Josoa 11:6 - Baiboly Protestanta Malagasy

⁶ Dia hoy Jehovah tamin’i Josoa: Aza matahotra azy; fa rahampitso toy izao Izaho dia hanolotra azy rehetra ho faty eo anatrehan’ny Isiraely; traingoy ny soavaliny, ary dory amin’ny afo ny kalesiny.

Baiboly Protestanta Malagasy 2011

⁶ Dia hoy NY TOMPO tamin’i Josoa: Aza matahotra azy fa rahampitso toy izao Aho dia hanolotra azy rehetra ho faty eo anatrehan’ny Israely; traingoy ny soavaliny ary doroy amin’ny afo ny kalesy fitondrany miady.

DIEM PROTESTANTA

⁶ Fa hoy ny TOMPO tamin’i Josoa: –Aza matahotra an’ireo ianao; fa rahampitso amin’ny ora toy izao, dia hatolotro ho fatin-dratra eo anatrehan’ny Israelita izy rehetra ireo. Koa traingoy ny soavaliny ary dory amin’ny afo ny kalesiny.

Dikateny Iombonana Eto Madagasikara

⁶ Fa hoy ny TOMPO tamin’i Josoa: –Aza matahotra an’ireo ianao; fa rahampitso amin’ny ora toy izao, dia hatolotro ho fatin-dratra eo anatrehan’ny Israelita izy rehetra ireo. Koa traingoy ny soavaliny ary dory amin’ny afo ny kalesiny.

Baiboly Katolika

⁶ Ary hoy i Iaveh tamin’i Jôsoe: «Aza matahotra an’ireo fa rahampitso toy izao dia hatolotro eo anoloan’i Israely izy ireo, ka hatolotro izy efa voagorobaka avokoa, ka traingoy ny soavaliny, ary dory ny kalesiny.»

Malagasy Bible

⁶ Dia hoy Jehovah tamin'i Josoa: Aza matahotra azy; fa rahampitso toy izao Izaho dia hanolotra azy rehetra ho faty eo anatrehan'ny Isiraely; traingoy ny soavaliny, ary dory amin'ny afo ny kalesiny.

La Bible en Malgache

⁶ Dia hoy NY TOMPO tamin’i Josoa: Aza matahotra azy fa rahampitso toy izao Aho dia hanolotra azy rehetra ho faty eo anatrehan’ny Israely; traingoy ny soavaliny ary doroy amin’ny afo ny kalesy fitondrany miady.

Josoa 11:6 Rohy Ifampitohizana

2Samoela 8:4

Ary Davida nahazo babo taminy, dia miaramila an-tsoavaly fiton-jato amby arivo sy miaramila an-tongotra roa alina; ary notraingotraingoin’i Davida avokoa ny soavalin-kalesy rehetra, fa ny tokony ho amin’ny kalesy zato ihany no navelany.

2Mpanjaka 6:16

Ary hoy Elisa: Aza matahotra; fa ny momba antsika dia be nohoo ny momba azy.

2Tantara 20:16

Rahampitso dia midìna hiady aminy hianareo; fa, indreo, hiakatra amin’ny fiakarana Ziza izy; ary hianareo hahita azy eo amin’ny faran’ny lohasahan-driaka tandrifin’ny efitr’i Jeroela.

Salamo 46:10

Mitsahara, ka aoka ho fantatrareo fa Izaho no Andriamanitra; Hisandratra amin’ny firenen-tsamy hafa Aho, hisandratra amin’ny tany Aho.

Salamo 46:11

Jehovah, Tompon’ny maro, no momba antsika; Andriamanitr’i Jakoba no aro ho antsika. [Sela.]

Salamo 46:9

Mampitsahatra ady hatramin’ny faran’ny tany Izy; Manapaka ny tsipìka sy manito ny lefona Izy Ary mandoro ny sariety amin’ny afo.

