Genesisy 31:1 - Baiboly Protestanta Malagasy

¹ ARY Jakoba nandre ny tenin’ny zanakalahin’i Labana nanao hoe: Efa lasan’i Jakoba avokoa izay rehetra nananan’ny raintsika; ary avy tamin’ny fananan’ny raintsika no nahazoany izao voninahitra rehetra izao.

Baiboly Protestanta Malagasy 2011

¹ Fa ren’i Jakoba ny resaky ny zanakalahin’i Labana hoe: Lasan’i Jakoba avokoa izay rehetra ananan’ny raintsika; avy tamin’ny fananan’ny raintsika no nahazoany ireo harena rehetra ireo.

DIEM PROTESTANTA

¹ Kanefa ren’i Jakôba fa ny zanakalahin’i Labàna efa nilaza hoe: «Lasan’i Jakôba avokoa ny fananan-draintsika, ary avy tamin’izany fananan-draintsika izany no nananany izao harena rehetra izao.»

Dikateny Iombonana Eto Madagasikara

¹ Kanefa ren’i Jakôba fa ny zanakalahin’i Labàna efa nilaza hoe: «Lasan’i Jakôba avokoa ny fananan-draintsika, ary avy tamin’izany fananan-draintsika izany no nananany izao harena rehetra izao.»

Baiboly Katolika

¹ Ren’i Jakôba fa ny zanakalahin’i Labàna dia nanao vava hoe: «Lasan’i Jakôba avokoa izay nananan-draintsika; ary avy amin’ny ananan-draintsika no nahazoany izao fananany rehetra izao.»

Malagasy Bible

¹ Ary Jakoba nandre ny tenin'ny zanakalahin'i Labana nanao hoe: Efa lasan'i Jakoba avokoa izay rehetra nananan'ny raintsika; ary avy tamin'ny fananan'ny raintsika no nahazoany izao voninahitra rehetra izao.

La Bible en Malgache

¹ Fa ren’i Jakoba ny resaky ny zanakalahin’i Labana hoe: Lasan’i Jakoba avokoa izay rehetra ananan’ny raintsika; avy tamin’ny fananan’ny raintsika no nahazoany ireo harena rehetra ireo.

Genesisy 31:1 Rohy Ifampitohizana

Genesisy 30:43

Dia nitombo harena indrindra ralehilahy ka nanana ondry aman-osy betsaka ary andevovavy sy andevolahy ary rameva sy boriky.

Genesisy 31:2

Ary hitan’i Jakoba ny tarehin’i Labana, fa indro tsy mba miramirana taminy tahaka ny taloha izy.

Genesisy 31:43

Dia namaly Labana ka nanao tamin’i Jakoba hoe: Ireo zazavavy ireo dia zanako-vavy; ary ireo zazalahy ireo dia zanako-lahy; ary ireo ondry aman-osy ireo dia ondry aman-osiko; ary izao rehetra hitanao izao dia ahy avokoa; ary ahoana no hataoko anio amin’ireto zanako-vavy, na amin’ny zanany naterany?

Genesisy 45:13

Dia hambaranareo amin’ikaky ny voninahitro rehetra atỳ Egypta sy izay rehetra efa hitanareo; koa mandehana faingana hianareo, ka ento midina atỳ ikaky.

Estera 5:11

Ary nambaran’i Hamana tamin’ireo ny voninahitry ny hareny sy ny hamaroan’ny zanany mbamin’izay voninahitra rehetra nomen’ny mpanjaka azy sy ny nanandratany azy ho ambony noho ny mpanapaka sy ny mpanompon’ny mpanjaka.

Joba 31:31

Raha tàhiny ny tao an-daiko tsy nanao hoe: Iza moa no tsy voky tamin’ny henany?

Salamo 17:14

Vonjeo amin’ny tànanao aho, Jehovah ô, mba tsy ho azon’ny olon’izao tontolo izao, Izay manana ny anjarany amin’izao fiainana izao, sady fenoinao ny harenao ny kibony; Maro anaka izy, dia mamela ny fananany be ho an’ny zanany madinika.

Salamo 57:4

Ny fanahiko dia eo afovoan’ny liona; Handry eo amin’ny masiaka aho, Dia eo amin’ny zanak’olombelona,– Lefona sy zana-tsipìka ny nifiny, ary sabatra maranitra ny lelany.

Ohabolana 14:30

Ny fo mionona no fiainan’ny nofo; Fa ny fahamaimaizan-tsaina dia mahalo ny taolana.

Ohabolana 27:4

Masiaka ny fahavinirana, ary misafoaka ny fahatezerana; Fa iza no mahajanona eo anatrehan’ny fahasaro-piaro?

Mpitoriteny 4:4

Ary hitako ny fisasarana rehetra sy ny fahaizan-javatra rehetra, fa avy amin’ny fifampialonan’ny olona izany. Zava-poana sy misambo-drivotra foana koa izany.

Isaia 5:14

Koa izany no mampitanatana vava ny fiainan-tsi-hita Hanao telimoka an’i Jerosalema; Ary any no hivarinan’ny voninahiny sy ny fihahohahony Ary ny tabatabany mbamin’izay mifalifaly ao aminy;

Jeremia 9:23

Fa izay te-hirehareha dia aoka hirehareha amin’izao: Dia ny fahendreny sy ny fahalalany Ahy ho Jehovah, Izay manao famindrampo sy fitsarana marina ary fahamarinana etỳ ambonin’ny tany; Fa izany no sitrako, hoy Jehovah.

Ezekiela 16:44

Indro, ny mpanao ohabolana rehetra dia hamely anao amin’izao ohabolana izao hoe: ,Manahaka an-dreniny ihany ny zanani-vavy.’

Matio 4:8

Ary ny devoly nitondra Azy indray nankany an-tendrombohitra avo dia avo ka naneho Azy ny fanjakana rehetra amin’izao tontolo izao mbamin’ny voninahiny,

1Timoty 6:4

dia mieboebo foana izy ka tsy mahalala na inona na inona, fa adala amin’ny fiadian-kevitra sy ny fiadian-teny izay mahatonga fialonana, fifandirana, fanaratsiana, fiahiahian-dratsy,

Titosy 3:3

Fa isika koa dia adala fahiny, tsy nanaiky, voafitaka, dia andevon’ny filana sy ny fahafinaretana maro, ary velona teo amin’ny lolompo sy ny fialonana, sady hala no nifankahala.

1Petera 1:24

Fa ,,ny nofo rehetra dia tahaka ny ahitra, Ary izay mety ho voninahiny dia tahaka ny vonin’ny ahitra. Malazo ny ahitra, ka mihintsana ny voniny;