Josoa 4:19 - Baiboly Protestanta Malagasy 2011

¹⁹ Tamin’ny andro fahafolo tamin’ny volana voalohany no niakatra niala teo Jordana ny olona ka nitoby tany Gilgala, teo amin’ny sisintany atsinanan’i Jeriko.

DIEM PROTESTANTA

¹⁹ Ny andro fahafolon’ny volana voalohany no nitàn’ny vahoaka israelita an’i Jôrdàna, ary nitobiany tao Gilgala teo atsinanan’i Jerikao.

Dikateny Iombonana Eto Madagasikara

¹⁹ Ny andro fahafolon’ny volana voalohany no nitàn’ny vahoaka israelita an’i Jôrdàna, ary nitobiany tao Gilgala teo atsinanan’i Jerikao.

Baiboly Katolika

¹⁹ Tamin’ny andro fahafolon’ny volana voalohany no niala teo Jordany ny vahoaka dia nitoby tao Galgalà, teo amin’ny sisin-tanin’i Jerikô farany atsinanana.

Baiboly Protestanta Malagasy

¹⁹ Ary ny olona niakatra niala teo Jordana tamin’ny andro fahafolo tamin’ny volana voalohany ka nitoby tany Gilgala, teo amin’ny sisin-tany atsinanan’i Jeriko.

Malagasy Bible

¹⁹ Ary ny olona niakatra niala teo Jordana tamin'ny andro fahafolo tamin'ny volana voalohany ka nitoby tany Gilgala, teo amin'ny sisin-tany atsinanan'i Jeriko.

La Bible en Malgache

¹⁹ Tamin’ny andro fahafolo tamin’ny volana voalohany no niakatra niala teo Jordana ny olona ka nitoby tany Gilgala, teo amin’ny sisintany atsinanan’i Jeriko.

Josoa 4:19 Rohy Ifampitohizana

2Mpanjaka 2:1

Nony efa hampiakarin’NY TOMPO any an-danitra amin’ny tafio-drivotra i Elia dia niara-nandeha avy tany Gilgala izy sy i Elisa.

Amosa 4:4

Mankanesa any Betela ka manotà! Ary any Gilgala ka manotà fatratra! Ento isa-maraina ny fanatitrareo alatsa-dra ary isan-kateloana ny fahafolonkarenanareo!

Amosa 5:5

Aza mitady any Betela na mankany Gilgala, ary aza mandroso ho any Bery-Sheba. Fa ho babo tokoa i Gilgala ary i Betela dia ho foana tanteraka.

Mika 6:5

Ry oloko, mba tsarovy ny saina nataon’i Balaka, mpanjakan’i Moaba, sy izay navalin’i Balama, zanak’i Beora, azy, ary izay natao hatrany Sitima ka hatrany Gilgala, hahafantaranareo ny asa marina nataon’NY TOMPO.

Deoteronomia 1:3

Tamin’ny andro voalohany tamin’ny volana fahiraika amby folo tamin’ny taona fahefapolo dia niteny tamin’ny Zanak’Israely i Mosesy, araka izay rehetra nandidian’NY TOMPO azy holazainy aminy,

Deoteronomia 11:30

Tsy any andafin’i Jordana va ireo tendrombohitra ireo, any ankoatra ny lalana andrefana, amin’ny tanin’ny Kananita, izay monina ao amin’ny tany ngazana tandrifin’i Gilgala, eo anilan’ny hazo terebintan’i More?

Josoa 10:43

Dia niverina ho any an-toby tany Gilgala i Josoa sy ny Israely rehetra niaraka taminy.

Josoa 10:6

Ary nandefa iraka ho any amin’i Josoa teo an-toby tany Gilgala ny mponina tao Gibeona mba hiteny hoe: Aza mampiketraka ny tananao tsy hamonjy ny mpanomponao; miakara haingana ho atỳ aminay ary vonjeo sy ampio izahay fa miangona hamely anay ny mpanjakan’ny Amorita rehetra izay monina any amin’ny tany havoana.

Josoa 15:7

niakatra ho any Debira hatramin’ny lohasaha Akora, nianavaratra manandrify an’i Gilgala tandrifin’ny fiakarana Adomima izay eo atsimon’ny lohasahan-driaka, nandroso hatrany amin’ny ranon’i Eny-Semesy, nihatra tany Eny-Rogela,

Josoa 24:11

Nita an’i Jordana ianareo ka nankany Jeriko; dia niady taminareo ny mponina tao Jeriko mbamin’ny Amorita, ny Perizita, ny Kananita, ny Hetita, ny Girgasita, ny Hivita ary ny Jebosita, ka natolotro teo an-tananareo ireny.

Josoa 4:18

Ary rehefa niakatra niala avy tao afovoan’i Jordana ireo mpisorona izay nitondra ny vata misy ny faneken’NY TOMPO ireo ka nanainga ny faladiany ho eo amin’ny tanety dia avy indray ny ranon’i Jordana nankamin’ny fitoerany ka nihoatra ny morony rehetra tahaka ny teo aloha ihany.

Josoa 5:10

Ary nitoby tany Gilgala ny Zanak’Israely ka nitandrina ny Paska teo amin’ny tany ngazana any Jeriko, tamin’ny harivan’ny andro fahefatra amby folo tamin’ny volana.

Josoa 5:9

Dia hoy NY TOMPO tamin’i Josoa: Androany no nanakodiavako ny fandatsan’i Ejipta ho afaka aminareo. Ary ny anaran’izany tany izany dia nataony hoe Gilgala mandraka androany.

Josoa 9:6

Dia nankany amin’i Josoa teo an-toby tany Gilgala izy ireo ka niteny taminy sy tamin’ny Israelita hoe: Avy any an-tany lavitra izahay; koa ankehitriny, mba manaova fanekena aminay ianareo.

1Samoela 10:8

Hidina eo alohako ho any Gilgala ianao, ary indro, hidina ho any aminao aho mba hanolotra fanatitra dorana manontolo sy fanati-pihavanana. Koa hafitoana no hiandrasanao mandra-pahatongako eo aminao, dia holazaiko anao izay hataonao.

1Samoela 15:33

Fa hoy i Samoela: Toy ny tsy nampananan’ny sabatrao zanaka ny vehivavy no tsy hananan’ny reninao zanaka kosa. Dia notetitetehin’i Samoela teo anatrehan’NY TOMPO tao Gilgala i Agaga.