatorako Hianao.

Eksodosy 14:8

Ary Jehovah nanamafy ny fon’i Farao, mpanjakan’i Egypta, dia nanenjika ny Zanak’Isiraely izy, na dia tamin’ny tànana avo aza no nivoahany.

Eksodosy 20:2

Izaho no Jehovah Andriamanitrao, Izay nitondra anao nivoaka avy tany amin’ny tany Egypta, tamin’ny trano nahandevozana.

Eksodosy 6:7

Dia halaiko ho Ahy hianareo ho oloko, ary ho Andriamanitrareo Aho; dia ho fantatrareo fa Izaho no Jehovah Andriamanitrareo, Izay mitondra anareo mivoaka ho afaka amin’ny fanompoana mafy ampanaovin’ny Egyptiana anareo.

Isaia 51:23

Fa hataoko eo an-tànan’izay mampahory anao kosa,– Dia izay efa nilaza taminao hoe: Miankohofa mba hohitsahinay, Ka dia nataonao ho tahaka ny tany ny tenanao Sy ho tahaka ny làlambe ho an’izay mandeha eo.

Isaia 9:3

Fa ny bao fitondran-entany Sy ny tsorakazo nikapohana ny lamosiny, Izay tsorakazon’ny mpampiasa azy, Dia tapahinao tahaka ny tamin’ny andro namelezana ny Midiana.

Jeremia 2:20

Fa hatramin’ny ela no efa nanapahanao ny zioga taminao Sy efa nanitosanao ny fatoranao, Ka hoy hianao: Tsy hety hanompo aho; Nefa teny amin’ny havoana andrandraina Sy teny ambanin’ny hazo maitso rehetra No nandrianao nijangajanganao.

Jeremia 28:2

Izao no lazain’i Jehovah, Tompon’ny maro, Andriamanitry ny Isiraely: Efa notapahiko ny ziogan’ny mpanjakan’i Babylona,

Jeremia 28:4

ary Jekonia, zanak’i Joiakima, mpanjakan’ny Joda, mbamin’ny Joda voababo rehetra, izay lasa tany Babylona, dia hampodiko ho amin’ity tanàna ity, hoy Jehovah; fa hotapahiko ny ziogan’ny mpanjakan’i Babylona.

Ezekiela 30:18

Any Tapanesa dia ho maizina ny andro, Raha tapahiko any ny ziogan’i Egypta, Ary hitsahatra ny fiavonavonan’ny heriny; Ho voasaron’ny rahona izy, Sady ho lasan-ko babo ny zanani-vavy.

Ezekiela 34:27

Ary hamoa ny hazo any an-tsaha, sady hahavokatra ny tany, ary handry fahizay amin’ny tany izy; ka dia ho fantany fa Izaho no Jehovah, raha hotapahiko ny ziogany, ary hovonjeko amin’ny tànan’izay nampanompo azy izy.

Hosea 11:4

Tamin’ny kofehy fitarihana olona no nitarihako azy, dia tamin’ny mahazakan’ny fitiavana; Ary efa toy izay manainga ny fehim-bava eo ambonin’ny valanoranony Aho Ka nanolo-kanina azy tsimoramora.

Levitikosy 25:38

Izaho no Jehovah Andriamanitrareo, Izay nitondra anareo nivoaka avy tany amin’ny tany Egypta, hanome anareo ny tany Kanana, mba ho Andriamanitrareo.

Levitikosy 25:42

Fa mpanompoko izay nentiko nivoaka avy tany amin’ny tany Egypta izy ka tsy hamidy tahaka ny andevo.

Levitikosy 25:55

Fa mpanompoko ny Zanak’Isiraely, dia mpanompoko izay nentiko nivoaka avy tany amin’ny tany Egypta: Izaho no Jehovah Andriamanitrareo.

Nahoma 1:13

Fa ankehitriny hotapahiko ny ziogany ho afaka aminao, Ary hotosako ny famatorana anao.