Josoa 11:12 - Baiboly Protestanta Malagasy

¹² Ary ny tanàna rehetra izay an’ireny mpanjaka ireny sy ny mpanjakany rehetra dia azon’i Josoa ary nasiany tamin’ny lelan-tsabatra ka naringany, araka izay efa nandidian’i Mosesy, mpanompon’i Jehovah.

Baiboly Protestanta Malagasy 2011

¹² Ary izay tanàna rehetra an’ireny mpanjaka ireny sy ny mpanjakany rehetra dia azon’i Josoa ary nasiany tamin’ny lelan-tsabatra ka nataony zavatra voaozona, araka izay nandidian’i Mosesy, mpanompon’NY TOMPO.

DIEM PROTESTANTA

¹² Ary nalain’i Josoa koa ny tanànan’ireo mpanjaka hafa rehetra mbamin’ny fanjakany, ka naringany tamin’ny sabatra ireo mpanjaka sy ny mponina rehetra isan-tanàna, araka izay efa nandidian’i Mosesy mpanompon’ny TOMPO.

Dikateny Iombonana Eto Madagasikara

¹² Ary nalain’i Josoa koa ny tanànan’ireo mpanjaka hafa rehetra mbamin’ny fanjakany, ka naringany tamin’ny sabatra ireo mpanjaka sy ny mponina rehetra isan-tanàna, araka izay efa nandidian’i Mosesy mpanompon’ny TOMPO.

Baiboly Katolika

¹² Azon’i Jôsoe avokoa ny tanànan’ireny mpanjaka ireny, sy ny mpanjakany; nasiany tamin’ny lelan-tsabatra ireny, dia nataony anatema, araka ny didin’i Môizy, mpanompon’i Iaveh.

Malagasy Bible

¹² Ary ny tanàna rehetra izay an'ireny mpanjaka ireny sy ny mpanjakany rehetra dia azon'i Josoa ary nasiany tamin'ny lelan-tsabatra ka naringany, araka izay efa nandidian'i Mosesy, mpanompon'i Jehovah.

La Bible en Malgache

¹² Ary izay tanàna rehetra an’ireny mpanjaka ireny sy ny mpanjakany rehetra dia azon’i Josoa ary nasiany tamin’ny lelan-tsabatra ka nataony zavatra voaozona, araka izay nandidian’i Mosesy, mpanompon’NY TOMPO.

Josoa 11:12 Rohy Ifampitohizana

Deoteronomia 7:2

ary rehefa voatolotr’i Jehovah Andriamanitrao eo anoloanao ireny ka resinao: dia aringano mihitsy izy; aza manao fanekena aminy, na mamindra fo aminy;

Deoteronomia 9:3

Koa aoka ho fantatrao anio fa Jehovah Andriamanitrao no efa handeha hita eo alohanao tahaka ny afo mandevona, ka Izy no handringana azy sy hampietry azy eo anoloanao; dia handroaka azy hianao ka handringana azy faingana, araka izay nolazain’i Jehovah taminao.

Josoa 10:20

Ary rehefa voaringan’i Josoa sy ny Zanak’Isiraely mihitsy ireny mandra-pahalany ritrany, ka izay afa-nandositra no lasa niditra tany amin’ny tanàna mimanda,

Josoa 10:28

Ary Makeda dia afak’i Josoa tamin’izany andro izany, ka nasiany tamin’ny lelan-tsabatra izy sy ny mpanjakany; ary ny olona rehetra tao dia naringany avokoa ka tsy nasiany niangana na dia iray akory aza; ary tahaka izay efa nataony tamin’ny mpanjakan’i Jeriko, no nataony tamin’ny mpanjakan’i Makeda koa.

Josoa 10:30

dia natolotr’i Jehovah teo an-tànan’ny Isiraely koa izy sy ny mpanjakany, ka nasiany tamin’ny lelan-tsabatra izy mbamin’ny olona rehetra tao; tsy nasiany niangana na dia iray akory aza; ary tahaka izay efa nataony tamin’ny mpanjakan’i Jeriko no nataony tamin’ny mpanjakany koa.

Josoa 10:32

Dia natolotr’i Jehovah teo an-tànan’ny Isiraely koa Lakisy, ka afany tamin’ny andro faharoa izy; dia nasiany tamin’ny lelan-tsabatra izy sy ny olona rehetra tao, tahaka izay rehetra efa nataony tamin’i Libna koa.

Josoa 10:35

dia afany tamin’izany andro izany koa izy ka nasiany tamin’ny lelan-tsabatra; ary ny olona, rehetra tao dia naringany tamin’izany andro izany, tahaka izay rehetra efa nataony tamin’i Lakisy.

Josoa 10:37

dia afany koa izy, ka nasiany tamin’ny lelan-tsabatra izy sy ny mpanjakany sy ny tanànany rehetra ary ny olona rehetra tao; tsy nasiany niangana na dia iray akory aza, tahaka izay rehetra efa nataony tamin’i Eglona; fa naringany avokoa izy sy ny olona rehetra tao.

Josoa 11:13

Fa ny tanàna rehetra izay teny an-kavoana dia tsy mba nodoran’ny Isiraely, afa-tsy Hazora ihany, izay nodoran’i Josoa.

Josoa 11:15

Araka izay efa nandidian’i Jehovah an’i Mosesy mpanompony no nandidian’i Mosesy an’i Josoa; ka dia izany no nataon’i Josoa: tsy nisy namelany izay rehetra efa nandidian’i Jehovah an’i Mosesy.

Josoa 13:6

ary ny mponina rehetra any amin’ny tany havoana hatrany Libanona ka hatrany Misrefota-maima, dia ny Sidoniana rehetra,–Izaho no handroaka ireny hiala eo anoloan’ny Zanak’Isiraely; kanefa zarao amin’ny filokana ho lovan’ny Zanak’Isiraely izy araka izay efa nandidiako anao.

Josoa 21:44

Dia nomen’i Jehovah fitsaharana amin’ny manodidina izy, araka izay rehetra nianianany tamin’ny razany, ka tsy nisy lehilahy tamin’ny fahavalony rehetra nahajanona teo anoloany; fa natolotr’i Jehovah teo an-tànany avokoa ny fahavalony rehetra.

Josoa 8:31

araka izay nandidian’i Mosesy, mpanompon’i Jehovah, ny Zanak’Isiraely, dia araka ny voasoratra eo amin’ny bokin’ny lalàn’i Mosesy, dia alitara vato tsy voavoatra, izay tsy nopehim-by; ary dia nanatitra fanatitra odorana teo amboniny ho an’i Jehovah izy sady namono zavatra hatao fanati-pihavanana.

Josoa 8:8

Ary rehefa afakareo ny tanàna, dia dory amin’ny afo; araka ny didin’i Jehovah no hataonareo; indro, efa nandidy anareo aho.

Josoa 9:24

Dia namaly an’i Josoa izy ireo ka nanao hoe: Satria nambara tokoa taminay mpanomponao fa Jehovah Andriamanitrao efa nandidy an’i Mosesy mpanompony hanome anareo ny tany rehetra sy handringana ny mponina rehetra amin’ny tany eo anoloanareo, ary natahotra ny ho faty izahay noho ny aminareo, ka dia nanao izany zavatra izany;