Genesisy 27:41 - Baiboly Protestanta Malagasy

⁴¹ ARY Esao nanao fo-lentika tamin’i Jakoba noho ny tso-drano izay nataon-drainy taminy; dia hoy Esao anakampo: Efa antomotra ny andro hisaonana an’ikaky, dia hamono an’i Jakoba rahalahiko aho.

Baiboly Protestanta Malagasy 2011

⁴¹ Ary nankahala an’i Jakoba i Esao noho ny tsodrano izay nomen’ny rainy azy. Dia hoy i Esao anakampo: Efa antomotra ny andro hisaonana an’Ikaky ka hovonoiko i Jakoba rahalahiko.

DIEM PROTESTANTA

⁴¹ Ary nankahalain’i Hesao i Jakôba, satria nahazo ny tsodranon-drainy; ka hoy i Hesao anakampo hoe: «Efa akaiky ny andro hisaonana an’i dada, ary amin’izay no hamonoako an’i Jakôba rahalahiko.»

Dikateny Iombonana Eto Madagasikara

⁴¹ Ary nankahalain’i Hesao i Jakôba, satria nahazo ny tsodranon-drainy; ka hoy i Hesao anakampo hoe: «Efa akaiky ny andro hisaonana an’i dada, ary amin’izay no hamonoako an’i Jakôba rahalahiko.»

Baiboly Katolika

⁴¹ Raikitra ao am-pon’i Esao ny fankahalana an’i Jakôba noho ny tso-drano nomen-drainy azy, ka hoy izy tao am-pony: «Ny andro hisaonako an’i Dada dia efa antomotra; amin’izay dia hovonoiko i Jakôba rahalahiko.»

Malagasy Bible

⁴¹ Ary Esao nanao fo-lentika tamin'i Jakoba noho ny tso-drano izay nataon-drainy taminy; dia hoy Esao anakampo: Efa antomotra ny andro hisaonana an'ikaky, dia hamono an'i Jakoba rahalahiko aho.

La Bible en Malgache

⁴¹ Ary nankahala an’i Jakoba i Esao noho ny tsodrano izay nomen’ny rainy azy. Dia hoy i Esao anakampo: Efa antomotra ny andro hisaonana an’Ikaky ka hovonoiko i Jakoba rahalahiko.

Genesisy 27:41 Rohy Ifampitohizana

Genesisy 27:42

Ary nisy namanbara tamin-dRebeka izany tenin’i Esao zanany lahimatoa izany; dia naniraka nampaka an’i Jakoba zanany faralahy izy ka nanao taminy hoe: Indro, Esao rahalahinao mikasa hamaly ny nataonao ka hamono anao.

Genesisy 32:11

tsy mendrika ho nahazo na kely akory aza aho tamin’ny famindrampo rehetra sy ny fahamarinana rehetra, izay nataonao tamiko mpanomponao; fa tsy nitondra na inona na inona afa-tsy ny tehiko ihany aho fony nita ity Jordana ity; nefa ankehitriny efa tonga toby roa aho.

Genesisy 32:3

Ary hoy Jakoba, raha nahita ireo: Tobin’Andriamanitra ity; ary ny anaran’izany tany izany nataony hoe Mahanaima.

Genesisy 32:6

ary manana omby sy boriky sy ondry aman-osy ary andevolahy aho; dia efa mba naniraka hanambara aminao tompokolahy ihany aho mba hahitako fitia eo imasonao.

Genesisy 35:29

Dia niala aina Isaka ka maty, ary voangona any amin’ny razany, rehefa tratrantitra sady ela niainana izy; ary dia nandevina azy Esao sy Jakoba zanani-lahy.

Genesisy 37:18

Ary nahatazana azy eny lavidavitra eny ny rahalahiny; koa raha tsy mbola nanakaiky azy Josefa, dia niray tetika hamono azy izy.

Genesisy 37:4

Ary nony hitan’ny rahalahiny fa Josefa no tian’ny rainy mihoatra noho izy mirahalahy avy, dia nankahala azy izy ka tsy nahazaka hanao teny tsara taminy.

Genesisy 37:8

Ary hoy ny rahalahiny taminy: Moa hanjaka aminay tokoa va hianao? na hanapaka anay tokoa va hianao? Ary izany nofiny sy teniny izany dia vao mainka nankahalany azy.

Genesisy 50:15

Ary rehefa hitan’ny rahalahin’i Josefa fa maty ny rainy, dia hoy izy: Andrao hanao fo-lentika amintsika Josefa ka hamaly antsika tokoa noho izay ratsy rehetra nataontsika taminy.

Genesisy 50:2

Ary nasain’i Josefa nanosotra zava-manitra an-drainy ny mpanompony izay mpanao fanafody; dia nanosotra an’Isiraely ny mpanao fanafody.

2Tantara 35:24

Dia nesorin’ny mpanompony tamin’izany kalesy izany izy, ka napetrany teo amin’ny kalesiny faharoa ary nentiny ho any Jerosalema; dia maty izy ka nalevina tao am-pasan-drazany. Ary ny Joda sy Jerosalema rehetra dia nisaona an’i Josia.

Salamo 142:3

Raha reraka ato anatiko ny fanahiko, dia fantatro ny alehako; Eo amin’ny làlana izorako No nanafenany fandrika hamandrihany ahy.

Salamo 35:14

Toy ny nisy nanjo ny sakaizako na ny rahalahiko no nandehanako; Nitanondrika tamin’alahelo toy ny fisaona reny aho.

Salamo 37:16

Tsara lavitra ny kely ananan’ny olo-marina anankiray Noho ny be ananan’ny ratsy fanahy maro.

Ohabolana 1:16

Fa ny tongony mihazakazaka ho amin’ny ratsy Sady faingana handatsa-dra.

Ohabolana 18:19

Ny mampionona ny rahalahy voaisy ratsy dia sarotra noho ny manafaka vohitra mafy, Ary ny fifandirana aminy dia tahaka ny hidin’ny lapan’ny mpanjaka.

Ohabolana 6:14

Fahafetsena no ao am-pony, Mihevi-dratsy mandrakariva izy Sady mamafy ady.

Mpitoriteny 7:9

Aoka tsy halaky tezitra ny fanahinao; fa ny fahatezerana mitoetra ao an-tratran’ny adala.

Ezekiela 35:5

Noho ny fandrafianao hatry ny fony ela Sy ny nanoloranao ny Zanak’Isiraely ho fatin’ ny sabatra, Fony tamin’ny andro nahitany loza, Dia ny fotoan’ny heloka mahafaty,

Deoteronomia 34:8

Ary ny Zanak’Isiraely nisaona an’i Mosesy telo-polo andro teo Arbota-moaba; dia tapitra ny andro fitomaniana nisaonana an’i Mosesy.

Titosy 3:3

Fa isika koa dia adala fahiny, tsy nanaiky, voafitaka, dia andevon’ny filana sy ny fahafinaretana maro, ary velona teo amin’ny lolompo sy ny fialonana, sady hala no nifankahala.