Jeremia 6:15 - Baiboly Protestanta Malagasy

¹⁵ Nomenarina izy noho ny nanaovany fahavetavetana,– Nefa tsy mba menatra akory izy ary tsy mba valahara; Koa ho lavo ao amin’izay lavo izy,– Amin’ny andro hamaliako azy dia ho tafintohina izy, hoy Jehovah.

Baiboly Protestanta Malagasy 2011

¹⁵ Nitafy henatra izy noho ny nanaovany fahavetavetana; nefa tsy mba nahatsiaro menatra akory izy ary tsy mba tsapany ny hadisoany, koa ho lavo miaraka amin’izay lavo izy; amin’ny andro hamaliako azy dia ho tafintohina izy, hoy NY TOMPO.

DIEM PROTESTANTA

¹⁵ Tokony hahamenatra azy ny zava-maharikoriko nataony; nefa tsy menatra akory izy sady tsy mahatsapa ny hadisoany. Noho izany, hoy ny TOMPO, dia anisan’ireo ho lavo izy; ka amin’ny andro hamaliako azy, no hitrosenany amin’ny tany.

Dikateny Iombonana Eto Madagasikara

¹⁵ Tokony hahamenatra azy ny zava-maharikoriko nataony; nefa tsy menatra akory izy sady tsy mahatsapa ny hadisoany. Noho izany, hoy ny TOMPO, dia anisan’ireo ho lavo izy; ka amin’ny andro hamaliako azy, no hitrosenany amin’ny tany.

Baiboly Katolika

¹⁵ Homenàriny izy, fa nanao fahavetavetana; nefa tsy mba mahalala menatra intsony izy, ary tsy mba valahara! Koa dia hiara-davo amin’izay lavo izy ireo; ary hiteraka amin’ny andro hamangiako azy izy, hoy i Iaveh.

Malagasy Bible

¹⁵ Nomenarina izy noho ny nanaovany fahavetavetana, nefa tsy mba menatra akory izy ary tsy mba valahara; Koa ho lavo ao amin'izay lavo izy, amin'ny andro hamaliako azy dia ho tafintohina izy, hoy Jehovah.

La Bible en Malgache

¹⁵ Nitafy henatra izy noho ny nanaovany fahavetavetana; nefa tsy mba nahatsiaro menatra akory izy ary tsy mba tsapany ny hadisoany, koa ho lavo miaraka amin’izay lavo izy; amin’ny andro hamaliako azy dia ho tafintohina izy, hoy NY TOMPO.

Jeremia 6:15 Rohy Ifampitohizana

Genesisy 19:34

Ary nony ampitson’iny, dia hoy ny vavimatoa tamin’ny zandriny: Indro, efa nandry tamin’ny raintsika aho halina; aoka hampisotrointsika divay indray izy anio alina, dia midira hianao ka mandria aminy hananantsika fara avy amin’ny raintsika.

Eksodosy 32:34

Mandehana ankehitriny, ka ento ny olona ho any amin’izay efa nolazaiko taminao; indro, ny Anjeliko no hitarika anao eo aloha; ary amin’izay andro hamaliako dia hamaly azy noho ny fahotany Aho.

Ohabolana 29:1

Izay olona anarina matetika ka mihamafy hatoka Dia ho torotoro tampoka, ka tsy hisy fahasitranana.

Isaia 10:4

Tsy misy azony atao afa-tsy ny mihohoka voatsindrin’ny mpifatotra Sy ny lavo voatsindrin’ny voavono. Kanefa, na dia izany rehetra izany aza, dia tsy mbola afaka ihany ny fahatezerany, Fa mbola mihinjitra ihany ny tànany.

Isaia 3:9

Ny fisehon’ny tarehiny miampanga azy; Ary mampiharihary ny fahotany tahaka an’i Sodoma izy ka tsy manafina azy. Lozan’ny fanahiny! Fa mampidi-doza amin’ny tenany izy.

Jeremia 14:15

Koa izao no lazain’i Jehovah ny amin’ireo mpaminany izay maminany amin’ny anarako ireo–nefa tsy nirahiko tsinona–ka milaza fa tsy hisy sabatra sy mosary eto amin’ity tany ity: Ny sabatra sy ny mosary indrindra no nandringanana ireo mpaminany ireo.

Jeremia 18:23

Fa Hianao, Jehovah ô, no mahalala ny fisainana rehetra ataony hamelezany ahy ho faty; Aza avela ny helony; Ary aza vonoina tsy ho eo imasonao ny fahotany, Fa aoka ho solafaka eo anatrehanao izy; Mameleza azy amin’ny andro fahatezeranao.

