Levitikosy 19:15 - Baiboly Katolika

¹⁵ Aza manao ny tsy rariny amin’ny fitsarana: ny mahantra aza ananana tombom-pitia, ny manan-karena aza ananana fankasitrahana, fa ny rariny ihany no hitsaranao ny namanao.

Baiboly Protestanta Malagasy 2011

¹⁵ Aza manao izay tsy marina amin’ny fitsarana; aza miandany foana amin’ny mahantra, na mena-maso ny lehibe; fahamarinana no hitsaranao ny namanao.

DIEM PROTESTANTA

¹⁵ «Aza manao izay tsy marina amin’ny fitsarana: ny mahantra, aza ananana tombom-pitia; ny lehibe, aza ananana hena-maso; fa ara-drariny no aoka hitsaranareo ny mpiray firenena aminareo.

Dikateny Iombonana Eto Madagasikara

¹⁵ «Aza manao izay tsy marina amin’ny fitsarana: ny mahantra, aza ananana tombom-pitia; ny lehibe, aza ananana hena-maso; fa ara-drariny no aoka hitsaranareo ny mpiray firenena aminareo.

Baiboly Protestanta Malagasy

¹⁵ Aza manao izay tsy marina amin’ny fitsarana; aza miandany foana amin’ny malahelo, na menamaso ny lehibe; fahamarinana no hitsaranao ny namanao.

Malagasy Bible

¹⁵ Aza manao izay tsy marina amin'ny fitsarana; aza miandany foana amin'ny malahelo, na mena-maso ny lehibe; fahamarinana no hitsaranao ny namanao.

La Bible en Malgache

¹⁵ Aza manao izay tsy marina amin’ny fitsarana; aza miandany foana amin’ny mahantra, na mena-maso ny lehibe; fahamarinana no hitsaranao ny namanao.

Levitikosy 19:15 Rohy Ifampitohizana

Joba 13:8

Hizaha tavan’olona ianareo momba an’Andriamanitra sy hitsangana ho mpisolo vava?

Joba 32:21

Tsy mba hizaha tavan’olona aho, na handoka olona na iza na iza;

Joba 34:19

izay tsy mba mizaha tavan’olona amin’ny lehibe, ary tsy mijery ny manan-karena noho ny mahantra, satria samy asa tanany avokoa izy rehetra.

Salamo 82:2

Mandra-pahoviana no hanaovanareo fitsarana tsy marina?

Eksodosy 18:21

Ary ankehitriny dia ifidiano lehilahy mahay sy matahotra an’Andriamanitra, ao amin’ny vahoaka rehetra, lehilahy marina sy tsy tia kolikoly, ka ireny no atsangano ho tomponarivo sy tompon-jato, ary mpifehy dimampolo ama-mpifehy folo, hitondra azy ireo.

Ohabolana 18:5

Tsy mety raha ny ratsy fanahy indray no asian-draharaha, mba handresy ny marina amin’ny fitsarana.

Ohabolana 24:23

Izao manaraka izao no avy amin’ny hendry: Tsy mety ny mizaha tavan’olona amin’ny fitsarana.

Ohabolana 31:9

Sokafy ny vavanao, mamoaha fitsarana marina, ary omeo rariny ny ory sy ny mahantra.

Levitikosy 19:35

Aza manao ny tsy marina na amin’ny fitsarana na amin’ny fandrefesana, na amin’ny fandanjàna, na amin’ny famarana.

Jaona 7:24

Aza dia mitsara araka ny ivelany, fa mbà mitsara araka ny marina!»

Asan’ny Apostoly 23:3

ka hoy i Paoly: «Hokapohin’Andriamanitra tokoa ianao, ry rindrina voalalotra fotsy, fa mipetraka eto hitsara ahy araka ny Lalàna ianao, nefa mampamely tehamaina ahy tsy ara-dalàna.»

Deoteronomia 1:17

Aza mizaha tavan’olona amin’ny fitsarànareo; henoy toy ny lehibe ny kely; aza matahotra olona na iza na iza, fa an’Andriamanitra ny fitsarana; ary izay zavatra sarotra loatra aminareo, ento aty anatrehako ho henoko.

Deoteronomia 10:17

I Iaveh Andriamanitrareo no Andriamanitry ny andriamanitra, Tompon’ny tompo, Andriamanitra lehibe mahery sy mahatahotra, tsy mba mizaha tavan’olona, na mandray kolikoly,

Deoteronomia 16:19

Aza mampandefitra ny rariny, aza mizaha tavan’olona ary aza mandray kolikoly mahajamba ny mason’ny hendry sy mampivadika ny tenin’ny marina.

Deoteronomia 27:19

Aoka ho voaozona izay manao ny tsy an-drariny amin’ny vahiny sy ny kamboty ary ny mpitondratena. Ary ny vahoaka rehetra hanao hoe: Amen.