Jeremia 24:10 - Baiboly Protestanta Malagasy

¹⁰ Ary hampameleziko azy ny sabatra sy ny mosary ary ny areti-mandringana ambara-pahalany ritrany tsy ho amin’ny tany izay nomeko azy sy ny razany.

Baiboly Protestanta Malagasy 2011

¹⁰ Ary hampameleziko azy ny sabatra sy ny mosary ary ny areti-mandringana ambara-pahalany ritra azy tsy ho amin’ny tany izay nomeko azy sy ny razany.

DIEM PROTESTANTA

¹⁰ Halefako hamely azy ny ady sy ny mosary ary ny areti-mandringana mandra-pahalany ritra azy tsy ho eo amin’ny tany izay nomeko azy sy ny razany.

Dikateny Iombonana Eto Madagasikara

¹⁰ Halefako hamely azy ny ady sy ny mosary ary ny areti-mandringana mandra-pahalany ritra azy tsy ho eo amin’ny tany izay nomeko azy sy ny razany.

Baiboly Katolika

¹⁰ Ary ny sabatra, ny mosary, ny pesta dia hirahiko hanjò azy, mandra-paharingana azy ireo tsy ho eo amin’ny tany, izay nomeko azy sy ny razany.»

Malagasy Bible

¹⁰ Ary hampameleziko azy ny sabatra sy ny mosary ary ny areti-mandringana ambara-pahalany ritrany tsy ho amin'ny tany izay nomeko azy sy ny razany.

La Bible en Malgache

¹⁰ Ary hampameleziko azy ny sabatra sy ny mosary ary ny areti-mandringana ambara-pahalany ritra azy tsy ho amin’ny tany izay nomeko azy sy ny razany.

Jeremia 24:10 Rohy Ifampitohizana

1Mpanjaka 14:15

Fa Jehovah hamely ny Isiraely toy ny volotara hozongozonina any anaty rano sady hanongotra ny Isiraely amin’ity tany soa nomeny ny razany ity ary hanely azy ho any an-dafin’ny Ony, satria nanao ireo Aseraha izy ka nampahatezitra an’i Jehovah.

Isaia 51:19

Izao zavatra roa izao no hanjo anao (Iza no hanony ny alahelonao?): Fandravana sy fandringanana ary mosary sy sabatra, Koa hataoko ahoana no fampionona anao?

Jeremia 14:12

Fa na dia mifady hanina aza izy, dia tsy hihaino ny fitarainany Aho; Ary na dia manatitra fanatitra dorana sy fanatitra hohanina aza izy, dia tsy hankasitraka azy Aho, Fa haripako amin’ny sabatra sy ny mosary ary ny areti-mandringana izy.

Jeremia 15:2

Ary raha tàhiny izy manao aminao hoe: Hiala hankaiza izahay? dia ataovy aminy hoe: Izao no lazain’i Jehovah: Izay ho amin’ny areti-mandringana dia ho amin’ny areti-mandringana, Ary izay ho amin’ny sabatra dia ho amin’ny sabatra, Ary izay ho amin’ny mosary dia ho amin’ny mosary, Ary izay ho amin’ny fahababoana dia ho amin’ny fahababoana.

Jeremia 16:4

Ho fatin’ny loza samy hafa izy, Nefa tsy hisaonana na halevina, Fa ho zezika eny ambonin’ny tany; Ary ho lanin-tsabatra sy mosary izy, Ka ho fihinan’ny voro-manidina sy ny bibi-dia ny fatiny.

Jeremia 19:7

Ary hofoanako amin’ity tanàna ity ny fisainan’ny Joda sy Jerosalema, ka hataoko lavon-tsabatra eo anoloan’ny fahavalony sy amin’ny tànan’izay mitady ny ainy izy; ary ny fatiny dia homeko ho fihinan’ny voro-manidina sy ny bibi-dia.

Jeremia 21:9

Izay mbola mitoetra eto amin’ity tanàna ity ihany dia ho fatin-tsabatra sy mosary ary areti-mandringana; fa izay mivoaka hanatona ny Kaldeana izay manao fahi-rano anareo kosa dia ho velona, ka ny ainy no ho babony.

Jeremia 27:8

Ary izay firenena na fanjakana tsy mety manompo an’i Nebokadnezara, mpanjakan’i Babylona, ary tsy mety mampiditra ny vozony eo amin’ny ziogan’ny mpanjakan’i Babylona, dia hovaliako amin’ny sabatra sy ny mosary ary ny areti-mandringana izany firenena izany, hoy Jehovah, ambara-pandringako azy amin’ny tànany.

