Josoa 2:1 - Baiboly Protestanta Malagasy

¹ ARY Josoa, zanak’i Nona, dia naniraka mpisafo roa lahy mangingina avy tany Sitima ka niteny taminy hoe: Mandehana, izahao ny tany, indrindra fa Jeriko. Dia niainga izy roa lahy ary niditra tao an-tranon’ny vehivavy janga anankiray atao hoe Rahaba, ka nandry tao.

Baiboly Protestanta Malagasy 2011

¹ Ary naniraka mangingina mpisafo tany roa lahy avy tany Sitima i Josoa, zanak’i Nona, ka niteny taminy hoe: Mandehana zahao ny tany, indrindra fa i Jeriko. Dia niainga izy roa lahy ary niditra tao an-tranon’ny vehivavy janga iray antsoina hoe Rahaba ka nandry tao.

DIEM PROTESTANTA

¹ Ary i Josoa, zanakalahin’i Nona, dia nandefa mpitsikilo roa lahy mangingina avy tao an-tobin’i Sitima ka niteny taminy hoe: –Ndeha misafo ny tany ianareo, indrindra fa ny tanànan’i Jerikao. Nony tonga tao an-tanàna izy roa lahy, dia niditra tao an-tranon’ny vehivavy mpivaro-tena iray atao hoe Rahaba ka nandry tao.

Dikateny Iombonana Eto Madagasikara

¹ Ary i Josoa, zanakalahin’i Nona, dia nandefa mpitsikilo roa lahy mangingina avy tao an-tobin’i Sitima ka niteny taminy hoe: –Ndeha misafo ny tany ianareo, indrindra fa ny tanànan’i Jerikao. Nony tonga tao an-tanàna izy roa lahy, dia niditra tao an-tranon’ny vehivavy mpivaro-tena iray atao hoe Rahaba ka nandry tao.

Baiboly Katolika

¹ Nandefa mpisafo tany roalahy mangingina avy tany Setima i Jôsoe zanak’i Nona, nataony hoe: «Mandehana, zahao ny tany, sy i Jerikô.» Dia niainga izy roa lahy, ka tonga tao amin’ny tranon’ity vehivavy janga anankiray atao hoe Rahaba, ary nandry tao.

Malagasy Bible

¹ Ary Josoa, zanak'i Nona, dia naniraka mpisafo roa lahy mangingina avy tany Sitima ka niteny taminy hoe: Mandehana, izahao ny tany, indrindra fa Jeriko. Dia niainga izy roa lahy ary niditra tao an-tranon'ny vehivavy janga anankiray atao hoe Rahaba, ka nandry tao.

La Bible en Malgache

¹ Ary naniraka mangingina mpisafo tany roa lahy avy tany Sitima i Josoa, zanak’i Nona, ka niteny taminy hoe: Mandehana zahao ny tany, indrindra fa i Jeriko. Dia niainga izy roa lahy ary niditra tao an-tranon’ny vehivavy janga iray antsoina hoe Rahaba ka nandry tao.

Josoa 2:1 Rohy Ifampitohizana

Genesisy 42:16

Iraho ny anakiray aminareo, ary aoka izy haka ny zandrinareo, fa hianareo hafatotra, mba hofantarina ny teninareo, na marina na tsia; fa raha tsy izany, raha velona koa Farao, dia mpisafo tokoa hianareo.

Genesisy 42:9

Ary Josefa nahatsiaro ireo nofy nanofisany azy ka nanao taminy hoe: Mpisafo hianareo; hizaha ny fangadihadin’ny tany no nahatongavanareo.

Mika 6:5

Ry oloko, mba tsarovy ny saina nataon’i Balaka, mpanjakan’i Moaba, Sy izay navalin’i Balama, zanak’i Beora, azy, Ary izay natao hatrany Sitima ka hatrany Gilgala, Hahafantaranareo ny asa marina nataon’i Jehovah.