Jeremia 23:12

Koa dia ho toy ny làla-malama amin’ny aizim-pito ny làlany; Haronjina izy, ka dia ho potraka ao; Fa hahatonga loza aminy Aho amin’ny taona hamaliana azy, hoy Jehovah.

Jeremia 3:3

Ka dia voasakana ny orana mivatravatra, Sady tsy tonga ny fara-orana; Ary ny handrinao dia handrin’ny vehivavyj anga Ka tsy manan-kenatra.

Jeremia 44:10

Tsy mbola torotoro fo izy na dia mandraka andro-any aza sady tsy natahotra na nandeha araka ny lalàko sy ny didiko, izay napetrako teo anoloanareo sy teo anoloan’ny razanareo.

Jeremia 5:29

Tsy hovaliako amin’izany va izy? hoy Jehovah; Tsy hialako fo va ny firenena toy izany?

Jeremia 5:9

Tsy hovaliako va izy amin’izany? hoy Jehovah; Ary tsy hialako fo va ny firenena toy izany?

Jeremia 8:12

Nomenarina izy noho ny nanaovany fahavetavetana,– Nefa tsy mba menatra akory izy, ary tsy mba valahara; Koa ho lavo ao amin’izay lavo izy,– Amin’ny andro hamaliana azy dia ho tafintohina izy, hoy Jehovah.

Jeremia 8:9

Mahazo henatra ny hendry, Raiki-tahotra sy voasambotra izy; Indro, ny tenin’i Jehovah dia nolaviny, Ka inona intsony no fahendrena ananany?

Ezekiela 13:14

Dia harodako ny ampiantany izay nolalorinareo tamin’ny feta tsy madity, ka ho fongotra hatramin’ny tany izy, ary hiseho ny fanambaniny; eny, hirodana izy, ka haringana ao anatiny hianareo; ka dia ho fantatrareo fa Izaho no Jehovah.

Ezekiela 2:4

Ary ho any amin’ny zanaka mafy handrina sy madi-po no anirahako anao, ary hianao hanao aminy hoe: Izao no lazain’i Jehovah Tompo.

Ezekiela 24:7

Fa ny rany dia ao aminy; teo ambonin’ny vatolampy mangadihady no nametrahany azy; tsy naidiny tamin’ny tany hosaronan’ny vovoka izy.

Hosea 4:5

Ka dia ho tafintohina antoandro hianao, Ary ny mpaminany hiara-tafintohina aminao koa amin’ny alina, Ary hovonoiko ny reninao.

Hosea 9:7

Tonga ireo andro famaliana, Tonga ireo andro fanodiavana– Ho fantatr’Isiraely fa adala ny mpaminany, Ary very saina ny olona tsindriam-panahy– Noho ny hamaroan’ny helokao Sy ny habetsahan’ny fanoherana.

Mika 3:6

Koa izany no hisian’ny alina aminareo, ka tsy hisy fahitana, Ary ny maizina aminareo, ka tsy hisy fankatovana; Fa hilentika tsy hanazava ny mpaminany ny masoandro, Ary ho maizina aminy ny andro,

Mika 7:4

Na dia ny tsara indrindra ao aminy aza dia toy ny roy, Ary na dia ny mahitsy indrindra ao aminy aza dia ratsy noho ny fefy tsilo; Avy ny andron’ny tilinao, izay hamaliana anao; Amin’izany dia vao ho very hevitra hianao.

Zefania 2:1

MIANGÒNA, eny, mivoria hianareo Ry firenena tsy manan-kenatra,

Zefania 3:5

Jehovah no marina ao afovoany, Tsy manao izay tsy marina Izy; Isa-maraina isa-maraina no amoahany ny fitsarany ho amin’ny mazava, ka tsy diso izany; Fa ny tsy marina tsy mba mahalala henatra.

Zakaria 13:4

Ary amin’izany andro izany ny mpaminany dia samy hahazo henatra noho ny fahitany avy, raha maminany; ary tsy hikapôty volom-biby hamitahana izy,

Matio 15:14

Avelao izy; mpitarika jamba izy; ary raha ny jamba no mitarika ny jamba, dia samy ho latsaka any an-kady izy roa.

Filipiana 3:19

fahaverezana no hiafarany, ny kibony no andriamaniny, ny fahamenarany no voninahiny, fa misaina ny amin’ny tany izy.