Jeremia 29:17

izao no lazain’i Jehovah, Tompon’ny maro: Indro, hampameleziko azy ny sabatra sy ny mosary ary ny areti-mandringana, ka hataoko toy ny aviavy ratsy dia ratsy izay tsy azo hanina noho ny haratsiny izy.

Jeremia 29:18

Ary henjehiko amin’ny sabatra sy ny mosary ary ny areti-mandringana izy ka hatolotro ho mpanjenjena any amin’ny fanjakana rehetra ambonin’ny tany, ho fanozonana sy figagana sy zavatra mampisitrisitra sy fandatsa ho an’ny firenena izay nandroahako, azy

Jeremia 32:24

Indro, ny tovon-tany efa miorina akaikin’ny tanàna hanafahana azy, ary ny tanàna dia atolotra eo an-tànan’ny Kaldeana izay mamely azy noho ny sabatra sy ny mosary sy ny areti-mandringana; ary izay nolazainao dia tonga, ka, indro, hitan’ny masonao izany.

Jeremia 32:25

Ary Hianao, Jehovah Tompo ô, dia niteny tamiko ka nanao hoe: Vidionao vola ny saha, ary makà vavolombelona, na dia efa voatolotra eo an-tànan’ny Kaldeana aza ny tanàna.

Jeremia 34:17

Koa izao no lazain’i Jehovah: Hianareo tsy nihaino Ahy ka tsy nety nitory fanafahana ho an’ny rahalahinareo sy ny namanareo avy; dia, indro, miantso fanafahana ho anareo kosa Aho, hoy Jehovah, nefa ho an’ny sabatra sy ny areti-mandringana ary ny mosary; ary hatolotro ho mpanjenjena any amin’ ny fanjakana rehetra amin’ny tany hianareo.

Jeremia 42:17

Ary ny olona rehetra izay mikiry hankany Egypta hivahiny any dia ho fatin’ny sabatra sy ny mosary ary ny areti-mandringana any; ary tsy hisy sisa ho afa-mandositra ny loza izay hataoko mihatra aminy.

Jeremia 42:22

Koa aoka ho fantatrareo marimarina fa ho fatin-tsabatra sy mosary ary areti-mandringana hianareo any amin’ny tany izay tianareo hivahiniana.

Jeremia 5:12

Nahafoy an’i Jehovah izy Ka nanao hoe: Tsy Izy no izy; Tsy hisy loza hanjo antsika, Ary tsy hahita sabatra na mosary isika;

Jeremia 9:15

Ary haeliko any amin’izay jentilisa Tsy fantany na fantatry ny razany izy; Ary hampanenjehiko azy ny sabatra Ambara-pandaniko azy.

Jeremia 9:16

Izao no lazain’i Jehovah, Tompon’ny maro: Mihevera tsara, ka antsoy ireny vehivavy mpanao hira fahalahelovana mba ho avy; Eny, ampanalao ireny vehivavy mahay mba ho tonga;

Ezekiela 33:27

Izao no holazainao aminy: Izao no lazain’i Jehovah Tompo: Raha velona koa Aho, dia tsy maintsy ho lavon’ny sabatra izay ao amin’ny tanàna rava, ary izay any an-tsaha dia homeko ho rembin’ny bibi-dia, ary izay ao amin’ny harambato sy amin’ny lava-tany dia ho fatin’ny areti-mandringana.

Ezekiela 6:11

Izao no lazain’i Jehovah Tompo: Mameleza amin’ny tànanao hianao, Ary mitotoa amin’ny tongotrao, ka manaova hoe: Indrisy! ny fahavetavetana ratsy rehetra ataon’ny taranak’Isiraely, Izay ho lavon’ny sabatra sy ny mosary ary ny areti-mandringana!

Ezekiela 7:15

Ny sabatra no eny ivelany, Ary ny areti-mandringana sy ny mosary kosa no ao anatiny; Izay any an-tsaha dia ho fatin-tsabatra, Ary izay any an-tanàna kosa dia ho levon’ny mosary sy ny areti-mandringana.

Deoteronomia 28:21

Hampiraiketin’i Jehovah aminao ny areti-mandringana, mandra-pandaniny anao tsy ho eo amin’ny tany izay efa hidiranao holovana.

Apokalipsy 6:8

Ary hitako fa, indro, nisy soavaly hatsatra, ary ny anaran’izay nitaingina azy atao hoe Fahafatesana, ary ny Fiainan-tsi-hita nanaraka azy. Ary nomena fahefana tamin’ny ampahefatry ny tany ireo hamono amin’ny sabatra sy ny mosary sy ny fahafatesana sy ny bibi-dia etỳ an-tany.