Jeremia 2:25 - Baiboly Katolika

²⁵ Tandremo mba tsy hiala kapa ny tongotrao, ary mba tsy ho maina ny tendanao! Nefa hoy ianao: ‹Tsy hisy antony tsinona! Tsia, fa ny hafa tiako, ka hanaraka an’ireny aho!›

Baiboly Protestanta Malagasy 2011

²⁵ Mitandrema! Fa ho afaka amin’ny tongotrao ny kapanao, ary ho maina ny tendanao; nefa hoy ianao: Tsy manantena inona aho! Tsia! Fa ny vahiny no tiako ka hanaraka azy aho.

DIEM PROTESTANTA

²⁵ «Atsaharo ny hazakazakao, ry Israely, fandrao haradratra ny tongotrao tsy mikapa ary koa ho maina ny tendanao.» Nefa hoy ny navalinao hoe: «Tsy mampiraika ahy izany, fa tiako ny andriamani-kafa ka tsy maintsy miaraka aminy aho.»

Dikateny Iombonana Eto Madagasikara

²⁵ «Atsaharo ny hazakazakao, ry Israely, fandrao haradratra ny tongotrao tsy mikapa ary koa ho maina ny tendanao.» Nefa hoy ny navalinao hoe: «Tsy mampiraika ahy izany, fa tiako ny andriamani-kafa ka tsy maintsy miaraka aminy aho.»

Baiboly Protestanta Malagasy

²⁵ Aza esorina ny kapa amin’ny tongotrao; Ary aoka tsy ho maina ny tendanao; Nefa hoy hianao: Tsy misy fanantenana; Tsia! fa ny hafa no tiako, Ka dia hanaraka azy aho.

Malagasy Bible

²⁵ Aza esorina ny kapa amin'ny tongotrao; Ary aoka tsy ho maina ny tendanao; Nefa hoy ianao: Tsy misy fanantenana; Tsia! fa ny hafa no tiako, ka dia hanaraka azy aho.

La Bible en Malgache

²⁵ Mitandrema! Fa ho afaka amin’ny tongotrao ny kapanao, ary ho maina ny tendanao; nefa hoy ianao: Tsy manantena inona aho! Tsia! Fa ny vahiny no tiako ka hanaraka azy aho.

Jeremia 2:25 Rohy Ifampitohizana

2Tantara 28:22

Na tao anatin’izany fahoriana nanjò azy izany aza, mbola nanohy ny fahotana tamin’i Iaveh ihany izy Akaza mpanjaka,

2Tantara 28:23

fa nanao sorona tamin’ny andriamanitr’i Damasa izay namely azy izy, ka nanao hoe: «Ny andriamanitr’ireo mpanjakan’i Siria no mamonjy azy ireo, koa hotolorako sorona dia hamonjy ahy.» Kanjo ireo no tonga fandravana azy sy i Israely rehetra.

Isaia 2:6

Fa efa nandao ny vahoakanao Ianao, ny taranak’i Jakôba, satria efa feno tafahoatra hatry ny ela ny helony; manaraka ny fankatoavana toy ny Filistinina izy, ary mifandray tanana amin’ny zanaky ny hafa firenena.

Isaia 57:10

Reraka noho ny fandehandehananao matetika ianao; tsy mba nilaza hoe: «Aim-bery foana izany!» Hitanao fa mbola misy hery ny tananao, ka izany no tsy ahatsiarovanao marary.

Jeremia 13:21

Hanao ahoana kosa ianareo, rehefa tendren’i Iaveh ho tomponao ireo nampianarinao hamely anao - ireo mpifankazatra aminao! Moa tsy hahazo anao va ny fanaintainana, toy ny an’ny vehivavy raha miteraka?

Jeremia 13:22

Raha tahiny ianao manao anakampo hoe: Nahoana aho no dia nidiran-doza toy izao?... Dia ny haben’ny helokao, no antony nanaingana ny morontongotr’akanjonao, sy nandratràna ny ombalahin-tongotrao.

Jeremia 14:10

Izao no lazain’i Iaveh ny amin’ity vahoaka ity: «Eny, ny hiverenany atsỳ arỳ no tiany, ka tsy mahatana ny tongony izy. Tsy nankasitraka azy intsony i Iaveh; dia indro ho tsaroany amin’izao ny helony ary hovaliany ny fahotany.»

