Levitikosy 19:15 - Baiboly Protestanta Malagasy

¹⁵ Aza manao izay tsy marina amin’ny fitsarana; aza miandany foana amin’ny malahelo, na menamaso ny lehibe; fahamarinana no hitsaranao ny namanao.

Baiboly Protestanta Malagasy 2011

¹⁵ Aza manao izay tsy marina amin’ny fitsarana; aza miandany foana amin’ny mahantra, na mena-maso ny lehibe; fahamarinana no hitsaranao ny namanao.

DIEM PROTESTANTA

¹⁵ «Aza manao izay tsy marina amin’ny fitsarana: ny mahantra, aza ananana tombom-pitia; ny lehibe, aza ananana hena-maso; fa ara-drariny no aoka hitsaranareo ny mpiray firenena aminareo.

Dikateny Iombonana Eto Madagasikara

¹⁵ «Aza manao izay tsy marina amin’ny fitsarana: ny mahantra, aza ananana tombom-pitia; ny lehibe, aza ananana hena-maso; fa ara-drariny no aoka hitsaranareo ny mpiray firenena aminareo.

Baiboly Katolika

¹⁵ Aza manao ny tsy rariny amin’ny fitsarana: ny mahantra aza ananana tombom-pitia, ny manan-karena aza ananana fankasitrahana, fa ny rariny ihany no hitsaranao ny namanao.

Malagasy Bible

¹⁵ Aza manao izay tsy marina amin'ny fitsarana; aza miandany foana amin'ny malahelo, na mena-maso ny lehibe; fahamarinana no hitsaranao ny namanao.

La Bible en Malgache

¹⁵ Aza manao izay tsy marina amin’ny fitsarana; aza miandany foana amin’ny mahantra, na mena-maso ny lehibe; fahamarinana no hitsaranao ny namanao.

Levitikosy 19:15 Rohy Ifampitohizana

Joba 13:8

Hiangatra ho Azy va hianareo? Handaha-teny ho an’Andriamanitra va hianareo

Joba 32:21

Aoka tsy hizaha tavan’olona akory aho, Ary aoka tsy handrobo olona.

Joba 34:19

Dia Ilay tsy mizaha ny tavan’ny lehibe, Ary tsy manaja ny ambony mihoatra noho ny ambany, Satria samy asan’ny tànany avokoa izy rehetra.

Salamo 82:2

Mandra-pahoviana no hitsaranareo tsy marina, Ka ihenaranareo maso ny ratsy fanahy? [Sela.]

Eksodosy 18:21

Ary mizahà eo amin’ny olona rehetra izay lehilahy mahay sy matahotra an’Andriamanitra, dia lehilahy marina izay tsy tia kolikoly; ka manendre mpifehy arivo sy mpifehy zato sy mpifehy dimam-polo ary mpifehy folo hifehy azy.

Ohabolana 18:5

Tsy mety raha manohana ny ratsy fanahy Handresy ny marina amin’ny fitsarana.

Ohabolana 24:23

Izao koa no tenin’ny hendry: Tsy mety raha mizaha tavan’olona amin’ny fitsarana.

Ohabolana 31:9

Sokafy ny vavanao, ka tsarao marina, Ary omeo rariny ny ory sy ny malahelo.

Levitikosy 19:35

Aza manao izay tsy marina amin’ny fitsarana, na amin’ny fandrefesana, na amin’ny fandanjana, na amin’ny famarana.

Jaona 7:24

Aza mitsara araka ny miseho, fa mba mitsarà marina.

Asan’ny Apostoly 23:3

Ary hoy Paoly taminy: Andriamanitra mba hamely anao, ry rafi-bato voalalotra fotsy; fa hianao va mipetraka hitsara ahy araka ny lalàna, nefa asainao kapohina tsy araka ny lalàna aho?

Deoteronomia 1:17

Aza mizaha tavan’olona amin’ny fitsarana, fa henoy ny kely toy ny lehibe; aza matahotra olona akory, fa an’Andriamanitra ny fitsarana; ary izay sarotra loatra aminareo dia ento etỳ amiko ka hohenoiko.

Deoteronomia 10:17

Fa Jehovah Andriamanitrareo no Andriamanitra Avo Indrindra sy Tompon’ny tompo, Andriamanitra lehibe sy mahery ary mahatahotra, Izay tsy mizaha tavan’olona, na mandray kolikoly;

Deoteronomia 16:19

Aza manao fitsarana miangatra, aza mizaha tavan’olona, ary aza mandray kolikoly; fa ny kolikoly mahajamba ny mason’ny hendry ary mamadika ny tenin’ny marina.

Deoteronomia 27:19

Hozonina izay manao fitsarana miangatra amin’ny vahiny sy ny kamboty ary ny mpitondratena. Ary ny vahoaka rehetra hanao hoe: Amena.