Jeremia 2:25 - Baiboly Protestanta Malagasy

²⁵ Aza esorina ny kapa amin’ny tongotrao; Ary aoka tsy ho maina ny tendanao; Nefa hoy hianao: Tsy misy fanantenana; Tsia! fa ny hafa no tiako, Ka dia hanaraka azy aho.

Baiboly Protestanta Malagasy 2011

²⁵ Mitandrema! Fa ho afaka amin’ny tongotrao ny kapanao, ary ho maina ny tendanao; nefa hoy ianao: Tsy manantena inona aho! Tsia! Fa ny vahiny no tiako ka hanaraka azy aho.

DIEM PROTESTANTA

²⁵ «Atsaharo ny hazakazakao, ry Israely, fandrao haradratra ny tongotrao tsy mikapa ary koa ho maina ny tendanao.» Nefa hoy ny navalinao hoe: «Tsy mampiraika ahy izany, fa tiako ny andriamani-kafa ka tsy maintsy miaraka aminy aho.»

Dikateny Iombonana Eto Madagasikara

²⁵ «Atsaharo ny hazakazakao, ry Israely, fandrao haradratra ny tongotrao tsy mikapa ary koa ho maina ny tendanao.» Nefa hoy ny navalinao hoe: «Tsy mampiraika ahy izany, fa tiako ny andriamani-kafa ka tsy maintsy miaraka aminy aho.»

Baiboly Katolika

²⁵ Tandremo mba tsy hiala kapa ny tongotrao, ary mba tsy ho maina ny tendanao! Nefa hoy ianao: ‹Tsy hisy antony tsinona! Tsia, fa ny hafa tiako, ka hanaraka an’ireny aho!›

Malagasy Bible

²⁵ Aza esorina ny kapa amin'ny tongotrao; Ary aoka tsy ho maina ny tendanao; Nefa hoy ianao: Tsy misy fanantenana; Tsia! fa ny hafa no tiako, ka dia hanaraka azy aho.

La Bible en Malgache

²⁵ Mitandrema! Fa ho afaka amin’ny tongotrao ny kapanao, ary ho maina ny tendanao; nefa hoy ianao: Tsy manantena inona aho! Tsia! Fa ny vahiny no tiako ka hanaraka azy aho.

Jeremia 2:25 Rohy Ifampitohizana

2Tantara 28:22

Ary tamin’ny andro nampahoriana azy dia mbola nanao izay nahadiso amin’i Jehovah ihany io Ahaza mpanjaka io.

2Tantara 28:23

Ary namono zavatra hatao fanatitra ho an’ireo andriamanitr’i Damaskosy, izay namely azy, izy ka nanao hoe: Ireo andriamanitry ny mpanjakan’i Asyria, izay nanampy azy, no hamonoako zavatra hatao fanatitra mba hanampiany ahy. Kanjo tonga fandravana azy sy ny Isiraely rehetra ireo.

Isaia 2:6

Fa efa nanary ny taranak’i Jakoba olonao Hianao, Satria feno ny fanao avy any atsinanana izy Ary efa mpanandro tahaka ny Filistina Sady efa be zana-bahiny.

Isaia 57:10

Noho ny halavitry ny nalehanao dia sasatra hianao, Nefa hianao tsy niteny hoe: Kivy aho izany! Nahazo aina ny tànanao, Ka dia tsy nahatsiaro reraka hianao.

Jeremia 13:21

Ahoana re no holazainao, raha tendreny hanapaka anao ireny sakaizanao ireny, Fa hianao ihany no nampianatra azy handrafy anao? Tsy hahazo anao va ny fanaintainana toy ny vehivavy raha miteraka?

Jeremia 13:22

Ary raha manao anakampo hianao hoe Ahoana no nahatonga izao tamiko? Noho ny haben’ny helokao no nampiaingana ny morontongotr’akanjonao Sy nandratrana ny ombelahin-tongotrao.

Jeremia 14:10

Izao no lazain’i Jehovah amin’ity firenena ity: Te-hirenireny toy izao izy, Ka tsy mahajanona ny tongony; Tsy sitrak’i Jehovah izy, Ankehitriny dia tsaroany ny helony, Ary valiany ny fahotany.

Jeremia 18:12

Nefa hoy ireo: Kivy izahay izany! Fa mbola hanaraka ny hevitray ihany izahay; Eny, samy hanao araka ny ditry ny fo ratsinay avy izahay rehetra.