Ohabolana 20:7

Izay olona marina mandeha amin’ny fahitsiany– Sambatra ny zanany mandimby azy.

Isaia 30:16

Fa hoy kosa hianareo: Tsia, fa handositra mitaingin-tsoavaly izahay; Koa noho izany dia handositra tokoa hianareo; Ary hoy hianareo: Hitaingina ny faingan-tongotra izahay; Ka dia ho faingan-tongotra koa ny manenjika anareo.

Isaia 31:1

LOZAN’izay midina any Egypta hitady famonjena Sy miantehitra amin’ny soavaly Ary matoky ny kalesy, satria maro ireny, Sy ny mpitaingin-tsoavaly, satria mahery dia mahery ireny, Fa tsy manandrandra ny Iray Masin’ny Isiraely, Na mitady an’i Jehovah.

Ezekiela 39:9

Ary hivoaka ny mponina ao amin’ny tanànan’ny Isiraely ka handrehitra sy hitaina ny fiadiana, dia ny ampinga lehibe, ny tsipìka sy ny zana-tsipìka, ny langilangy sy ny lefona, ary hitaina izany mandritra ny fito taona izy;

Hosea 14:3

Mitondrà teny hianareo, Eny, miverena amin’i Jehovah, ka manaova aminy hoe: Mamelà ny heloka rehetra, Ary raiso izay tsara, Ka dia haterinay ho fanatitra ny molotray.

Nahoma 2:13

Dia ilay liona namotipotika izay ampy ho an’ny zanany Ary nanenda ho an’ny liom-baviny Sady nameno haza ny lavany Sy toha ny fonenany.

Deoteronomia 7:16

Ary aoka holaninao ny firenena rehetra, izay hatolotr’i Jehovah Andriamanitrao anao, ka aoka tsy hiantra azy ny masonao; ary aza manompo ny andriamaniny, fa ho fandrika aminao ireny.

Josoa 10:8

Ary hoy Jehovah tamin’i Josoa: Aza matahotra azy, fa efa natolotra eo an-tànanao izy, ka tsy hisy hahajanona eo anoloanao izy na dia iray akory aza.

Josoa 11:5

Ary rehefa nivory ireo mpanjaka rehetra ireo, dia nandeha izy hiady tamin’ny Isiraely ka nitoby teo anilan’ny rano Meroma.

Josoa 11:7

Dia nandeha Josoa sy ny vahoaka rehetra mpanafika teo aminy ka tonga tampoka taminy teo amoron’ny rano Meroma, dia namely azy.

Josoa 11:9

Ary Josoa dia nanao taminy araka izay efa nandidian’i Jehovah azy: ny soavalin’ireny notraingoiny, ary ny kalesiny nodorany tamin’ny afo.

Josoa 3:5

Ary hoy Josoa tamin’ny olona: Manamasìna ny tenanareo: fa rahampitso dia hanao fahagagana eo aminareo Jehovah.

Mpitsara 20:28

ary Finehasa, zanak’i Eleazara, zanak’i Arona, nijanona teo anoloany tamin’izany andro izany) ka nanao hoe: Mbola hivoaka indray va aho hiady amin’ny taranak’i Benjamina rahalahiko, sa hitsahatra? Ary hoy Jehovah: Miakara, fa rahampitso dia hatolotro ho eo an-tànanao izy.

Mpitsara 7:9

Ary tamin’izany alina izany dia hoy Jehovah tamin’i Gideona: Mitsangàna, midìna ho any amin’ny toby hianao; fa efa natolotro eo an-tànanao io.

1Samoela 11:9

Ary hoy izy tamin’ny iraka izay tonga teo: Izao no holazainareo amin’ny mponina ao Jabesi-gileada: Rahampitso ilay efa mafampana iny dia hisy famonjena ho anareo. Dia tonga ny iraka ka nanambara izany tamin’ny mponina tao Jabesy; ka dia faly ireo.