Josoa 1:15 - Baiboly Protestanta Malagasy

¹⁵ mandra-panomen’i Jehovah fitsaharana ny rahalahinareo tahaka anareo, ka mba holovany kosa ny tany izay nomen’i Jehovah Andriamanitrareo azy; dia hiverina ho any amin’ny taninareo hianareo ka handova azy, dia ilay nomen’i Mosesy, mpanompon’i Jehovah, anareo etỳ an-dafy atsinanan’i Jordana.

Baiboly Protestanta Malagasy 2011

¹⁵ mandra-panomen’NY TOMPO fitsaharana ny rahalahinareo tahaka anareo ka handraisany an-tanana ny tany izay nomen’NY TOMPO Andriamanitrareo azy. Dia hiverina ho any amin’ny taninareo ianareo ka handray an-tanana ilay nomen’i Mosesy, mpanompon’NY TOMPO, anareo etỳ andafy atsinanan’i Jordana.

DIEM PROTESTANTA

¹⁵ ambara-panomen’ny TOMPO azy toerana tahaka izay efa natao taminareo, ka hahazoan’ireo koa ny tany izay omen’ny TOMPO Andriamanitrareo azy any andrefan’i Jôrdàna. Aorian’izany vao hiverina ianareo mba hizaka ny taninareo ety andafy atsinanan’i Jôrdàna, tany izay nomen’i Mosesy mpanompon’ny Tompo anareo.

Dikateny Iombonana Eto Madagasikara

¹⁵ ambara-panomen’ny TOMPO azy toerana tahaka izay efa natao taminareo, ka hahazoan’ireo koa ny tany izay omen’ny TOMPO Andriamanitrareo azy any andrefan’i Jôrdàna. Aorian’izany vao hiverina ianareo mba hizaka ny taninareo ety andafy atsinanan’i Jôrdàna, tany izay nomen’i Mosesy mpanompon’ny Tompo anareo.

Baiboly Katolika

¹⁵ ary hanampy azy ianareo mandra-panomen’i Iaveh fitsaharana toa anareo koa amin’ny rahalahinareo, ka efa mahazo ny tany omen’i Iaveh Andriamanitrareo azy koa izy ireo; izay vao hiverina ianareo amin’ny tany izay anareo, atỳ an-dafin’i Jordany, fiposahan’ny masoandro.»

Malagasy Bible

¹⁵ mandra-panomen'i Jehovah fitsaharana ny rahalahinareo tahaka anareo, ka mba holovany kosa ny tany izay nomen'i Jehovah Andriamanitrareo azy; dia hiverina ho any amin'ny taninareo ianareo ka handova azy, dia ilay nomen'i Mosesy, mpanompon'i Jehovah, anareo etỳ an-dafy atsinanan'i Jordana.

La Bible en Malgache

¹⁵ mandra-panomen’NY TOMPO fitsaharana ny rahalahinareo tahaka anareo ka handraisany an-tanana ny tany izay nomen’NY TOMPO Andriamanitrareo azy. Dia hiverina ho any amin’ny taninareo ianareo ka handray an-tanana ilay nomen’i Mosesy, mpanompon’NY TOMPO, anareo etỳ andafy atsinanan’i Jordana.

Josoa 1:15 Rohy Ifampitohizana

1Korintiana 12:26

Ary raha mijaly ny anankiray amin’ny momba ny tena, dia miara-mijaly avokoa izay rehetra momba ny tena; fa raha omem-boninahitra kosa ny anankiray amin’ny momba ny tena, dia miara-mifaly avokoa izay rehetra momba ny tena.

1Korintiana 13:5

tsy manao izay tsy mahamendrika, tsy mitady ny azy, tsy mora sosotra, tsy manao otripo,

Galatiana 5:13

Fa efa nantsoina ho amin’ny fahafahana hianareo, ry rahalahy; kanefa aoka tsy ho entinareo hanaraka ny nofo izany fahafahana izany, fa mifampanompoa amin’ny fitiavana.

Galatiana 6:2

Mifampitondrà izay mahavesatra, ary aoka izany no hahatanterahanareo ny lalàn’i Kristy.

Deoteronomia 3:18

Ary nandidy anareo tamin’izany andro izany aho ka nanao hoe: Jehovah Andriamanitrareo efa nanome anareo ity tany ity ho lovanareo; andeha mita eo alohan’ny Zanak’Isiraely rahalahinareo hianareo rehetra izay mahery, samy efa voaomana hiady.

Deoteronomia 3:20

mandra-panomen’i Jehovah fitsaharana ny rahalahinareo tahaka ny anareo, ka holovany koa ny tany izay nomen’i Jehovah Andriamanitrareo azy any an-dafin’i Jordana; dia hiverina hianareo, samy ho any amin’ny taniny avy, izay nomeko anareo.

Deoteronomia 9:1

MIHAINOA, ry Isiraely ô: hianao izao dia efa hita an’i Jordana hiditra eo amin’ny tany ka handresy firenen-tsamy hafa, izay lehibe sy mahery noho hianao, sy hahafaka tanàna lehibe izay misy mànda manakatra ny lanitra,

Filipiana 2:4

Aza samy mihevitra ny azy ihany, fa samy ny an’ny namany koa.

Josoa 1:1

ARY rehefa maty Mosesy, mpanompon’i Jehovah, dia hoy Jehovah tamin’i Josoa, zanak’i Nona, mpanompon’i Mosesy:

Josoa 1:14

Ny vadinareo sy ny zanakareo madinika ary ny biby fiompinareo dia hitoetra eo amin’ny tany izay nomen’i Mosesy anareo etỳ an-dafin’i Jordana; fa hianareo lehilahy mahery rehetra dia samy ho voaomana hiady ka hita eo alohan’ny rahalahinareo hanampy azy,

Josoa 1:16

Dia namaly an’i Josoa izy ireo ka nanao hoe: Izay rehetra andidianao anay dia hataonay; ary izay rehetra anirahanao anay dia halehanay.

Josoa 22:1

ARY tamin’izay dia nantsoin’i Josoa ny Robenita sy ny Gadita sy ny antsasaky ny firenen’i Manase,