Jeremia 18:12

Izy ireo anefa manao hoe: ‹Tsinontsinona izany! Izahay dia hanaraka ny hevitray ihany, sy hanao araka ny ditran’ny fo ratsinay avy ihany.› »

Jeremia 2:31

Taranaka ahoana re ianao izany e! Diniho ny tenin’i Iaveh: Moa tany efitra ho an’i Israely va Aho, moa tany maizim-pito va? Nahoana ny vahoakako no manao hoe: ‹Efa afaka izahay, ka tsy hiverina aminao intsony?›

Jeremia 22:20

Miakara any Libàna, dia miantsoa mafy manandrata feo any Basàna! Miantsoa mafy any an-tampon’i Abarima, fa torotoro avokoa ireo lehilahinao.

Jeremia 22:21

Efa niteny taminao Aho, fony ianao mbola niadana nefa hoy ianao: Tsy hihaino aho! Fanaonao hatry ny fony mbola tanora izany: tsy nihaino ny feoko ianao!

Jeremia 3:13

Mieke anefa ny hadisoanao, satria niodina tamin’i Iaveh Andriamanitrao ianao, ka nandehandeha foana tany amin’ny tany hafa, teny ambany hazo maitsonao teny, fa tsy nihaino ny feoko ianareo, - teny marin’i Iaveh. -

Jeremia 44:17

Fa ny teny rehetra naloakan’ny vavany, dia tsy maintsy tanterahinay tokoa tokoa, amin’ny fanaterana emboka manitra amin’ny Mpanjaka vavin’ny lanitra, amin’ny fandraràhana fanatitra araraka ho azy, araka ny efa nataonay, dia izahay sy ny razanay ary ny mpanjakany ama-mpifehy anay tany amin’ny tanin’i Jodà sy teny an-dalamben’i Jerosalema. Tamin’izay, izahay voky hanina, niadana ary tsy nahita loza.

Fitomaniana 1:2

Mitomany amin’alahelo izy, mandritra ny alina, vonton-dranomaso ny takolany, tsy misy mampionona azy ireo mpitia azy rehetra; nivadika taminy ireo namany rehetra, ka tonga fahavalony.

Fitomaniana 4:4

Ny lelan’ny zaza minono tafaraikitra amin’ny lanilany, azon’ny hetaheta; mangataka hanina ny ankizy madinika, nefa tsy nisy olona manome azy.

Ezekiela 20:32

Ary tsy ho tanteraka akory ny hevitra mby ao an-tsainareo manao hoe: Ho tahaka ny firenena izahay, ho tahaka ny fokon-tany hafa manompo hazo amam-bato izahay.

Hosea 2:3

Lazao amin’ny rahalahinareo hoe: «Amì!» sy amin’ny anabavinareo hoe: «Rôkama».

Hosea 2:5

fandrao izy hampihanjahanjaiko hataoko toy ny tamin’ny andro nahaterahany, hampanjariko toy ny efitra, hataoko toy ny tany karankaina, ary hataoko matin’ny hetaheta.

Malakia 3:14

Zava-poana ny manompo an’Andriamanitra; inona no soa azontsika tamin’ny fitandremana ny didiny sy tamin’ny fandehanana niory teo anatrehan’i Iavehn’ny tafika?

Lioka 15:22

Fa hoy irainy tamin’ny mpanompony: Alao haingana ny akanjo tsara indrindra ka ampiakanjoy azy; asio peratra ny rantsan-tanany, kiraroy ny tongony,

Lioka 16:24

ka niantso izy nanao hoe: ‹Ry kiaky Abrahama ô! mamindra fo amiko, mba iraho kely re i Lazara handroboka ny loha fanondrony ao anaty rano mba hampangatsiatsiaka ny lelako ahay, fa mijaly loatra aho eto anatin’ity lelafo ity.›

Romana 8:24

Fa vao amin’ny fanantenana fotsiny no nahavoavonjy antsika. Ary ny mahita izay antenaina, dia tsy mba manantena intsony, fa efa hitany ka ahoana indray no hanantenany?

Deoteronomia 28:48

dia amin’ny hanoanana sy hetaheta, ary amin’ny fitanjahana sy tsy fananana na inona na inona kosa no hanompoanao ny fahavalonao, izay halefan’i Iaveh hamely anao; hanisy jioga vy ny vozonao mandra-pandringany anao Izy.

Deoteronomia 32:16

Nampahasaro-piaro Azy tamin’ny andriamanitra hafa izy ireo ary nampahatezitra Azy tamin’ny fahavetavetana.