Nomery 13:1

ARY Jehovah niteny tamin’i Mosesy ka nanao hoe:

Nomery 13:2

Maniraha lehilahy vitsivitsy hisafo ny tany Kanana, izay omeko ho an’ny Zanak’Isiraely; dia lehilahy iray avy isam-pirazanany no hirahinareo, ka izay samy lohan’ny fireneny avy.

Nomery 25:1

ARY nitoetra tao Sitima ny Isiraely, dia niantomboka nijangajanga tamin’ny zanakavavin’ny Moabita izy.

Nomery 33:49

Ary nitoby teo amoron’i Jordana izy hatrany Beti-jesimota ka hatrany Abela-sitima, tao Arbota-moaba.

Matio 1:5

ary Salmona niteraka an’i Boaza tamin-dRahaba; ary Boaza niteraka an’i Obeda tamin-dRota; ary Obeda niteraka an’i Jese;

Matio 10:16

Indro, Izaho maniraka anareo ho tahaka ny ondry ao ampovoan’ny amboadia; koa hendre tahaka ny menarana, ary morà tahaka ny voromailala.

Efesiana 5:5

Fa fantatrareo marimarina fa samy tsy manana lova eo amin’ny fanjakan’i Kristy sy Andriamanitra na ny mpijangajanga rehetra, na ny olom-betaveta, na ny olona mierina (mpanompo sampy izany).

Hebreo 11:31

Finoana no tsy nahafaty an-dRahaba janga niaraka tamin’ny tsy nino, satria nandray ny mpisafo-tany tamin’ny fihavanana izy.

Jakoba 2:25

Ary toy izany koa Rahaba janga, tsy nohamarinina tamin’ny asa va izy tamin’ny nandraisany ireny iraka ireny sy ny nampandehanany azy tamin’ny làlan-kafa?

Josoa 1:18

Izay rehetra mandà ny didinao ka tsy mihaino ny teninao amin’izay rehetra andidianao azy dia hatao maty; koa mahereza sy matanjaha hianao.

Josoa 2:2

Ary nisy nilaza tamin’ny mpanjakan’i Jeriko hoe: Injao, misy olona avy tamin’ny Zanak’Isiraely tonga atỳ izao alina izao hisafo ny tany.

Josoa 21:31

ary Helkata sy ny tany manodidina azy ary Rehoba sy ny tany manodidina azy, dia tanàna efatra;

Josoa 3:1

DIA nifoha maraina koa Josoa; ary ny olona dia niala tany Sitima ka nankany Jordana, dia Josoa sy ny Zanak’Isiraely rehetra, ary nitoetra teo izy aloha vao nita.

Josoa 5:10

Ary ny Zanak’Isiraely nitoby tany Gilgala ka nitandrina ny Paska tamin’ny harivan’ny andro fahefatra ambin’ny folo tamin’ny volana, teo amin’ny tani-hay any Jeriko.

Mpitsara 1:23

Dia naniraka hisafo an’i Betela ny taranak’i Josefa (Lozy no anaran’ny tanàna taloha);

Mpitsara 18:14

Ary niteny izy dimy lahy, izay nandeha hisafo ny tany Laisy, ka nanao tamin’ ny rahalahiny hoe: Fantatrareo va fa ato amin’ireto trano ireto misy efoda sy terafima ary sarin-javatra voasokitra sy sarin-javatra an-idina? koa hevero izay hataonareo.

Mpitsara 18:17

Ary niakatra izy dimy lahy, izay nandeha hisafo ny tany, dia niditra ka naka ny sarin-javatra voasokitra sy ny efoda sy ny terafima ary ny sarin-javatra an-idina; ary ny mpisorona mbamin’ny enin-jato lahy efa voaomana tamin’ny fiadiany nijanona teo anoloan’ny vavahady.

Mpitsara 18:2

Ary ny taranak’i Dana naniraka dimy lahy nofantenany avy amin’ny fokony rehetra, dia lehilahy mahery, avy tany Zora sy Estaola, mba hisafo ny tany sy hizaha ny toetrany; ary hoy izy taminy: Mandehana izahao ny toetry ny tany. Ary tonga tany amin’ny tany havoan’i Efraima tao an-tranon’i Mika izy, dia nandry tao.