Jeremia 2:31

Ry taranaka, dinihonareo ny tenin’i Jehovah! Moa efa nanjary tany efitra ho an’ny Isiraely va Aho, Na tany maizim-pito? Nahoana ny oloko no manao hoe: Afaka mikarenjy izahay Ka tsy hankany aminao intsony?

Jeremia 22:20

Miakara any Libanona, ka mitaraina; Dia asandrato any Basana ny feonao, Ary mitaraina any Abarima; Fa ringana avokoa ireo tia anao.

Jeremia 22:21

Efa niteny taminao Aho, fony hianao mbola nipetraka tsy nanana ahiahy; Nefa hoy hianao: Izaho tsy hihaino. Fanaonao hatry ny fony hianao mbola tanora ny tsy mihaino ny teniko.

Jeremia 3:13

Kanefa kosa ekeo ny helokao, Fa tamin’i Jehovah Andriamanitrao no niodinanao, Ary nivezivezy nankany amin’ny hafa hianao Teny ambanin’ny hazo maitso rehetra, Fa tsy mba nihaino ny feoko hianareo, hoy Jehovah.

Jeremia 44:17

Fa hataonay tokoa ny teny rehetra izay naloaky ny vavanay, dia ny handoro ditin-kazo manitra ho an’ny mpanjakavavin’ny lanitra sy ny hanidina fanatitra aidina ho azy, toy ny efa nataonay sy ny razanay sy ny mpanjakanay ary ny mpanapaka anay tany amin’ny tanànan’ny Joda sy teny amin’ny làlamben’i Jerosalema; fa fahizany dia voky hanina izahay sady nambinina ary tsy nahita loza.

Fitomaniana 1:2

Mitomany dia mitomany izy nony alina, ary ny ranomasony dia eny an-takolany; Izay rehetra tia azy dia tsy misy mampionona azy; Ny sakaizany rehetra efa nivadika taminy ka tonga fahavalony.

Fitomaniana 4:4

Ny lelan’ny zaza minono miraikitra amin’ny lanilaniny noho ny hetaheta; Ny ankizy madinika mangataka hanina, nefa tsy misy mizara ho azy.

Ezekiela 20:32

Ary tsy ho tanteraka mihitsy ny eritreritry ny fanahinareo hoe: Ho tahaka ny jentilisa izahay, dia tahaka ny firenena amin’ny tany samy hafa, ka hanao fanompoam-pivavahana ho an’ny vato aman-kazo.

Hosea 2:3

Manaova amin’ny rahalahinareo hoe: Amỳ, ary amin’ny anabavinareo hoe: Rohama.

Hosea 2:5

Fandrao hampihanjahanjaiko izy Ka hataoko toy ny tamin’ny andro nahaterahany, Ary hataoko toy ny efitra sy ny tany karankaina izy, Eny, hataoko matin-ketaheta izy.

Malakia 3:14

Tamin’ny nanaovanareo hoe: Zava-poana ny manompo an’Andriamanitra; ary inona moa no soa efa azo tamin’ny fitandremantsika izay nasainy notandremana sy tamin’ny nandehanantsika nitafy lamba fisaonana teo anatrehan’i Jehovah, Tompon’ny maro.

Lioka 15:22

Fa rainy kosa nanao tamin’ny ankizilahiny hoe: Alao haingana ny akanjo tsara indrindra ka ampiakanjoy azy; ary asio peratra ny tànany sy kapa ny tongony;

Lioka 16:24

Ary izy niantso ka nanao hoe: Ry Abrahama raiko ô, mamindrà fo amiko, ka iraho Lazarosy mba hanoboka ny tendron’ny rantsan-tanany amin’ny rano mba hampangatsiaka ny lelako; fa fadiranovana aho eto anatin’ity lelafo ity.

Romana 8:24

Fa ny fanantenana no namonjena antsika; nefa ny fanantenana hita dia tsy mba fanantenana intsony; fa ahoana no mbola anantenan’ny olona izay efa hitany?

Deoteronomia 28:48

Ary amin’ny fahanoanana sy ny hetaheta sy ny fitanjahana ary ny tsi-fananana na inona na inona no hanompoanao ny fahavalonao izay hampandehanin’i Jehovah hiady aminao; dia hanisy zioga vy amin’ny vozonao ireny mandra-pandringany anao.

Deoteronomia 32:16

Nampahasaro-piaro Azy tamin’ny hafa izy; Ary tamin’ny zava-betaveta no nampahasosorany Azy;