Josoa 4:19 - Baiboly Protestanta Malagasy

¹⁹ Ary ny olona niakatra niala teo Jordana tamin’ny andro fahafolo tamin’ny volana voalohany ka nitoby tany Gilgala, teo amin’ny sisin-tany atsinanan’i Jeriko.

Baiboly Protestanta Malagasy 2011

¹⁹ Tamin’ny andro fahafolo tamin’ny volana voalohany no niakatra niala teo Jordana ny olona ka nitoby tany Gilgala, teo amin’ny sisintany atsinanan’i Jeriko.

DIEM PROTESTANTA

¹⁹ Ny andro fahafolon’ny volana voalohany no nitàn’ny vahoaka israelita an’i Jôrdàna, ary nitobiany tao Gilgala teo atsinanan’i Jerikao.

Dikateny Iombonana Eto Madagasikara

¹⁹ Ny andro fahafolon’ny volana voalohany no nitàn’ny vahoaka israelita an’i Jôrdàna, ary nitobiany tao Gilgala teo atsinanan’i Jerikao.

Baiboly Katolika

¹⁹ Tamin’ny andro fahafolon’ny volana voalohany no niala teo Jordany ny vahoaka dia nitoby tao Galgalà, teo amin’ny sisin-tanin’i Jerikô farany atsinanana.

Malagasy Bible

¹⁹ Ary ny olona niakatra niala teo Jordana tamin'ny andro fahafolo tamin'ny volana voalohany ka nitoby tany Gilgala, teo amin'ny sisin-tany atsinanan'i Jeriko.

La Bible en Malgache

¹⁹ Tamin’ny andro fahafolo tamin’ny volana voalohany no niakatra niala teo Jordana ny olona ka nitoby tany Gilgala, teo amin’ny sisintany atsinanan’i Jeriko.

Josoa 4:19 Rohy Ifampitohizana

2Mpanjaka 2:1

ARY nony efa hampakarin’i Jehovah ho any an-danitra amin’ny tafio-drivotra Elia, dia niara-nandeha avy tany Gilgala izy sy Elisa.

Amosa 4:4

Mankanesa any Betela, ka manotà, Ary any Gilgala, ka manotà fatratra; Ento isa-maraina ny fanatitrareo alatsa-dra Ary isan-kateloana ny fahafolon-karenareo;

Amosa 5:5

Fa aza mitady an’i Betela, Na mankany Gilgala, Ary aza mandroso ho any Berisheba; Fa ho babo tokoa Gilgala, Ary Betela dia ho tonga tsinontsinona.

Mika 6:5

Ry oloko, mba tsarovy ny saina nataon’i Balaka, mpanjakan’i Moaba, Sy izay navalin’i Balama, zanak’i Beora, azy, Ary izay natao hatrany Sitima ka hatrany Gilgala, Hahafantaranareo ny asa marina nataon’i Jehovah.

Deoteronomia 1:3

Ary tamin’ny andro voalohany tamin’ny volana fahiraika ambin’ny folo tamin’ny taona fahefa-polo dia niteny tamin’ny Zanak’Isiraely Mosesy, araka izay rehetra efa nandidian’i Jehovah azy holazainy aminy,

Deoteronomia 11:30

Tsy any an-dafin’i Jordana va izy roa, any ankoatry ny làlana andrefana, amin’ny tanin’ny Kananita, izay monina eo amin’ny tani-hay tandrifin’i Gilgaly, eo anilan’ny hazo terebintan’i More?

Josoa 10:43

Dia niverina Josoa sy ny Isriaely rehetra teo aminy ho any an-toby tany Gilgala.

Josoa 10:6

Ary ny mponina tao Gibeona dia naniraka olona ho any amin’i Josoa teo an-toby tany Gilgala hanao hoe: Aza mampiketraka ny tànanao tsy hamonjy ny mpanomponao; miakara faingana ho atỳ aminay, ary vonjeo sy ampio izahay; fa miangona hamely anay ny mpanjaka rehetra amin’ny Amorita izay monina any amin’ny tany havoana.

Josoa 15:7

dia niakatra ho any Debira hatramin’ny lohasaha Akora ary nianavaratra manandrify an’i Gilgala tandrifin’ny fiakarana Adomina, izay eo atsimon’ny lohasahan-driaka, dia nandroso hatramin’ny rano Ensemesy ary nihatra tany En-rogela,

Josoa 24:11

Ary nita an’i Jordana hianareo ka nankany Jeriko; dia niady taminareo ny mponina tao Jeriko mbamin’ny Amorita sy ny Perizita sy ny Kananita sy ny Hetita sy ny Girgasita sy ny Hivita ary ny Jebosita, ka natolotro teo an-tànanareo ireny.

Josoa 4:18

Ary rehefa niakatra niala teo afovoan’i Jordana ka nanainga ny faladiany ho eo amin’ny tanety ireo mpisorona izay nitondra ny fiaran’ny faneken’i Jehovah ireo, dia avy indray ny rano Jordana nankamin’ny fitoerany ka nihoatra ny morony rehetra tahaka ny teo aloha ihany.

Josoa 5:10

Ary ny Zanak’Isiraely nitoby tany Gilgala ka nitandrina ny Paska tamin’ny harivan’ny andro fahefatra ambin’ny folo tamin’ny volana, teo amin’ny tani-hay any Jeriko.

Josoa 5:9

Dia hoy Jehovah tamin’i Josoa: An-droany no nanakodiavako ny fandatsan’i Egypta ho afaka aminareo. Ary ny anaran’izany tany izany dia nataony hoe Gilgala mandraka andro-any.

Josoa 9:6

Dia nankany amin’i Josoa teo an-toby tany Gilgala izy ireo ka niteny taminy sy tamin’ny Israelita nanao hoe: Avy any an-tany lavitra izahay; koa ankehitriny mba manaova fanekena aminay hianareo.

1Samoela 10:8

Ary hianao hidina eo alohako ho any Gilgala, ary indro aho hidina ho any aminao mba hanatitra fanatitra dorana sy fanati-pihavanana; ka hafitoana no hitoeranao mandra-pahatongako aminao, dia holazaiko aminao izay hataonao.

1Samoela 15:33

Fa hoy Samoela: Toy ny tsy nampananan’ny sabatrao zanaka ny vehivavy no tsy hananan’ny reninao zanaka kosa ao amin’ny vehivavy. Dia notetitetehin’i Samoela teo anatrehan’i Jehovah tao Gilgala Agaga.