Josoa 11:6 - Baiboly Katolika

⁶ Ary hoy i Iaveh tamin’i Jôsoe: «Aza matahotra an’ireo fa rahampitso toy izao dia hatolotro eo anoloan’i Israely izy ireo, ka hatolotro izy efa voagorobaka avokoa, ka traingoy ny soavaliny, ary dory ny kalesiny.»

Baiboly Protestanta Malagasy 2011

⁶ Dia hoy NY TOMPO tamin’i Josoa: Aza matahotra azy fa rahampitso toy izao Aho dia hanolotra azy rehetra ho faty eo anatrehan’ny Israely; traingoy ny soavaliny ary doroy amin’ny afo ny kalesy fitondrany miady.

DIEM PROTESTANTA

⁶ Fa hoy ny TOMPO tamin’i Josoa: –Aza matahotra an’ireo ianao; fa rahampitso amin’ny ora toy izao, dia hatolotro ho fatin-dratra eo anatrehan’ny Israelita izy rehetra ireo. Koa traingoy ny soavaliny ary dory amin’ny afo ny kalesiny.

Dikateny Iombonana Eto Madagasikara

⁶ Fa hoy ny TOMPO tamin’i Josoa: –Aza matahotra an’ireo ianao; fa rahampitso amin’ny ora toy izao, dia hatolotro ho fatin-dratra eo anatrehan’ny Israelita izy rehetra ireo. Koa traingoy ny soavaliny ary dory amin’ny afo ny kalesiny.

Baiboly Protestanta Malagasy

⁶ Dia hoy Jehovah tamin’i Josoa: Aza matahotra azy; fa rahampitso toy izao Izaho dia hanolotra azy rehetra ho faty eo anatrehan’ny Isiraely; traingoy ny soavaliny, ary dory amin’ny afo ny kalesiny.

Malagasy Bible

⁶ Dia hoy Jehovah tamin'i Josoa: Aza matahotra azy; fa rahampitso toy izao Izaho dia hanolotra azy rehetra ho faty eo anatrehan'ny Isiraely; traingoy ny soavaliny, ary dory amin'ny afo ny kalesiny.

La Bible en Malgache

⁶ Dia hoy NY TOMPO tamin’i Josoa: Aza matahotra azy fa rahampitso toy izao Aho dia hanolotra azy rehetra ho faty eo anatrehan’ny Israely; traingoy ny soavaliny ary doroy amin’ny afo ny kalesy fitondrany miady.

Josoa 11:6 Rohy Ifampitohizana

2Samoela 8:4

Ary miaramila an-tsoavaly 1.700, miaramila an-tongotra roa alina, no nosamborin’i Davida taminy; ny soavalin-kalesy notraingoin’i Davida avokoa, fa ny mpitarika kalesy zato sisa no notanany.

2Mpanjaka 6:16

Fa hoy ny navaliny: «Aza matahotra na inona na inona, fa be noho ny momba azy ny momba antsika.»

2Tantara 20:16

Midìna ianareo hamely azy rahampitso, fa indro izy hihazo amin’ny havoan’i Sisa, ary ho hitanareo erỳ amin’ny faran’ny lohasaha tandrifin’ny efitra Jeroela.

Salamo 46:10

Ny ady natsahany hatramin’ny faran’ny tany; ny tsipìka notapahiny; ny lefona nofolahiny; ny kalesy fiadiana nodorany tamin’ny afo.

Salamo 46:11

Mitsahara, ary maneke fa Andriamanitra Aho, manapaka ny firenena, manjaka amin’ny tany!

Salamo 46:9

Avia, jereo ny asan’i Iaveh, dia ny fandravana nataony tetỳ an-tany!

Ohabolana 20:7

Handeha amin’ny fahamarinany ny olona marina; sambatra izay zanany mandimby azy!

Isaia 30:16

Nefa tsy nety ianareo, fa hoy ianareo: «Tsia, fa handositra mitaingin-tsoavaly izahay.» - Eny hoe, handositra ianareo. - «Himaona mitaingina ny soavaly faingan-tongotra izahay.» Eny iky, fa ho faingana kokoa izay hanenjika anareo.

Isaia 31:1

Loza ho an’ireo izay midina hitady vonjy any Ejipta; miantehitra amin’ny soavaly, ary mitoky amin’ny kalesy, noho ny hamaroan’ireny, sy amin’ny mpitaingin-tsoavaly, noho izy matanjaka; nefa ilay Masin’i Israely tsy mba andrandrainy; ary i Iaveh tsy tadiaviny.

Ezekiela 39:9

Amin’izany, hivoaka ny mponina amin’ny tanànan’i Israely, handoro sy hampiredaka ny fiadiana, dia ny ampinga amam-piarovan-tena, ny tsipìka aman-jana-tsipìka, ny langilangy aman-defom-pohy, hatainy izany mandritra ny fito taona.

Hosea 14:3

Mitondrà teny ianareo, miaraka aminareo, ka miverena amin’i Iaveh, lazao aminy hoe: Esory ny heloka rehetra ary raiso izay tsara. Aoka hatolotray Anao ho solon’ny vantotr’ombalahy ny teny avy amin’ny molotray.

Nahoma 2:13

Ilay liona nifaoka izay nilain’ny zanany, nanakenda ho an’ny liombaviny, nameno haza ny lavany, sy toha, ny zohiny.

Deoteronomia 7:16

Levòny ny vahoaka rehetra hatolotr’i Iaveh Andriamanitrao anao; aza miantra azy ny masonao; ary aza manompo izay andriamaniny, fa ho fandrika ho anao izany.»

Josoa 10:8

Hoy i Iaveh tamin’i Jôsoe: «Aza matahotra azy, fa efa natolotro eo an-tananao izy, ka tsy hahatoha anao na dia iray aza.»

Josoa 11:5

Nivory avokoa ireo mpanjaka ireo, dia tonga niara-nitoby teo akaikin’ny ranon’i Merôma, mba hanafika an’i Israely.

Josoa 11:7

Dia nirotsaka tampoka tamin’izy ireo teo akaikin’ny ranon’i Merôma i Jôsoe sy ny mpiantafika rehetra niaraka taminy ka niantoraka aminy.

Josoa 11:9

Dia nataon’i Jôsoe tamin’izy ireo araka izay nolazain’i Iaveh azy, ka ny soavaliny notraingoiny, ny kalesiny nodorany tamin’ny afo.

Josoa 3:5

Ary hoy i Jôsoe tamin’ny vahoaka: «Hamasino ny tenanareo, fa hanao fahagagana eo afovoanareo i Iaveh rahampitso.»

Mpitsara 20:28

ary teo anoloan’i Finea zanak’i Eleazara zanak’i Aarôna, tamin’izany andro izany, ary hoy izy ireo hoe: «Mbola handeha hiady amin’ny taranak’i Benjamina rahalahiko ihany va aho sa tokony hitsahatra?» Dia hoy i Iaveh: «Miakara fa hatolotro eo an-tananao izy rahampitso.»

Mpitsara 7:9

Tamin’ny alin’izay, dia hoy i Iaveh tamin’i Jedeôna: «Mitsangàna ianao, ka midìna ho any an-toby, fa efa natolotro ho eo an-tananao izy.

1Samoela 11:9

Dia hoy izy tamin’iretsy iraka tonga: «Lazao amin’ny olona any Jabesy any Galaada fa rahampitso ilay efa mahery iny ny andro dia hahazo famonjena ianareo.» Nambaran’ny iraka tamin’ny olona tany Jabesy izany, ka feno hafaliana izy ireo.